Ægir - 2020, Blaðsíða 17

17
Humarveiðar
Okkar umbúðir eru ætlaðar undir matvæli
Vinsamlega skilið tómum umbúðum strax á næsta fiskmarkað
Umbúðamiðlun ehf
s: 555 6677 umb.is
Allt stefnir í að humarvertíðin í ár verði
mjög rýr en Hafrannsóknastofnun hefur
ráðlagt að aðeins verði gefinn út rann-
sóknakvóti sem ekki verði meiri en 214
tonn. Hann verði nýttur til að fylgjast
með stærðarsamsetningu og dreifingu
stofnsins. Því má segja að humarvertíð-
in bregðist í ár.
Samkvæmt upplýsingum stofnunar-
innar er nýliðun á humri í sögulegu lág-
marki og muni stofninn að óbreyttu
minnka frá því sem nú er. Árgangar allt
frá 2005 eru mjög litlir og verði ekki við-
snúningur þar á minnkar stofninn enn
frekar.
Í stofnmælingu 2019 reyndist humar-
stofninn hafa minnkað um 20% frá árinu
2016 en á sama tíma hafði veiðihlutfall
minnkað úr 1,9% í 0,4%.
Lagt er til að allar humarveiðar verði
bannaðar í Jökuldýpi og Lónsdjúpi til
verndar uppvaxandi humdri. Ennfremur
verði álag á humarslóð minnkað með
áframhaldandi banni á veiðum með
fiskibotnvörpu á svæðum í Breiðamerk-
urdjúpi, Hornafjarðardjúpi og Lónsdjúpi.
Þéttleiki humarholna við Ísland (0.07
holur/m2) mælist nú með því lægsta sem
þekkist meðal þeirra humarstofna sem
Alþjóðahafrannsóknaráðið (ICES) veitir
ráðgjöf um.
Aðeins verði gefinn út rann-
sóknakvóti í ár
■ Humarárgangar hafa verið litlir síðstu 15 ár og óhætt að tala um brest í veiðum
nú þegar lagt er til að ekki verði gefinn út kvóti heldur aðeins leyfðar veiðar í
rannsóknaskyni.