Morgunblaðið - 07.10.2020, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 7. OKTÓBER 2020
Höskuldur Daði Magnússon
hdm@mbl.is
„Það kemur mér svolítið á óvart að
Disney skuli ekki gera betur en
þetta. Fyrirtækið á efnið tilbúið. Ég
sé ekki hvert
vandamálið er,“
segir Bjarki
Gunnarsson,
framleiðslustjóri
hjá Myndform.
Streymisveitan
Disney+ hóf inn-
reið sína á ís-
lenskan markað í
haust og þar er
hægt að nálgast
hundruð kvikmynda og þúsundir
sjónvarpsþátta úr smiðju Disney,
Marvel og fleiri. Athygli hefur vakið
að þar er ekki hægt að nálgast ís-
lenskar talsetningar á þekktum
kvikmyndum. Yngri kynslóðin getur
því ekki horft á Aladdín, Lion King
og fleiri sígildar myndir á íslensku á
Disney+.
Bjarki segir að það veki furðu að
efni sem þegar hefur verið talsett og
Disney á allan rétt á skuli ekki vera
notað. Myndform og fleiri fyrirtæki
hafa talsett efni fyrir Disney í gegn-
um tíðina. „Það ætti ekki að vera
neitt því til fyrirstöðu. Ísland er lítill
markaður og ég held að fyrirtækið
sé ekkert að fókusera á hann. Þessar
stóru veitur eiga oft erfitt með að
fókusera á hvern og einn markað,“
segir hann og bendir á að Síminn og
Sýn standi sig mun betur með fram-
boð á íslensku efni á streymisveitum
sínum. Á Netflix er eitthvað af tal-
settu efni á íslensku en líka ótalsett
efni sem þó er til talsett.
„Það er auðvitað áhyggjuefni að
talsetning leggist af. Hættan er alla
vega fyrir hendi að fólk sætti sig
bara við þetta og tungumálið fjari út
á endanum. Maður vill sem foreldri
að börnin horfi á talsett efni svo þau
fari ekki að tala ensku við mann.
Kannski þyrftu stjórnvöld að setja
reglur um þetta þegar svona veitur
eru opnaðar. Það er kannski flókið
en það mætti líka styrkja talsetn-
ingu og textun.“
Bjarki segist vita til þess að marg-
ir hafi sent tölvupóst til Disney og
lýst yfir óánægju með að ekki sé
boðið upp á efni á íslensku á streym-
isveitunni. Einn þeirra er Ævar Þór
Benediktsson, leikari og rithöf-
undur, sem kveðst í samtali við
Morgunblaðið vilja að íslenskir
krakkar geti kynnst umræddum
myndum með íslensku tali. „Ég á
tveggja ára strák sem er að horfa á
þetta og hef sjálfur verið að talsetja
eitthvað af þessum myndum. Ég ólst
upp við íslenskar talsetningar og hef
verið að heimsækja gamlar myndir
sem sumar hafa verið ófáanlegar.
Það væri frábært að fá þetta efni á
íslensku.“
Þau svör fengust hjá Disney að
stefnt væri að því að talsettu útgáf-
urnar yrðu í boði í framtíðinni. Ekki
væri ljóst hvenær en viðskiptavinir
yrðu upplýstir þegar það gerðist.
Enginn talar íslensku hjá Disney
 Óánægja með að ekkert efni sé fáanlegt á íslensku hjá streymisveitunni Disney+  Fyrirtækið á
ógrynni af eldri talsetningum en nýtir sér þær ekki  Stórar streymisveitur einblína ekki á Ísland
Ævar Þór
Benediktsson
Aladdín Talsetning Ladda þykir sígild og ætti að vera öllum aðgengileg.
Stór aurskriða féll úr Hleiðargarðsfjalli ofan við Gilsá 2 í
Eyjafirði rétt fyrir klukkan 11 í gærmorgun. Engan sakaði en
skriðan stoppaði um 100 metra frá húsinu. Birgir H. Arason,
bóndi á Gullbrekku 2, næsta bæ við Gilsá, sá skriðuna falla og
sagði að hávaðinn hefði verið svakalegur. Myndskeið sem
hann tók af hamförunum birtist á mbl.is í gær.
