Iðjuþjálfinn - 01.01.2019, Blaðsíða 61

61
Guðrún Árnadóttir II Grein 2019 Málþing LSH Box 1
Þjónustuferli iðjuþjálfunar Grensási: Frekari útfærsla og tilfellalýsing
Lillý H. Sverrisdóttir, Sigþrúður Loftsdóttir og Guðrún Árnadóttir

Inngangur: Sérútbúinn upplýsingagrunnur var hannaður árið 2013 til að auðvelda yfirsýn yfir
helstu þjónustuþætti iðjuþjálfa á Grensási. Þjónustuyfirlitið er byggt að hluta á OTIPM ferlinu og
hefur komið að gagni við að útskýra og efla framþróun þjónustu iðjuþjálfa. Taflan auðveldar
útskýringar á þjónustunni fyrir iðjuþjálfanema, starfsfólk og almenning. Taflan nær yfir alla
þjónustu iðjuþjálfa staðarins og er ætluð fyrir mismunandi þjónustuhópa, en bent hefur verið á
að sértækar töflur fyrir fólk með mismunandi sjúkdómsgreiningar gætu aukið á gagnsemi
hennar.

Markmið: Að hanna undirtöflur þjónustuyfirlitsins með upplýsingum um þjónustu iðjuþjálfa
fyrir einstaklignga með tvær ólíkar sjúkdómsgreiningar. Einnig að athuga mismun á upplýsingum
í undirtöflunum og viðhorf notenda.

Aðferð: Iðjuþjálfar á Grensási fylltu inn í töflur fyrir einstaklinga sem hlotið hafa heilablóðfall og
mænuskaða á hrygg. Unnið var út frá upphaflega þjónustuyfirlitinu við gerð undirtaflnanna.
Tilfellalýsingar voru notaðar við prófun á töflunum. Undirtöflurnar verða lagðar fyrir nemendur
og starfsfólk til umsagnar.
Niðurstöður: Undirtöflurnar sýna að notuð eru mismunandi matstæki og íhlutunarleiðir við að
þjónusta þessa tvo skjólstæðingshópa, þó einnig sé um að ræða samskonar matstæki og
íhlutunarleiðir. Því geta undirtöflur nýst við útskýringar á þjónustu mismunandi
skjólstæðingshópa eins og fram kom í umsögn annarra.

Ályktun: Yfirlitstöflur sem taka mið af sérstökum sjúkdómsgreiningum lofa góðu við allar
útskýringar á þjónustunni og í kennslu.