Morgunblaðið - Sunnudagur - 11.10.2020, Qupperneq 9

hvernig eigi að skrifa sem er öðrum þræði ævi-
saga hans. Sjálfur skrifar hann alltaf til hádeg-
is og les bækur eftir hádegi. Þetta er svolítið
öfugt hjá mér; ég byrja daginn á að skrifa dag-
bók sem er ekkert endilega sönn, nema
kannski að hálfu leyti. Eigum við ekki að segja
að ég segi frá degi en ekki deginum.“
– Hefurðu skrifað dag-
bók frá barnsaldri?
„Nei, ég byrjaði á því
2016. Þá voru liðin tíu ár
frá því að ég flutti til
Danmerkur og ég fann
að íslensk tunga sem rit-
mál var orðin stirðari hjá mér. Það var ákveðið
áfall, þannig að ég varð að byrja að skrifa. Og
ákvað að hafa það dagbók.“
Það er æðislegt starf
Sama ár ferðaðist Snæbjörn um heiminn
ásamt eiginkonu sinni, Susanne Torpe, og son-
um þeirra tveimur, Núma og Davíð, meðal
annars til Nýja-Sjálands sem hann segir of-
boðslega fallegt land. Einn daginn varð ægi-
legur fjöldi hæna á vegi þeirra og berfættur
maður kom gangandi í átt að þeim. Það var þá
bóndinn á næsta bæ sem upplýsti að allar
hænurnar hans væru frjálsar sem væri fínt
nema fyrir þær sakir að hann ætti erfitt með
að finna eggin. Sama máli gegndi um svínin,
þau gengu bara laus.
„Hvaðan kemur þú?“ spurði bóndinn.
„Ég er frá Íslandi,“ svaraði Snæbjörn.
„Ah, ég kynntist á sínum tíma íslenskum
sjómönnum. Ert þú sjómaður?“
„Nei, ég er útgefandi.“
„Ah, það er æðislegt starf!“
Þessi stuttu kynni höfðu djúpstæð áhrif á
Snæbjörn. „Hann var svo ærlegur og hafði svo
blá augu, þessi bóndi, og ég gat ekki annað en
hugsað með mér: Ægilega hef ég gott starf.“
En skjótt skipast veður í lofti. Snæbjörn var
ekki fyrr kominn heim til Danmerkur en
ókunnug kona hafði samband og óskaði eftir því
að hitta hann að máli. Það var auðsótt mál. Hann
hélt að hún væri prófarkalesari eða þýðandi eða
annað slíkt, eins og venjan var. Annað kom á
daginn. „Hún reyndist vera fulltrúi sænsks for-
lags og spurði hvort við hefðum áhuga á að selja
Hr. Ferdinand. Því var
auðsvarað af minni hálfu:
Nei! Konan mín bað mig
hins vegar að slappa að-
eins af og hlusta. Hér
væri komið stórt forlag
sem vildi kaupa og ættum
við ekki að hlusta á það sem þau hefðu fram að
færa? Ég gat fallist á það.“
Þess má geta að Hr. Ferdinand átti útgáfu-
réttinn á Dan Brown, Stieg Larsson og fleiri
metsöluhöfundum í Danmörku. Útbreidd er
sagan um það að Snæbjörn og Dan Brown hafi
hist fyrir tilviljun í sundi og gert með sér sam-
komulag en eins skemmtileg og hún er þá er
hún uppspuni, eins og Snæbjörn hefur áður
leiðrétt á prenti. Hið rétta er að umboðsmaður
Browns sendi honum bara handrit, eins og
gengur í þessum bransa. Snæbjörn og Brown
hittust þó síðar, en ekki á sundskýlunni.
Eftir langar samningaviðræður fengu hjón-
in risatilboð sem þau samþykktu. „Eru þau
virkilega tilbúin að borga svona mikið fyrir
forlagið okkar?“ luku þau sundur einum
munni. Þegar á reyndi hafði sænska forlagið á
hinn bóginn misreiknað sig; það var ekki
reiðubúið að hefja starfsemi í Danmörku og
fyrir vikið var tilboðið dregið til baka.
„Það voru vonbrigði,“ viðurkennir Snæ-
björn. „Ekki út af peningunum, heldur vegna
þess að í huganum vorum við komin allt annað.
Ég tók því upp símann og hringdi í konu sem
ég þekki hjá JP/Politikens Forlag í Danmörku
og spurði hvort þau vildu ekki kaupa. Svarið
kom um hæl: Jú!““Morgunblaðið/Eggert
’ Í klefanum fyrir leikinnbað prestssonurinn þvítil Guðs: „Góði Guð, láttuekki dómarann mæta!“
11.10. 2020 MORGUNBLAÐIÐ SUNNUDAGUR 9
Fjárfesting í vellíðan
Smiðjuvegi 11 s. 571 3770, pall@sauna.is, sauna.is
Velkomin í sýningarsalinn
að Smiðjuvegi 11
Sérfræðingar
í sauna!
Í Sauna Spa færðu úrval af þurrgufu-, blautgufu-
og infraklefum ásamt fylgihlutum. Við kappkostum
að veita einstaklingum og fagmönnum sérfræðiráðgjöf
varðandi allt sem snýr að hönnun og smíði saunaklefa.
Veldu gæði!