Fréttablaðið - 20.01.2021, Qupperneq 24

Eitt af þeim nýmælum er fólust í hinni almennu persónu-verndarreglugerð Evrópusam-
bandsins (GDPR) varðar gildissvið
reglugerðarinnar, en hún gildir að
vissu marki um vinnslu ábyrgðar-
og v innsluaðila persónuupp-
lýsinga, sem ekki hafa staðfestu
í Evrópusambandinu eða á Evr-
ópska efnahagssvæðinu. Þannig
gildir reglugerðin um vinnslu per-
sónuupplýsinga á vegum fyrirtækja
sem bjóða einstaklingum á svæðinu
vöru og þjónustu, jafnvel þó slíkt
sé ekki gert gegn gjaldi. Jafnframt
gildir reglugerðin þegar slíkir aðilar
hafa eftirlit með hegðun einstakl-
inga sem staddir eru á svæðinu.
Undir fyrrnefnda atriðið fellur það
þegar alþjóðleg fyrirtæki beina til-
boðum um vöru og þjónustu gegn-
um netið til einstaklinga á svæðinu.
Skylda þessi getur náð hvort heldur
sem er til ábyrgðaraðila vinnslu eða
til vinnsluaðila.
Þegar reglugerðin tekur til
vinnslu vegna þeirra fyrirmæla sem
hér var lýst, ber viðkomandi aðila í
vissum tilvikum að tilnefna skrif-
lega fulltrúa sinn innan svæðisins.
Mörg alþjóðleg fyrirtæki hafa fram
til þessa haft starfsstöð í Bretlandi
og því hafa þau ekki verið skyldug
að tilnefna fulltrúa innan Evrópska
efnahagssvæðisins. Breyting hefur
nú orðið á þessu.
Brotthvarf Breta úr Evrópusam-
bandinu hafði í för með sér að sett
voru í Bretlandi lög um persónu-
vernd, sem munu að mestu sam-
hljóða almennu persónuverndar-
reglugerðinni. Bresk lög kveða nú
á um að ábyrgðar- og vinnsluað-
ilar vinnslu persónuupplýsinga
sem ekki hafa staðfestu í Bretlandi,
þurfi að tilnefna fulltrúa gagnvart
persónuverndaryfirvöldum. Þessi
skylda gildir óháð samningi Breta
við Evrópusambandið, óháð því
samkomulagi sem gert var fyrir
síðustu áramót milli Breta, Íslands
og Evrópusambandsins um heimild
til miðlunar persónuupplýsinga og
óháð því hvort Evrópusambandið
muni í framtíðinni taka ákvörðun
um hvort Bretland telst veita per-
sónuupplýsingum fullnægjandi
vernd.
Vegna útgöngu Bretlands úr Evr-
ópusambandinu um síðustu áramót
þurfa þau alþjóðlegu fyrirtæki sem
ekki hafa starfsstöð í Bretlandi að
tilnefna fulltrúa í Bretlandi (e. UK
Representative). Meginhlutverk
fulltrúans er að koma fram fyrir
hönd viðkomandi ábyrgðar- eða
vinnsluaðila gagnvart bresku per-
sónuverndarstofnuninni, Inform-
ation Commissioner’s Office (ICO).
Íslensk fyrirtæki sem ekki eru með
staðfestu í Bretlandi þurfa með
sama hætti að taka til athugunar
hvort þeim sé skylt að tilefna slíkan
fulltrúa.
Af upplýsingum um hina nýju
bresku löggjöf má ráða að kröfurnar
um fulltrúa í Bretlandi eigi ekki við
um vinnslu opinberra aðila. Krafan
nær hins vegar til annarra þeirra
sem ekki hafa neina staðfestu eða
starfsemi í Bretlandi, en vinna per-
sónuupplýsingar um breska aðila
með þeim hætti að þeir annað-
hvort hafa eftirlit með hegðun
þeirra innan Bretlands eða beint
er til þeirra tilboðum um vöru eða
þjónustu.
Undanþegnir skyldu til að til-
nefna fulltrúa eru þeir sem vinna
persónuupplýsingar í einstök
skipti án þess að vinnslan hafi í för
með sér sérstaka áhættu varðandi
réttindi hins skráða og án þess að
taka í miklum mæli til hinna sér-
stöku f lokka persónuupplýsinga
(viðkvæmar persónuupplýsingar).
Í framkvæmd hefur þetta þá
þýðingu að íslenskir aðilar, bæði
ábyrgðaraðilar og vinnsluaðilar,
sem að jafnaði vinna persónuupp-
lýsingar um breska einstaklinga
án þess að hafa þar staðfestu, skulu
tilnefna fulltrúa. Slíkt getur meðal
annars átt við í þeim tilfellum þegar
íslenskt fyrirtæki hefur ekki starfs-
stöð í Bretlandi en er þar með fastan
viðskiptamannahóp. Fyrirtæki í
þeirri stöðu ættu að kanna nánar
hvort skyldan á við um þá.
Brexit: Tilnefning fulltrúa í Bretlandi vegna vinnslu persónuupplýsinga
Erla S.
Árnadóttir
hæstaréttarlög-
maður og með-
eigandi á LEX
lögmannsstofu
Íris Hrönn Kristinsdóttir er fjármálastjóri Íslensku lög-fræðistofunnar og löggiltur einkaþjálfari. Hún stefnir að mikilli forgjafarlækkun á golfvellinum í sumar. Hún
hvetur samstarfsfélaga sína og aðra
til að vera skemmtanastjórinn í
eigin lífi. Hún segir mikilvægt að
koma auga á tækifæri sem geta
falist í öllu því mótlæti sem f lestir
verða einhvern tímann fyrir á lífs-
leiðinni. 
