Iðjuþjálfinn - 01.01.2019, Blaðsíða 77

77

Guðrún Árnadóttir II-grein2019 Malþing: Box II
Eru sannanir fyrir því að heimilisathuganir skili árangri, auki sjálfsbjargargetu og dragi úr endurinnlögnum?
Anna Ingileif Erlendsdóttir, Elísabet St. Unnsteinsdóttir, Guðríður Erna Guðmundsdóttir, Lena
Rut Olsen, Sunna Kristinsdóttir og Alexandra Axelsdóttir

Inngangur: Heimilisathugun framkvæmd af iðjuþjálfa er oft mikilvægur hluti í útskriftum af
Landspítala. Markmið heimilisathugana er að auka öryggi og sjálfsbjargargetu heimafyrir svo
einstaklingurinn geti verið sem lengst heima og að kanna hvort einstaklingar séu færir um að
útskrifast heim.
Markmið: Eru sannanir fyrir því að heimilisathuganir skili árangri, auki sjálfsbjargargetu og dragi
úr endurinnlögnum?

Aðferðir: Gagnagrunnar: ProQuest, OTseeker, OTDBASE og CHINAL. Leitarorð: Home
Assessment, Occupational Therapy, Environmental Asssessment, Falls og pre/post discharge. Reynt var að styðjast við rannsóknagreinar með vísindastyrk í flokkum 1 og 2, yngri en 10 ára.
Niðurstöður: Rannsóknirnar sýndu ólíkar niðurstöður. Flestar sýndu fram á að
heimilisathuganir framkvæmdar af iðjuþjálfum skila árangri m.a. minnki líkur á föllum og komi í
veg fyrir endurinnlagnir. Niðurstöður eru þó háðar heilsufari og færni. Aðrar sýndu fram á að
heimilisathuganir skiluðu litlum eða engum árangri t.d. samanborið við viðtöl á spítala
framkvæmd af iðjuþjálfa, auk þess sem þær væru mun kostnaðarsamari og tímafrekari. Flestar
rannsóknirnar voru þó sammála um að rannsaka þyrfti árangurinn betur.
Ályktun: Heimilisathuganir skila árangri í ákveðnum tilfellum og því mikilvægt að ígrunda vel
hvenær þarf að fara í heimilisathuganir og hvenær viðtöl þar sem farið er yfir heimilisaðstæður
nægja.