„Það var mjög tilkomumikið að sjá þetta,“ sagði Sveinn
Brynjólfsson, jarðeðlisfræðingur og sérfræðingur á sviði
ofanflóða hjá Veðurstofu Íslands. Hann skoðaði skriðuna í
gær. „Mjög hátt í fjallinu er brotsár í brún skálar eða stalls.
Það var býsna mikið efni sem kom þaðan niður og féll á milli
bæjarhúsa á Gilsá. Skriðan klofnaði á hólnum ofan við syðra
húsið, Gilsá 2. Mjór taumur fór á milli húsanna,“ sagði Sveinn.
Fjallið er 1.024 metra hátt og áætlaði Sveinn að skriðan hefði
fallið úr um 850 metra hæð og hlaupið 1,5-1,7 kílómetra.
Skriðusporðurinn var að jafnaði um eins metra þykkur neðst.
Meðan Sveinn var á staðnum kom talsvert vatn úr hlíðinni
neðan við upptök skriðunnar. Aurgusur hlupu sífellt niður
fjallið með miklum gný. Sveinn taldi að búast mætti við meiri
skriðuföllum á þessum stað, sérstaklega ef fer að rigna.
gudni@mbl.is, jonpetur@mbl.is
Ljósmynd/Lögreglan
Stór aurskriða féll með látum á milli bæjarhúsa á Gilsá
Ráðlögð rjúpnaveiði í haust er 25
þúsund fuglar samkvæmt ráðgjöf
Náttúrufræðistofnunar Íslands
(NÍ). Niðurstöður mats á veiðiþoli
rjúpnastofnsins haustið 2020 hafa
verið kynntar umhverfis- og auð-
lindaráðherra. Ráðlögð rjúpnaveiði í
fyrrahaust var 72 þúsund fuglar.
Áætlaður rjúpnafjöldi haustið
2020 er einn sá minnsti síðan mæl-
ingar hófust árið 1995, að sögn NÍ
(ni.is). Rjúpnatalningar á liðnu vori
sýndu ekkert óvænt en svo virðist
hafa orðið viðkomubrestur hjá rjúp-
unni á helstu uppeldisstöðvunum.
„Rjúpnastofninn er í niðursveiflu
um allt Norðurland, á Austurlandi
er stofninn að rísa úr lágmarki og
um vestanvert landið er stofninn lík-
lega að ná hámarksfjölda. Viðkoma
rjúpunnar á Norðausturlandi var af-
leit og réðu því hrakviðri um miðjan
júlí. Þessa illviðris gætti frá
Strandasýslu í vestri og austur um
til Norður-Þingeyjarsýslu og vænt-
anlega er viðkomubrestur raunin
hjá rjúpunni á öllu þessu landsvæði.
Á Suðvesturlandi var afkoma rjúpu-
unga hins vegar ágæt,“ segir m.a. í
frétt NÍ. Þar kemur einnig fram að
útreikningarnir byggist á gögnum
fyrir Norðausturland og að mögu-
lega sé stofnstærðin vanmetin.
Reiknuð heildarstærð varpstofns
rjúpu vorið 2020, það er fjöldi fugla á
lífi í upphafi varptíma, var metin 99
þúsund fuglar. Framreiknuð stærð
veiðistofnsins 2020, það er fjöldi
fugla á lífi í upphafi veiðitíma, er
280.000 fuglar miðað við að hlutfall
unga á veiðitíma sé 71%.
Enginn ágreiningur var um
ástand rjúpnastofnsins árið 2020 og
árangur veiðistjórnunar 2005-2020 á
samráðsfundi fulltrúa NÍ, umhverf-
is- og auðlindaráðuneytisins, Um-
hverfisstofnunar og Skotvís sem
haldinn var 10. september sl., að
sögn NÍ. gudni@mbl.is
Viðkomubrestur hjá rjúpu
 Ráðlögð rjúpnaveiði í haust er aðeins 25.000 fuglar
Morgunblaðið/Ingó
Rjúpa Erfitt ástand fyrir norðan.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Bókhald & ráðgjöf
- Eignaskiptayfirlýsingar
& skráningartöflur
Numerus – bókhald og ráðgjöf / Suðurlandsbraut 22 / S. 896 4040