Skessuhorn - 09.12.2020, Blaðsíða 12

MIÐVIKUDAGUR 9. DESEMBER 202012
Sunna Birna Helgadóttir hunda-
ræktandi í Borgarnesi segir mikla
eftirspurn eftir hundum í dag.
Hún ræktar hunda af tegundinni
Golden Retriever undir ræktunar-
nafninu Golden Magnificent. En
hvað er það við Golden Retriver
sem heillaði hana? „Ætli ég hafi
ekki bara valið þessa tegund því
fyrsti hundurinn minn var Golden
Retriever sem við fengum þegar
ég var tíu ára. Svo er þetta alveg
einstök tegund. Þessir hundar eru
alltaf glaðir, hressir og tryggir og
svo eru þeir mjög fjölskylduvæn-
ir og miklir vinir manns,“ svarar
hún. „Það fylgir þeim líka nóg af
hárum,“ bætir hún við og hlær.
KR-ingur
Sunna er fædd og uppalin í Vest-
urbæ Reykjavíkur. Hún flutti úr
Vesturbænum til að fara í nám við
Háskólann á Hólum en á þeim
tíma átti hestamennskan hug
hennar allan. Eftir tvö ár á Hól-
um fór hún á Hvanneyri þar sem
hún lauk BS gráðu í búvísind-
um. Á Hvanneyri kynntist Sunna
manninum sínum, Ásmundi Ein-
ari Daðasyni, og fluttu þau saman
vestur í Dali en síðustu fjögur ár
hafa þau búið í Borgarnesi og lík-
ar það mjög vel. „Það getur verið
gaman að segja fjölskyldumeðlim-
um að maður sé KR-ingur þegar
kemur að körfunni,“ segir hún og
hlær. „En við eigum þrjár stelp-
ur og þær eru allar á kafi í körf-
unni og vissulega að æfa með
Skallagrími og þær og Ásmundur
eru miklir stuðningsmenn Skalla-
gríms,“ bætir hún við.
Alltaf haft mikinn
áhuga á ræktun
Sunna segir Golden Retrie-
ver alltaf hafa verið í miklu upp-
áhaldi. „Ég var alltaf ákveðin að
fá mér aftur Golden þegar færi að
búa en það hefur alltaf verið frek-
ar lítið framboð af Golden á Ís-
landi svo það tók mig alveg tvö
ár að finna fyrstu tíkina mína en
loksins fékk ég hana árið 2012,“
segir hún. „Ég ákvað að prófa að
fara með hana á sýningar og þótti
það ótrúlega gaman og datt alveg í
þann pakka,“ segir Sunna og bæt-
ir við að upp frá því hafi hún farið
að huga að ræktun. „Ég ákvað að
flytja inn rakka og svo kom fyrsta
gotið mitt árið 2015, reyndar ekki
með mínum rakka. En síðan þá
hef ég að meðaltali verið með eitt
got á ári,“ segir hún. En hvernig
kom það til að hún ákvað að fara
að rækta hunda? „Ég var alltaf á
kafi í hestamennsku og hafði þá
mikinn áhuga á að pæla í ræktun-
inni. En svo hafði ég bara of lítinn
tíma til að sinna hestamennskunni
og fór alveg yfir í hundana í stað-
inn og þá bara kviknaði þessi sami
áhugi á ættum og ræktun hunda.
Ég fór mikið að pæla í þessu öllu
og get alveg gleymt mér á netinu
við að skoða ættir hunda langt aft-
ur. Það er líka eitthvað svo gaman
við að rækta sína eigin línu,“ seg-
ir hún.
Sefur í þvottahúsinu
Á heimili Sunnu og Ásmundar
eru í dag fimm Golden Retriever
hundar og einn Pug og aðspurð
segir Sunna sambúðina ganga
mjög vel. „Ég reyni að leyfa þeim
að hlaupa lausum daglega og þá
eru allir svo rólegir hér heima og
þá gengur bara vel,“ segir hún. En
er ekki mikil vinna að bæta svo við
goti? „Jú, það er mikil vinna en
skemmtileg,“ svarar hún. „Fyrstu
þrjár vikurnar sef ég í þvottahús-
inu með tíkinni en svo hægt og
rólega minnka ég hversu mik-
ið ég fylgist með. Ég kíki kannski
á svona tveggja tíma fresti í smá
tíma en svo hætti ég fljótlega að
fara til þeirra á nóttunni. Þá verð-
ur þetta svona samfelld vinna frá
sex á morgnana þar til hvolparn-
ir sofna á kvöldin. En þó þetta sé
vinna er þetta ótrúlega gaman,“
segir hún.
Heppin með
hvolpakaupendur
Spurð hvort það sé ekki erfitt að
hafa hugsað svona náið um hvolp-
ana í margar vikur og þurfa svo að
láta þá frá sér segir hún það ekki
vera. „Hingað til hefur það ekki
verið mjög erfitt. Maður gerir ráð
fyrir því frá upphafi að þeir munu
fara. Ég hef líka verið svo heppin
að mínir hvolpar hafa allir farið á
góð heimili og ég haf verið í góðu
sambandi við eigendur þeirra. Það
er bara rosalega gaman að fylgj-
ast með hvolpunum pluma sig vel
á nýjum stað,“ segir hún og bæt-
ir við að hvolparnir hjá henni hafi
oftast verið komnir með heimili
áður en þeir fæðast. „Það er mik-
il eftirspurn eftir Golden Retrie-
ver hvolpum, og bara hundum
almennt á Íslandi í dag. Ég hef
aldrei þurft að auglýsa hvolpa og
ég hef verið svo heppin að hvolp-
arnir hafa annað hvort fengið eig-
endur sem ég þekki eða eigendur
sem hafa góð meðmæli frá fólki
sem ég þekki og treysti,“ segir
Sunna Birna Helgadóttir hunda-
ræktandi. arg/ Ljósm. úr einkasafni. Fallegur hvolpahópur.
„Þessir hundar eru alltaf glaðir, hressir og tryggir“
-segir Sunna Birna Golden Retriever ræktandi í Borgarnesi
Sunna Birna að stilla upp fallegum Golden Retriever.
Skemmtileg speglamynd.
Birna segir Golden Retriever alltaf hafa verið í miklu uppáhaldi. Sætur Golden Retriever hvolpur.
Sunna reynir að fara með hundana sína út að hlaupa á hverjum degi. Sunna í fallegum hópi af Golden Retriever.