Iðjuþjálfinn - 01.01.2019, Blaðsíða 62
62
Guðrún Árnadóttir II Grein 2019 Málþing LSH Box 1
Þjónustuferli iðjuþjálfunar á BUGL
Guðrún Jóhanna Benediktsdóttir, Helga Jóna Sigurðardóttir, Thelma Hafþórsdóttir Byrd og
Rósa Gunnsteinsdóttir
Inngangur: BUGL skiptist í göngu- og legudeild og vinna iðjuþjálfar á báðum deildum, í ýmsum
þverfaglegum teymum. Skjólstæðingar iðjuþjálfa á BUGL glíma flestir við ADHD, einhverfu,
átröskun, mótþróaþrjóskuröskun, kvíða og þunglyndi. Einnig er unnið með fleiri greiningar sem
þó eru ekki eins algengar. Iðjuþjálfar á BUGL hafa haft hugmyndafræði MOHO að leiðarljósi. Ekki hefur verið til yfirlit yfir þjónustuferli iðjuþjálfa á BUGL, en slíkt yfirlit getur gefið góða
yfirsýn yfir þjónustu iðjuþjálfa. Líkanið um iðju mannsins (MOHO) hentar vel á barna- og
unglingageðsviði. Færni skjólstæðinganna skerðist oft í kjölfar sálfélagslegra veikinda sem getur
haft áhrif á vilja, vanamynstur, framkvæmdagetu og umhverfi þeirra.
Markmið: Að útbúa yfirlitstöflu útfrá hugmyndafræði MOHO, með því markmiði að það fáist
góð yfirsýn á ferli og þjónustu iðjuþjálfa á BUGL.
Aðferðir: Safnað var upplýsingum um þjónustu iðjuþjálfa á BUGL. Farið var yfir hlutverk
iðjuþjálfa, þá færniskerðingu sem verður í kjölfar þeirra sjúkdóma eða álags sem skjólstæðingar
hafa orðið fyrir og veitta íhlutun. Á reglulegum fundum var metið hvaða þjónustuferli hentaði
best miðað við þarfir og þjónustu við skjólstæðinga BUGL.
Niðurstöður: Yfirlitstaflan sýnir matsaðferðir og íhlutunarleiðir sem auðveldar aðkomu
iðjuþjálfa sem stýrandi verkfæri í faglegri þjónustu. Auk þess nýtist það nemum og nýjum
iðjuþjálfum í starfsþjálfun og gefur öðrum fagstéttum innsýn inní þjónustu iðjuþjálfa á BUGL.
Ályktun: Unnið hefur verið með MOHO í iðjuþjálfun á BUGL í nokkurn tíma. Með yfirlitstöflunni
nýtist þjónustuferlið á markvissan og sýnilegan hátt.