Ægir - 2020, Blaðsíða 12

12
„Öll störf í fyrirtækinu voru flokkuð
og metin í ljósi mælikvarða sem við
settum. Launagreiningin náði til
hvers einasta starfsmanns og síðan
fór vottunarfyrirtækið yfir niðurstöð-
urnar og krafði okkur um skýringar
og rökstuðning fyrir frávikum,“ segir
Lilja Björg Arngrímsdóttir, sviðsstjóri
mannauðs- og lögfræðisviðs Vinnslu-
stöðvarinnar í Vestmannaeyjum um
jafnlaunavottun sem fyrirtækið hefur
fengið í samræmi við lög frá árinu
2018 og staðla þar að lútandi.
Unnið hefur verið að verkefninu frá
því í febrúar 2018  og var Deloitte fyrir-
tækinu innan handar við undirbúning
jafnlaunavottunar og launagreiningu
sem náði til allra starfsmanna á launa-
skrá í mars 2019.
Óútskýrður launamunur
ekki til staðar
„Við komum mjög vel út úr þessu og átt-
um svo sem ekki von á öðru. Niðurstað-
an er 4,75% launamunur, sem er vel inn-
an settra 5% marka. Í langflestum tilvik-
um mátti skýra frávikin meðal annars
með launalausum leyfum eða að starfs-
menn væru ekki í 100% starfi. Óútskýrð-
ur munur launa karla og kvenna í sam-
bærilegum störfum er ekki til staðar,“
segir Lilja Björg og undirstrikar að jafn-
launavottun snúist um sambærileg laun
fyrir sambærileg störf og stöður, án til-
lits til kynja. Hún segir einvörðungu
horft til starfanna sem slíkra og í launa-
greiningu sé tekið tillit til menntunar,
stöðu í skipuriti, aldurs, starfsaldurs,
breytilegs yfirvinnutíma og starfsheitis.
Meðalmunur uppreiknaðra heildarlauna
er innan allra vikmarka.
Verkefnið markar upphaf
frekar en endi
„Jafnlaunavottunin er farsællega í höfn
en við setjumst ekki þar með í helgan
stein í þessum efnum, síður en svo. Þetta
er miklu frekar upphaf en endir. Vottun-
arfyrirtækið fer héðan í frá árlega yfir
gæðakerfið og ferlana sem við höfum
komið upp í samræmi við jafnlaunastað-
alinn ÍST 85,“ segir Lilja Björg.
Vottunin gildir í þrjú ár. Upphaflega
var gert ráð fyrir að fyrirtæki með 250
starfsmenn eða fleiri fengju jafnlauna-
vottun fyrir lok árs 2018. Það reyndist
ekki raunhæft markmið enda verkefnið
tímafrekt og vottunarfyrirtækin komust
ekki yfir það sem að þeim snéri. Þá var
mælt fyrir um að ljúka verkinu fyrir lok
árs 2019 og við það stóð Vinnslustöðin.
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
www.stolpigamar.is
Hafðu
samband
568 0100 Óseyrarbraut 12 | 220 Hafnarfirði | Klettagörðum 5 | 104 Reykjavík
Vinnslustöðin fær jafnlaunavottun
■ Launagreining hjá Vinnslustöðinni leiddi í ljós 4,75% launamun sem í lang-
flestum tilvikum átti sér skýringar. Sviðsstjóri mannauðs- og lögfræðisviðs
VSV segir óútskýrðan launamun karla og kvenna í sambærilegum störfum ekki
til staðar hjá fyrirtækinu.
Fréttir