Skessuhorn - 26.08.2020, Blaðsíða 15

MIÐVIKUDAGUR 26. áGúSt 2020 15
Fimleikafélag Akraness hóf form-
lega æfingar í nýju fimleikahúsi við
Vesturgötu á mánudaginn. Að sögn
Alfreðs Alfreðssonar, rekstarstjóra
áhaldahúss á skipulags- og um-
hverfissviði Akraneskaupstaðar, er
sá hluti hússins sem fimleikaaðstað-
an er í alveg tilbúin. „Það eina sem
á eftir að gera er að setja upp hljóð-
kerfi en það er væntanlegt,“ seg-
ir hann og bætir við að næsta verk-
efni sé frágangur utanhúss. „Lóðin
fór í hönnun með lóð Brekkubæj-
arskóla og vonandi verður byrjað
á því verkefni á næstu dögum eða
vikum,“ segir Alfreð í samtali við
Skessuhorn.
Gamla aðstaðan ekki
boðleg lengur
Sigrún Ríkharðsdóttir, fram-
kvæmdastjóri Fimleikafélags Akra-
ness, segir nýju aðstöðu félagsins
langþráða. „Við vorum ekki á pari
við önnur fimleikafélög í landinu
og gátum ekki boðið okkar iðkend-
um upp á þá aðstöðu sem þarf fyrir
keppendur í fimleikum. Við vorum
að fara til Reykjavíkur einu sinni í
viku með keppnishópa frá okkur til
að æfa með viðeigandi búnað,“ seg-
ir Sigrún. „Gamla aðstaðan var því
ekki boðleg lengur. Fyrir utan það
vorum við ekki með aðstöðu til að
gera allar æfingar sem keppnishóp-
arnir okkar þurfa að geta gert. Elstu
keppendurnir okkar voru að æfa til
klukkan tíu á kvöldin en eru nú bún-
ir klukkan átta. Maður getur rétt
ímyndað sér hversu mikill munur
það er fyrir þau. Það er ekki auðvelt
að vera á æfingum til klukkan tíu á
kvöldin og eiga svo eftir að ná sér
niður og svoleiðis og fara að sofa
til að vakna snemma næsta morg-
un,“ segir Sigrún. En þrátt fyrir að-
stöðuleysi hafa fimleikarnir vaxið á
Akranesi síðustu ár. „Við eigum úr-
vals fimleikafólk hér. Sem dæmi er
Þórdís Þráinsdóttir yfirþjálfari hjá
okkur að þjálfa unglingalandslið og
svo eigum við einn keppanda í ung-
lingalandsliðinu,“ segir Sigrún og
bætir við að nú þegar aðstaðan er
orðin til fyrirmyndar sé ekki ólík-
legt að fleiri Skagamenn nái enn
lengra í íþróttinni næstu misseri.
„Ég hef fulla trú á því,“ segir hún
ánægð.
Bjóða strákum að
æfa fimleika frítt
í september
Aðspurð segir Sigrún mikla aðsókn
hafa verið í fimleikana á Akranesi
og töluvert margar nýskráningar
hafa borist fyrir veturinn. „Það eru
margir að byrja að æfa núna og geri
ég ráð fyrir að nýskráningar verði
enn fleiri, það eru ekkert allir bún-
ir að skrá sig fyrir veturinn,“ segir
hún. Fimleikafélagið hefur aðstöð-
una alla daga á milli klukkan tvö og
níu og segir Sigrún það gera þeim
kleift að bæta við æfingum og bjóða
fleirum að æfa fimleika. „Við gát-
um fjölgað æfingum hjá einhverj-
um keppnishópum og byrjuðum
með grunnhóp fyrir stráka,“ segir
hún og bætir við að félagið sé nú í
átaki að fjölga strákum í hópi fim-
leikaiðkenda. En partur af því átaki
er að bjóða öllum strákum að æfa
fimleika frítt í september. „Þá geta
strákarnir komið og prófað, ef þeim
líkar ekki þá bara hætta þeir en ef
þeim líkar þetta geta þeir hald-
ið áfram,“ segir Sigrún Ríkharðs-
dóttir.
arg
Nýtt fimleikahús formlega tekið í notkun
Nýja fimleikahúsið á Akranesi.
Sigrún Ríkharðsdóttir framkvæmdarstjóri Fimleikafélags Akraness, er ánægð
með nýja aðstöðu félagsins. Strákum stendur til boða að prófa að æfa fimleika frítt í september. Ljósm. kgk
Krakkarnir voru ánægðir að mæta á æfingar í nýju fimleikahúsi. Ljósm. kgk Nýja húsið býður upp á frábæra aðstöðu. Ljósm. kgk
Flott fimleikastelpa. Ljósm. kgkRauða svæðið er fyrir dansæfingar.
Stefnt er að því að fá nýjan búnað
síðar í gulum og svörtum litum.
Gott jafnvægi er mikilvægt í fimleikum. Ljósm. kgk
Flott lending. Ljósm. kgk
Mikil aðsókn er í fimleika á Akranesi. Ljósm kgk