Skessuhorn - 09.12.2020, Blaðsíða 8

MIÐVIKUDAGUR 9. DESEMBER 20208
Furðulegt
háttarlag
GRUNDARFJ: Lögreglu barst
tilkynning á miðvikudagskvöld
um furðulegt háttarlag á bíla-
stæði við verslun í Grundarfirði.
Þar kom lögregla að ölvuðum
manni sem sat í bíl á miðju bíla-
stæðinu. Kvaðst maðurinn ekki
hafa verið að keyra en ökumað-
urinn hefði yfirgefið hann og
bílinn. Ekki var aðhafst frekar í
málinu en þó fylgst áfram með
að allt yrði lögum samkvæmt.
-frg
Útafakstur við
Fiskilæk
HVALFJ.SV: Bíll fór út af
Vesturlandsvegi við Fiskilæk í
Melasveit á miðvikudag. Engin
meiðsl urðu á fólki og ekki sjá-
anlegt tjón á bílnum, en vegna
veðurs var ákveðið að bíða með
að ná honum upp á veg. Björg-
unarsveitin Brák flutti fólkið í
Borgarnes. -frg
Undir áhrifum
SNÆFELLSNES: Á mið-
vikudagskvöld barst tilkynning
um ölvaðan ökumann við leik-
skólann Sólvelli í Grundarfirði.
Lögregla stöðvaði manninn
og reyndist hann undir áhrif-
um amfetamíns. Ökumaður var
handtekinn en vegna tungu-
málaörðugleika þurfti að kalla
til túlk. Málið fór síðan hefð-
bundna leið. -frg
Rann á ruslaskýli
BORGARNES: Á fimmtudag
barst lögreglu tilkynning um
að bíl hefði ekið á sorptunnu-
skýli vð Kvíaholt í Borgarnesi.
Þar hafði bíll verið á leið upp
brekku og ekki náð alla leið
upp heldur runnið niður brekk-
una og hafnað á sorptunnuskýli.
Nokkuð tjón varð á bæði skýli
og bíl. -frg
Kvartað yfir stað-
setningu lög-
reglubíls
VESTURLAND: Á fimmtu-
dag tilkynnti reiður vegfarandi
um illa staðsetta bifreið sem
hann sagði trufla umferð og
geta valdið hættu. Lögreglubíll
var snarlega sendur á staðinn en
þar reyndist vera ómerktur lög-
reglubíll við hraðamælingar.
-frg
Útafakstur á
Snæfellsvegi
SNÆFELSNES: Um hádeg-
isbil á sunnudag var bíl ekið
útaf vestan við Vatnaleið á Snæ-
fellsvegi. Að sögn ökumanns
var hann á vesturleið og aðeins
búið að moka helming vegar-
ins. Hann missti síðan stjórn á
bílnum sem fór útaf og hafn-
aði á annarri hliðinni. Öku-
maður afþakkaði sjúkraflutn-
ing og kranabíll dró bílinn upp
á veg. Daginn eftir varð annar
útafakstur rétt vestan við Grís-
hól þar sem ökumaður lendir í
slabbi en mætir á sama tíma bíl.
Sagðist ökumaður hafa ekið á 90
km hraða en hægt á sér áður en
óhappið varð. Lögregla minnir
á að ávalt skuli miða ökuhraða
við aðstæður þó leyfilegur há-
markshraði sé hærri. -frg
Ungmenni undir
áhrifum
AKRANES: Á mánudagskvöld
stöðvaði lögregla bifreið á Inn-
nesvegi á Akranesi. Við athug-
un reyndist bifreiðin anga af
kannabislykt en þó fannst ekk-
ert slíkt við leit. Ökumaður var
handtekinn og fluttur á lög-
reglustöð. Þar sem hlutaðeig-
andi voru undir lögaldri var haft
samband við barnaverndaryfir-
völd og fór málið í hefðbundið
ferli. -frg
Allar
Krónuverslanir
Svansvottaðar
LANDIÐ: Nú hafa allar versl-
anir Krónunnar í landinu hlotið
Svansvottun, en um er að ræða
opinbert og vel þekkt umhverf-
ismerki á Norðurlöndunum
sem er meðal annars með það
markmið að lágmarka umhverf-
isleg áhrif á neyslu og fram-
leiðslu vara. „Eitt þeirra um-
hverfismarkmiða sem Krónan
setti sér fyrir árið 2020 var að fá
Svansvottun fyrir allar verslan-
ir okkar. Þetta er því stórt skref
sem varðar þá samfélagslegu
ábyrgð sem fyrirtækið leggur
áherslu á og stendur fyrir. Svan-
vottun er ekki eitthvað sem þú
færð bara einu sinni, heldur þarf
að halda viðmiðum til að missa
hana ekki,“ segir Hjördís Elsa
Ásgeirsdóttir, markaðsstjóri
Krónunnar í tilkynningu. -mm
Aflatölur fyrir
Vesturland
28. nóvember - 4. desember
Tölur (í kílóum)
frá Fiskistofu
Akranes: 2 bátar.
