Iðjuþjálfinn - 01.01.2019, Blaðsíða 80

80

Guðrún Árnadóttir II-grein2019 Malþing: Box II
Hefur speglaþjálfun ásamt hefðbundinni þjálfun meiri áhrif á hreyfigetu efri
útlima eftir heilablóðfall, en hefðbundin þjálfun ein og sér?
Júlíana Petra Þorvaldsdóttir, Lillý H. Sverrisdóttir, Sigurbjörg Sigurðardóttir Inngangur: Iðjuþjálfar á Grensási hafa notað speglaþjálfun ásamt hefðbundinni þjálfun í nokkur
ár með óljósum árangri. Markmiðið var að skoða gagnreyndar rannsóknir um speglaþjálfun og
hvort hún nýtist við að auka hreyfigetu í efri útlimum eftir heilablóðfall. Aðferð: Yfirfarnar voru greinar frá 2006 til 2016. Allar greinarnar eru ritrýndar og flestar í
flokkum eitt og tvö. Gagnasöfn: ProQuest, PubMed, CINAHL, Cochrane, OTDbase, Medline,
Google.is, Scholar.google.com. Leitarorð: Mirror therapy, stroke, occupational therapy, upper
limb, upper extremity, motor function, functional recovery, functional outcome, activities of
daily living.
Niðurstaða: Í tólf af nítján rannsóknum kom fram marktækur munur á hreyfigetu efri útlima og
við framkvæmd athafna daglegs lífs, ef speglaþjálfun er bætt við hefðbundna þjálfun. Skoðaður
var árangur fólks með máttminnkun sem gátu farið eftir leiðbeiningum, bæði í bráðafasa og 6
mánuðum frá áfalli.
Ályktun: Sé speglaþjálfun bætt við hefðbundna þjálfun eru vísbendingar um að það náist aukin
hreyfigeta og betri árangur við framkvæmd athafna daglegs lífs. Þó sýnt hafi verið fram á bata í
hreyfingum, er einungis talað um marktækan mun á hreyfigetu, en ekki hvernig árangurinn
nýttist við framkvæmd verka. Lestur greinanna hvetur okkur til að nota speglaþjálfun áfram og
setja þjálfunina upp á markvissari hátt.