Skessuhorn - 18.03.2020, Blaðsíða 21

MIÐVIKUDAGUR 18. MARS 2020 21
Finnski tölvuleikurinn Control
hlaut á dögunum metfjölda til-
nefninga til BAFTA-verðlaunanna,
hvorki fleiri né færri en ellefu tals-
ins, en verðlaunin verða afhent
2. apríl næstkomandi. Þar á með-
al var leikurinn tilnefndur fyr-
ir hljóðsetningu. Á bak við hljóð-
heim leiksins er Hólmarinn Gulli
Gunnarsson og samstarfsfólk hans
hjá finnska tölvuleikjafyrirtækinu
Remedy Entertainment, sem starf-
rækt er í Helsinki. „Þetta er góð til-
finning. Leikurinn er búinn að fá
margar tilnefningar og verðlaun
síðan hann kom út. Rosa mikil en
skemmtileg vinna er að baki og það
er mjög gaman að fá svona viður-
kenningu sem felst í þessari til-
nefningu. Það segir manni að mað-
ur sé að gera eitthvað rétt og veitir
manni hvatningu til að halda áfram
og reyna að gera enn betur,“ segir
Gulli í samtali við Skessuhorn.
Hljóðheimur
tölvuleiksins
Starf Gulla felst í því að hanna
hljóðheim leiksins. Undir það
falla öll hljóð í leiknum, hvort
sem tölvuleikjaspilarinn lætur að-
alsögupersónuna opna hurð eða
skjóta úr byssu. Hljóð í tölvuleikj-
um svipar til teiknimyndahljóða að
því leyti að því sem sést á skjánum
fylgir ekkert hljóð. Það þarf að búa
þau öll til. Hvert og eitt einasta.
En hann er ólíkur teiknimyndum
að því leyti að tölvuleikur gerist í
rauntíma. Sá sem spilar hann ræð-
ur ferðinni. „Hvert hljóð á sér stað
í þrívíddarveröld og þarf að heyrast
í samræmi við hvert spilarinn snýr
hverju sinni og hvað gerist í kring.
Hljóðið úr byssunni er kannski allt-
af fyrir framan þig en allt annað er
hannað til þess að búa til veröldina
í kring, sem í þessum leik var mjög
skrautleg. Sagan í leiknum, spila-
mennskan, mynd og hljóð; saman
þarf allt að skapa eina heildstæða
upplifun,“ segir Gulli.
„Þetta snýst ekki bara um að
búa til hljóð, því tæknilega hliðin á
hljóðsetningunni er alveg jafn mik-
ilvæg. Maður veit ekki hvað spilar-
inn ætlar að gera hverju sinni og
það þarf allt að virka til þess að skila
sömu upplifuninni,“ útskýrir hann.
Hljóðin þarf að búa til í stúdíói
og raunar margar útgáfur af sömu
hljóðunum. Þeim er síðan raðað
inn í leikinn, kóðuð til að heyrast á
réttum stöðum, á réttum tíma sem
viðbragð við áreiti þess sem spilar
leikinn. „Það þarf að huga að al-
veg rosalega mörgum smáatriðum
í svona. Við unnum saman hljóð-
setninguna í ellefu manna teymi, ég
og fjórir aðrir hljóðhönnuðir, síðan
tæknilegir hönnuðir og forritarar.
Það þarf að sjá til þess að þetta virki
allt saman,“ segir Gulli, en allt í allt
starfa um 250 manns hjá Remedy
Entertainment.
Til Finnlands
fyrir tilviljun
Aðspurður segist Gulli ekki hafa
verið mikill tölvuleikjamaður
þegar hann var yngri. Hann hafi
stundað íþróttir af krafti heima
í Hólminum, verið mikið í tón-
list en ekki haft mikinn tíma til að
spila tölvuleiki. En kom það þá til
að hann hóf störf hjá tölvuleikja-
framleiðanda í Helsinki? „Ég var
í hljóðveri í London að taka upp
tal í tölvuleik þegar ég var beð-
inn um að leysa af í klukkutíma í
hljóðverinu við hliðina á. Það var
Remedy og ég hitti þar mannin
sem núna er yfirmaðurinn minn.
Eftir stutt spjall kom í ljós að þeir
voru að leita að nýju fólki og þá
fór boltinn að rúlla,“ segir Gulli.
„En þetta allt saman tók sex eða
átta mánuði, það þarf ýmislegt að
gerast áður en maður getur flutt
til Finnlands,“ segir hann létt-
ur í bragði. „Þannig að í rauninni
datt þetta bara upp í hendurnar á
mér og ég sé ekki eftir því,“ seg-
ir Gulli.
Skapandi heimur
Hann telur tónlistaráhugann hafa
spilað stóra rullu í því að hann fór
út á þessa braut. Það hafi hins veg-
ar ekki alltaf legið ljóst fyrir. „Ég
tók mér pásu eftir framhaldsskóla
og er svolítið feginn að ég gerði
það. Ég flutti til Spánar og svo
til Bandaríkjanna og var svo þess
á milli á línuveiðum frá Stykkis-
hólmi og svona,“ segir Gulli. „Ég
fór og lærði hljóðhönnun í Lond-
on árið 2009, útskrifaðist 2012 og
vann svo mikið við íslenskt heim-
ilda- og sjónvarpsefni meðal ann-
arra verkefna á Íslandi og erlend-
is. Svo kom þetta tækifæri hjá Re-
medy upp í hendurnar á mér,“ seg-
ir hann. „Ég er feginn að fyrst að
hljóðið átti fyrir mér að liggja að
ég fór þessa leið. Ef ég hefði far-
ið að vinna við upptökur í tónlist
held ég að ég hefði aldrei orðið
fyllilega sáttur, því ég hefði alltaf
helst viljað vera hinum megin við
mixerinn í tónlistinni,“ segir Gulli
sem kveðst afar ánægður í tölvu-
leikjaheiminum. „Mér finnst ótrú-
lega gaman að starfa við tölvu-
leiki, þetta er svo kreatífur heimur
og maður hefur mikið frelsi til að
skapa sjálfur,“ segir Gulli að end-
ingu. kgk
„Saman þarf allt að skapa eina heildstæða upplifun“
Skjáskot úr tölvuleiknum Control frá Remedy Entertainment.
Gulli Gunnarsson hljóðhönnuður. Ljósm. Niall McConnell.