Heildarlöndun: 10.795 kg.
Mestur afli: Ísak AK-67: 8.179
kg. í tveimur löndunum.
Arnarstapi: 2 bátar.
Heildarlöndun: 28.968 kg.
Mestur afli: Kristinn HU-812:
28.800 kg. í tveimur löndun-
um.
Grundarfjörður: 6 bátar.
Heildarlöndun: 344.869 kg.
Mestur afli: Berglín GK - 300:
80.557 kg. í einni löndun.
Ólafsvík: 17 bátar.
Heildarlöndun: 164.495 kg.
Mestur afli: Hafdís SK-4:
18.905 kg. í tveimur löndun-
um.
Rif: 8 bátar.
Heildarlöndun: 123.575 kg.
Mestur afli: Bárður SH - 81:
27.388 kg. í einni löndun.
Stykkishólmur: 4 bátar.
Heildarlöndun: 17.625 kg.
Mestur afli: Kári SH - 78:
7.681 kg. í tveimur löndunum.
Topp fimm landanir
á tímabilinu:
1. Berglín GK - 300 - GRU:
80.557 01.12.2020
2. Sigurborg SH - 12 - GRU:
68.021 30.11.2020
3. Hringur SH - 153 - GRU:
67.600 02.12.2020
4. Runólfur SH - 135 - GRU:
62.277 30.11.2020
5. Farsæll SH - 30 - GRU:
61.912 01.12.2020
-frg
Ríkisstjórnin hefur samþykkt til-
lögu almannavarnadeildar Ríkis-
lögreglustjóra og embættis land-
læknis að Covid-19 viðvörunarkerfi
sem byggir á litum líkt og veður-
viðvörunarkerfi Veðurstofu Íslands.
Viðvörunarkerfinu er ætlað að auka
fyrirsjáanleika til lengri tíma varð-
andi þær aðgerðir sem grípa þarf til
í baráttunni við faraldurinn og lág-
marka þannig heildarskaðann sem
hann veldur í samfélaginu. Kerfið
verður kynnt á næsta upplýsinga-
fundi almannavarna og landlæknis
á mánudag. mm
Litakóði samþykktur vegna Covid-19
Nýlega fór fram meistaraprófsvörn
Brynju Valgeirsdóttur í búvísind-
um við deild Ræktunar og fæðu hjá
Landbúnaðarháskóla Íslands. Bar
ritgerðin titilinn; „Flúor í íslenska
hestinum“. Í kynningu á verkefni
Brynju kemur fram að flúor í um-
hverfi á upptök sín frá bæði nátt-
úrulegum uppsprettum og iðnaði
og dreifist þaðan til grunnvatns
og gróðurs. Hryggdýr sem útsett
eru fyrir verulegum styrk flúors
frá umhverfi eiga á hættu að verða
fyrir bráðri flúoreitrun, eða þróa
með sér króníska flúoreitrun eftir
uppsöfnun flúors í kalkríkum vefj-
um líkamans. Markmið rannsókn-
ar Brynu var að afla upplýsinga um
flúorstyrk í íslenska hestinum og fá
þar af leiðandi bakgrunnsgildi sem
hægt væri að styðjast við í framtíð-
inni. Einnig að meta hvort mun-
ur væri á flúoruppsöfnun í beinum
hrossa milli landshluta, og aldurs-
hópa.
