Morgunblaðið - 11.06.2020, Qupperneq 42

SNÆFELLSBÆR42
MORGUNBLAÐIÐ FIMMTUDAGUR 11. JÚNÍ 2020
Þriðja mótið af átta í Íslandsmeistara-
keppninni í sjóstangveiði verður
haldið í Ólafsvík dagana 12.-13. júní og
veðurguðirnir hafa lofað góðu veðri.
Keppendur eru á aldrinum 19-73 ára og er
keppt á jafnréttisgrundvelli enda hentar
þetta sport öllum.
Sjóstangveiðifélag Snæfellsness eða Sjósnæ
hefur veg og vanda af keppninni en
félagið fagnar nú 30 ára afmæli og
er því umgjörð mótsins í stærra
lagi.
Þeim sem hafa áhuga á að
kynna sér sjóstangveiðina
enn betur er bent á að skoða
heimasíðu Landssambands
sjóstangaveiðifélaga,
www.sjol.is, og taka þátt í gleðinni.
SJÓSNÆ
Sjóstangveiðifélag Snæfellsness
Við tökum öllum nýjum iðkendum fagnandi.
Ásgeir Ingvarsson
ai@mbl.is
Á tímabili jókst aðsóknin í Þjóðgarð-
inn Snæfellsjökul svo hratt að Jón
Björnsson og starfsfólk hans áttu
fullt í fangi með að taka vel á móti
öllum gestunum. „Árin 2016-2018
fjölgaði komum í garðinn um 30% á
milli ára en róaðist ögn 2019 þegar
fjölgunin var 8% frá árinu á undan.
Okkur tókst að aðlagast þessum öru
breytingum en hefðum ekki ráðið við
öllu fleiri gesti,“ segir hann.
Þjóðgarðurinn Snæfellsjökull var
stofnaður árið 2001 og voru það ekki
síst heimamenn sem þrýstu á um að
svæðið yrði gert að þjóðgarði. Garð-
urinn nær yfir vestasta hluta Snæ-
fellsness, frá Dagverðará í suðri að
Hellissandi í norðri og er áætlaður
fjöldi gesta í þjóð-
garðinn um hálf
milljón á ári. „Um
það bil 15%
þeirra koma
gagngert til að
heimsækja þjóð-
garðinn en meiri-
hlutinn er á
ferðalagi um
landið og fer hér í
gegn án þess að
hafa endilega skipulagt það sér-
staklega. Ekki er ólíklegt að starfs-
menn gististaða í Reykjavík bendi á
þjóðgarðinn sem áhugaverðan kost,“
segir Jón.
Eðlilega ber lítið á erlendum gest-
um í augnablikinu og eru það nær
eingöngu Íslendingar sem spóka sig
um í nágrenni Snæfellsjökuls um
þessar mundir. Jóni þykir gaman að
sjá að rólegri taktur er á Íslending-
unum og oftast gefa þeir sér nægan
tíma til að skoða svæðið vandlega.
„Erlendir gestir eru stundum á mik-
illi hraðferð, dvelja aðeins stuttan
tíma á landinu og vilja sjá sem mest í
einum rykk. Ef þú sérð fólk koma
sér fyrir í mestu makindum hér úti í
náttúrunni með nestiskörfu þá eru
þar sennilega Íslendingar á ferð því
erlendu gestirnir stoppa oftast ekki
mikið lengur en hálftíma á hverjum
stað.“
Jörðin skelfur
Í þjóðgarðinum er enginn skortur
á náttúruperlum og segir Jón að
gestir hafi oft á orði að á Snæfells-
nesi megi sjá á einum degi allt það
sem einkennir íslenska náttúru og
landslag. „Þetta er eldfjallaland og
mikið af ólíkum hraunum, fjöl-
breyttur gróður og dýralíf, og svo
trónar jökullinn yfir svæðinu. Fæst-
ir eru þó að ganga upp á jökulinn
heldur ferðast frekar eftir strönd-
inni þar sem víða er brimasamt og
hægt að finna kraftinn í sjónum
mjög greinilega á stöðum eins og
Djúpalóni,“ útskýrir Jón sem oft
stendur ferðamenn að því að sitja
lengi við ströndina í kulda og bleytu
og fylgjast með öldunum skella utan
í bergið. „Þarna geta þau setið tím-
unum saman og er alls ekki kalt
heldur þvert á móti sjóðandi heitt
því upplifunin er svo mögnuð.“
Það er alveg óhætt að taka frá
a.m.k. nokkra daga til að skoða þjóð-
garðinn og Snæfellsnesið enda er
þar svo margt að sjá og gera. Má
nefna viðkomustaði eins og Arnar-
stapa, Lóndranga, Vatnshelli,
Djúpalónssand, Skarðsvík, Öndverð-
arnes og Saxhól. Jón minnir gesti á
að sýna hæfilega varkárni og þannig
geti Djúpalónssandur verið við-
sjárverður, sem og Öndverðarnes.
„Sem betur fer er það þannig í
verstu brimunum að jörðin nötrar öll
og fólk hreinlega þorir ekki of ná-
lægt fjörunni. Engu að síður hefur
það stundum gerst að öldur hafa
hrifið ferðalanga með sér, þó bless-
unarlega hafi ekki orðið alvarleg
slys á fólki,“ segir hann. „Vilji fólk
ganga á Snæfellsjökul er vissara að
vera í för með reyndu leiðsögufólki,
eða í hópi með vönum ferðalöngum
sem þekkja aðstæður. Jökullinn er
mjög sprunginn og varasamur af
þeim sökum.“
 Á Snæfellsnesi má upplifa mergjaða náttúru og heyra krassandi sögur af litríkum landnemum
Jón
Björnsson
Gefi sér nægan tíma til að skoða svæðið
Hringur Á hestbaki í
Skarðsvík. Strandlengjan á
Snæfellsnesi er falleg og
landslagið fjölbreytilegt.
Perla Djúpalóns-
sandur er einn af há-
punktum svæðisins.