Ægir - 2019, Síða 62

62
Vöruflutningar um höfnina í Þorláks-
höfn eru stöðugt að aukast. Hjörtur
Jónsson hafnarstjóri segir að þjónusta
við fiskiskip sé mjög góð, enda fari
það mjög vel saman að vera með
hvorttveggja í senn, fiski- og flutn-
ingahöfn. Þá sé töluvert af smábátum
sem landi í Þorlákshöfn og búið er að
bæta aðstöðu þeirra talsvert með
uppsetningu á þriðju flotbryggjunni
og einnig er verið að byggja ramp til
sjósetningar á smærri bátum. „Við er-
um að vinna að og láta hanna breyt-
ingar á höfninni svo hægt sé með
góðu móti að taka á móti 180 metra
löngum skipum og gera hana stærri,
öruggari og betri,“ segir Hjörtur.
Mykines siglir til Rotterdam í
Hollandi og Færeyja
„Fiskiskipunum sem landa hér reglulega
hefur heldur fækkað en magn á lönduð-
um afla hefur haldið sér nokkurn veginn
undanfarin ár og vöruflutningar eru að
aukast . Aukning hefur orðið á löndun
aðkomuskipa sem landa beint til útflutn-
ings í ferjuna . Öll jarðefni eins og sand-
ur, vikur og rauðamöl, sem flutt eru út,
fara héðan . Ekjuskipið Mykines hefur
siglt hingað vikulega í rúm tvö ár . Það
hefur gengið mjög vel en skipið fer héð-
an til Rotterdam í Hollandi og kemur við
í Færeyjum á leiðinni til Íslands . Það fer
frá Þorlákshöfn á föstudagskvöldi og er
komið til Rotterdam um miðjan dag á
mánudegi . Flutningurinn með því er
nokkuð jafn . Það er yfirleitt alltaf með
fullfermi þegar það kemur hingað; bíla,
vinnuvélar, tæki og alls konar varning í
vögnum en útflutningur með Mykines
fer vaxandi . Það er að aðallega ferskur
fiskur og allskonar aðrar sjávarafurðir,“
segir Hjörtur .
Stefnt að enn frekari stækkun
hafnarinnar
Á næsta ári á að endurnýja stálþil á
Svartaskersbryggju sem er 250 metra
löng og verður dýpið við hana 10 m .
Lengja þarf Suðurvarargarð um 200 m
og byggja sandfangara norðan við inn-
siglinguna til að það sé hægt að halda
nægu dýpi í innsiglingunni . „Miðað er
við að færa innsiglinguna út á dýpri sjó
þannig að við náum að halda meira dýpi
í innsiglingunni og höfninni . Við það
verður höfnin enn betri og aðkoman að
henni sömuleiðis . Það er mikið verkefni,“
segir hafnarstjórinn .
„Hér hefur verið útbúið mikið svæði
vegna vöruflutninga og erum við búin
að taka í gagnið ný vöruplön sem eru
samanlagt um 9 hektarar . Hér er því að
skapast kjörin aðstaða fyrir fyrirtæki
eins og í sjávarútvegi og önnur fyrirtæki
sem flytja þurfa vörur til og frá landinu .
Við höfum gríðarmikið og gott bygging-
arsvæði . Ég hugsa að hvergi á landinu,
eins og staðan er nú, sé betra að vera
með stórt fiskvinnsluver en hér í Þor-
lákshöfn . Sveitarfélagið sem slíkt er orð-
ið mjög kvótalítið en ég hef þá trú að þar
sem hagstæðast er að reka sjávarút-
vegsfyrirtæki, þangað komi þau . Á
staðnum er svo bæði kæli- og frysti-
geymsla fyrir fisk og önnur matvæli . Í
Þorlákshöfn er búið að skipuleggja tals-
vert af atvinnulóðum af mismunandi
stærðum . Það hefur verið mikil íbúa-
fjölgun í sveitarfélaginu og margar íbúð-
ir í byggingu og ný hverfi í skipulags-
ferli . Allir innviðir sveitarfélagsins eru
til fyrirmyndar .“
Mjög góðar aðstæður
„Aðstaðan hér er mjög góð, bæði hvað
varðar landfræðilega staðsetningu og
möguleika á útflutningi á sjó og í lofti .
Þessi ferjuleið til Evrópu á sjálfsagt bara
eftir að vaxa og héðan er stutt á flug-
völlinn í Keflavík,“ segir Hjörtur .
olfus .is
Vöruflutningar um
Þorlákshöfn fara
stöðugt vaxandi
■ Hjörtur Jónsson hafnarstjóri telur Þorlákshöfn vera ákjósanlegan stað fyrir
umfangsmikla fiskvinnslu. Ljósmynd Hjörtur Gíslason .
■ Flutningar með færeyska ekjuskipinu Mykinesi fara stöðugt vaxandi.
olfus@olfus.is
thorlakshofn.is
Hafnarbergi 1
815 Þorlákshöfn
480 3800
ÞORLÁKSHÖFN
- framtíðarstaðsetning
fyrir þitt fyrirtæki?
Ef þetta eru kostir sem henta þínu fyrirtæki og/eða áhugi
er á að skoða málið betur þá tökum við vel á móti þér.
Mykines, vöruflutningaskip Smyril Line Cargo, siglir vikulega allan ársins hring
á milli Þorlákshafnar og Rotterdam. Flutningstíminn með Mykines er sá stysti
sem í boði er á SV-horni landsins í sjóflutningum til og frá landinu.
Þorlákshöfn er á SV-strönd landsins og er hún eina flutnings- og fiskiskipahöfnin á Suðurlandi allt
austur að Hornafirði. Frá Þorlákshöfn eru góðar og greiðfærar samgöngur á landi til allra átta, aðeins
40 km til Reykjavíkur og ekki nema 85 km í Flugstöð Leifs Eiríkssonar eftir Suðurstrandarveginum.
Í Þorlákshöfn er mikið úrval lóða ætlaðar fyrirtækjum af ýmsum stærðum og gerðum. Fyrir liggur
skipulag á stóru iðnaðar- og þjónustusvæði við höfnina og á upplandi hafnarinnar. Landrými er mikið
og aðstæður allar góðar til uppbyggingar.
Staðsetningin er mjög heppileg út frá helstu skilyrðum sem fjárfestar setja t.d. um staðarval fyrir
iðnað og framleiðslu en er ekki síður kjörin vegna annarrar starfsemi.