Í kynningu á verkefni Brynju á vef
LbhÍ segir að styrkur flúors í kjálka-
sýnum 223 hrossa hafi verið mæld-
ur frá fjórum landshlutum; Suður-
landi, Vesturlandi, Norðurlandi og
Austurlandi og milli fimm aldurs-
hópa (folalda, 1-4 vetra, 5-12 vetra,
13-20 vetra og 21 vetra og eldri).
„Meðalstyrkur flúors í þessum sýn-
um mældist 244 ± 11,8 ppm (millj-
ónahlutar), og 286 ± 12,6 ppm þeg-
ar sýni úr folöldum voru tekin út,
en þessi gildi eru vel undir þekkt-
um viðmiðunarmörkum. Hæsti flú-
orstyrkur fyrir hvern aldurshóp var
úr hrossum af Vesturlandi. Mark-
tæk fylgni var á milli flúorstyrks og
aldurs hrossa, þar sem hæsti fylgni-
stuðullinn var í hrossum af Suður-
landi. Enn fremur var marktækur
munur á flúorstyrk milli landshluta,
þar sem hross af Vesturlandi mæld-
ust með marktækt hærri flúorstyrk
í kjálkum en hross af Suðurlandi, en
marktækur munur fannst ekki á flú-
orstyrk milli hrossa af Vesturlandi,
Norðurlandi og Austurlandi. Þegar
fylgni flúorstyrks í hrossum af Vest-
urlandi eingöngu og fjarlægð þeirra
frá álverinu í Hvalfirði var mæld,
fannst marktæk neikvæð fylgni,
sem gefur til kynna að drjúgur hluti
flúors í íslensku umhverfi á rætur
sínar að rekja til áliðnaðar.“
Þá segir að niðurstöður rann-
sóknarinnar séu þær fyrstu sinn-
ar tegundar og gefi innsýn í flúor-
uppsöfnun í beinum íslenska hests-
ins og mun á flúorstyrk í umhverfi
milli landshluta. Einnig benda nið-
urstöðurnar til þess að íslenski hest-
urinn safni upp minna magni af flú-
or í bein heldur en íslenskt sauðfé
og sé vegna þess óhentug vísiteg-
und þegar kemur að flúormengun
í umhverfi.
mm
Halla Signý Kristjánsdóttir, þing-
maður Framsóknarflokksins, hef-
ur lagt fram þingsályktunartillögu
um flutning höfuðstöðva Rarik ohf.
á landsbyggðina. Meðflutnings-
menn að tillögunni eru Silja Dögg
Gunnarsdóttir og Líneik Anna
Sævarsdóttir, sem einnig eru þing-
menn Framsóknarflokksins. Tillag-
an er svohljóðandi: „Alþingi álykt-
ar að stefna skuli að flutningi höf-
uðstöðva Rariks ohf. á landsbyggð-
ina og að kannað verði á grundvelli
hagsmuna félagsins hvar væri hent-
ugast að byggja upp höfuðstöðv-
arnar og efla starfsstöðvar Rariks
um landið.“
Segja þær í greinargerð með til-
lögu sinni að flutningur höfuð-
stöðva félagsins gæti endurspeglað
starfsemi þess betur þar sem meg-
instarfsemi þess fer fram á lands-
byggðinni. Höfuðstöðvar félags-
ins eru þó í Reykjavík þrátt fyrir að
starfsemi þess á sér ekki stað þar.
„Markmið flutningsins er m.a. það
að tryggja fjölbreyttari atvinnukosti
um land allt og með því tryggja
öllum landsmönnum jöfn tæki-
færi og halda landinu öllu í blóm-
legri byggð, en mikil fólksfækkun
hefur verið í samfélögum á lands-
byggðinni vegna lítillar fjölbreytni
starfa,“ segir í tilkynningu.
Nánar má lesa um tillöguna í að-
sendri grein aftar í blaðinu. mm
Þingsályktun um flutning
höfuðstöðva Rarik á landsbyggðina
Hærri flúorstyrkur mælist í
hrossum á Vesturlandi
Brynja Valgeirsdóttir.