Hver eru þín helstu áhugamál?
Ég er snarofvirk. Útivist og hreyf-
ing í hvaða formi sem er, hjólreiðar,
fjallganga, lyftingar, skíði, golf. Bara
eins lengi og ég er að gera eitthvað.
Ég elska líka að ferðast og hlakka til
að geta gert meira af því á þessu ári,
auk þess finnst mér gaman að elda
góðan mat og vera í góðum félags-
skap.
Hvernig er morgunrútínan þín?
Ég vildi óska þess að ég gæti sagt
að ég byrji hvern morgun á jóga eða
hreyfingu eins og ég ætti að gera
en það er ekki svo gott. Morgun-
rútínan er nokkuð beisik, fæ mér
kaffibolla og kem dóttur minni í
skólann þegar hún er hjá mér. Tek
svo morgunspjall við vinnufélagana
um daginn og veginn áður en ég fer
að stúdera tölur.
Nærðu að halda jafnvægi milli
vinnu og fjölskyldulífs?
Já, ég á mjög auðvelt með það. Ég
á mjög skilningsríka yfirmenn og
ég fæ að haga vinnutímanum eftir
aðstæðum hverju sinni. Mér finnst
gaman í vinnunni og vinn með góðu
fólki, svo ég er mjög heppin þar.
Hver hafa verið mest krefjandi
verkefnin á undanförnum miss-
erum?
Fyrir félagsveru eins og mig
þá eru þessi boð og bönn frekar
krefjandi og ég sakna mjög að hitta
fólkið mitt og gera mér glaðan dag
í góðum hópi. En ég treysti á mína
menn í Pfizer og Moderna að kippa
þessu í liðinn sem allra fyrst.
Hver eru helstu verkefnin fram
undan?
Ég hef sett mér háleit hjólamark-
mið, príla upp á nokkur fjöll og æfa
golfsveif luna. Og auðvitað vinna
upp tapaðan tíma með fólkinu
mínu.
Ef þú þyrftir að velja annan starfs-
frama, hvað yrði fyrir valinu?
Ég uni mér vel í kringum tölur
og fólk, svo þessi starfsvettvangur
hentar mér vel. Ef ég væri að velja
mér nám í dag þá er ég nokkuð viss
um að ég myndi velja sjúkraþjálfun,
lýðheilsufræði eða eitthvað þess
háttar. Það er ekkert útilokað í þeim
efnum, ég fæ óteljandi hugmyndir á
hverjum degi en sem betur fer fram-
kvæmi ég ekki þær allar.
Hvar sérðu þig eftir tíu ár?
Ég er ekki vön að plana svona
langt fram í tímann, oft gríp ég
bara þau tækifæri sem gefast hverju
sinni. Ég vona að ég verði með fleiri
broshrukkur og með gott fólk í
kringum mig. Kannski verð ég
orðin amma, nei, fjandinn hafi það!
Ég verð illa svikin ef ég verð ekki
komin með lægri forgjöf í golfinu.
Hún getur allavega ekki hækkað!
Hvers hlakkarðu mest til þessa
dagana?
Að mega ferðast aftur, hitta bróð-
ur minn og fjölskyldu hans sem eru
búsett erlendis. Að verða frjálsari,
takast á við nýjar áskoranir, ný
tækifæri og njóta þeirra.
Hvers konar stjórnunarstíl hef-
urðu tileinkað þér og hvers vegna?
Ég vil hafa gaman í kringum mig
svo ef ég er með stjórnunarstíl, þá
snýst hann um að hafa gaman.
Getum kallað það „skemmtana-
stíllinn“. Ég reyni að hvetja fólk til
að horfa á það jákvæða, að vera
skemmtanastjórinn í sínu lífi og sjá
hvaða tækifæri geta leynst í mót-
lætinu. Það er öllum hollt að fara
stundum út fyrir þæginda ramm-
ann og takast á við nýjar áskoranir.
Þannig þroskumst við. Lífið er alls
konar, skin og skúrir, stundum er
bara gott að vera smá Pollýanna.
Fjármálastjórinn sem
lærði til einkaþjálfara
Íris Hrönn er útivistarmanneskja og ver frístundum sínum á fjöllum, nú eða á golfvellinum. FRÉTTABLAÐIÐ/SIGTRYGGUR ARI
Svipmynd
Íris Hrönn Kristinsdóttir
Nám:
Ég er viðskiptafræðingur og mér til
gamans þá fór ég í einkaþjálfara-
nám í Keili.
Störf:
Ég starfa hjá Íslensku lögfræði-
stofunni og er titluð fjármálastjóri.
En ætli ég sinni ekki flest öllu nema
lögmannsstörfum.
Bresk lög kveða nú
á um að ábyrgðar-
og vinnsluaðilar vinnslu
persónuupplýsinga sem
ekki hafa staðfestu í Bret-
landi þurfi að tilnefna
fulltrúa gagnvart persónu-
verndaryfirvöldum.
Fyrir félagsveru
eins og mig þá eru
þessi boð og bönn frekar
krefjandi og ég sakna mjög
að hitta fólkið mitt og gera
mér glaðan dag í góðum
hópi. En ég treysti á mína
menn í Pfizer og Moderna
að kippa þessu í liðinn sem
allra fyrst.
2 0 . J A N Ú A R 2 0 2 1 M I Ð V I K U D A G U R12 MARKAÐURINN