Ægir - 2020, Blaðsíða 13

13
Ekkert banaslys var á íslenskum sjó-
mönnum hér í við land í fyrra. Um var
að ræða sjötta árið í sögunni sem ekkert
banaslys verður á sjó við landið og
þriðja árið í röð. Nýtt met er því slegið
með hverju árinu og raunar hverjum
deginum sem líður samfellt frá því síð-
asta banaslys varð árið 2016.
Raunar er þetta ekki aðeins eftirtekt-
arvert vegna þriggja samfelldra ára sem
engin banaslys verða heldur einnig hins
að hin þrjú árin voru 2008, 2011 og 2014.
Með öðrum orðum hafa því sex af síð-
ustu 12 árum verið án banaslysa á sjó.
Í gögnum Rannsóknarnefndar sjó-
slysa má sjá til samanburðar við þessa
þróun síðustu ára að á 15 ára tímabilinu
1970-1985 voru skráð 264 banaslys eða
að meðaltali tæplega 18 á ári. Næstu 15
árin þar á eftir varð hins vegar veruleg-
ur viðsnúningur og urðu banaslysin þá
118. Þar af fórust 23 á árinu 1986 sem
sýnir glögglega þá jákvæðu breytingu
sem varð.

Þriðja árið í röð án banaslysa á sjó
■ Sex af síðustu 12 árum hafa liðið án banaslyss á sjó hér við land.
Sjómennskan