Iðjuþjálfinn - 01.01.2019, Blaðsíða 38

38
Nefndarmenn í fræðslu- og kynningarnefnd
eru alls átta talsins en í ár voru suðvestur og
norðaustur nefndirnar sameinaðar. Fimm
nefndarmanna koma af suðvestur horninu
og þrír af norðaustur horninu. Nefndar-
menn eru kosnir á aðalfundi félagsins til
a.m.k. tveggja ára og skipta með sér verk-
um í tengslum við undirbúning og fram-
kvæmd á námskeiðum og fræðslufundum.
Einn eða tveir ábyrgðarmenn eru fyrir hvert
námskeið/fræðslufund og skiptast nefndar-
menn á að sinna því starfi.
Í fráfarandi nefnd á suðurlandi sátu Guðrún
Ása Eysteinsdóttir sem var og er enn for-
maður nefndar, Sara Pálmadóttir, Gróa Rán
Birgisdóttir, Dagný Ragnarsdóttir og Jódís
Garðarsdóttir. Á norðurlandi voru það Haf-
dís Bára Óskarsdóttir, Hulda Jónasdóttir og
Jóhanna Logadóttir. Breytingar voru á
fræðslu- og kynningarnefnd í ár en alls
komu þrír nýjir meðlimir á suðurlandi og
einn nýr á norðurlandi. Núverandi meðlimir
eru Guðrún Ása Eysteinsdóttir, Valgý Arna
Eiríksdóttir, Petra Heimisdóttir, Jóhanna
Logadóttir, Rannveig Reynisdóttir, Hafdís
Bára Óskarsdóttir, Hrefna Óskarsdóttir og
Sara Pálmadóttir.
Tilgangur fræðslu- og kynningarnefndar er
að bjóða upp á fjölbreytt og áhugaverð
námskeið með það að markmiði að
viðhalda og efla faglega þekkingu iðju-
þjálfa. Nefndin skipuleggur námskeið í
samstarfi við Endurmenntun Háskóla Ís-
lands og Símenntun Háskólans á Akureyri.
Markmiðið er að sem flestir fái fræðslu við
sitt hæfi. Enn fremur leggur nefndin áherslu
á að kynna fagið út á við og fræða almenn-
ing um sérþekkingu iðjuþjálfa á daglegri
iðju mannsins.  
Á nefndarárinu 2018-2019 voru verkefni
fræðslu- og kynningarnefndar fjölbreytt.
Þau snérust  m.a. um að endurhanna skóla-
töskubæklinginn, vinna að könnun sem
Endurmenntun sendi á félagsmenn, koma
snapchati Iðjuþjálfafélagins í loftið og
skipuleggja málþing í tilefni Alþjóðadags
Iðjuþjálfa sem haldið var 9. nóvember 2018.
Viðamesta verkefni nefndarinnar var að
halda námskeiðið Assessment of motor
and process skills (AMPS) í samstarfi við
Endurmenntun Háskóla Íslands. Nám-
skeiðið var haldið vikuna 28. janúar til
1. febrúar í húsi Endurmenntunar og tóku
35 iðjuþjálfar þátt. Almenn ánægja var með
námskeiðið og kennarana, Prófessor Gill
Chard og Dr. Brendu Merrit.
Fræðslu- og kynningarnefndin á norður-
landi skipulagði vísindaferð þann 25. janú-
ar síðastliðinn sem haldin var á Akureyri.
Þátttakan var góð en 20 iðjuþjálfar mættu
og áttu góðan dag. Byrjað var á því að hitt-
ast í Háskólanum á Akureyri þar sem Sigríð-
ur Guðmundsdóttir iðjuþjálfi Þelamerkur-
skóla og Ásta M. Rögnvaldsdóttir iðjuþjálfi
Þingeyjarskóla töluðu um það fjölbreytta
starf sem þær sinna með börnum. Nefndu
þær mikilvægi þess að styðja og aðstoða
börn við að efla félagsfærni og sjálfsbjargar-
getu. Að því loknu var farið niður á Búsetu-
svið Akureyrarbæjar þar sem Guðrún Sonja
hélt fræðslu um heimaþjónustu. Auk þess
fór hún yfir hvert hlutverk iðjuþjálfa er í því
starfi, regluverk og mikilvægi samstarfs við
skjólstæðinga sem og teymismeðlimi.
Á nefndarárinu 2019-2020 er stefnt að því
að klára endurgerð á skólatöskubæklingi
og gefa hann út á rafrænu formi. Skipulag
og vinna við endurgerð bæklingsins hefur
verið í vinnslu frá árinu 2017 samhliða öðr-
um verkefnum nefndarinnar.
Í byrjun júní 2019 var fenginn íslensku-
fræðingur til að prófarkalesa bæklinginn
áður en hann var sendur til grafísks hönnuð-
ar sem sér um gerð bæklingsins. Í ár hefur
nefndin einnig unnið að því að skipuleggja
námskeiðið Powerful Practice. Námskeiðið
er ætlað iðjuþjálfum, kennurum, nemend-
um og rannsakendum sem hafa áhuga á að
auka þekkingu sína og skilning á mætti iðju
og hvernig hægt sé að byggja upp heild-
ræna þjónustu iðjuþjálfa. Námskeið og
skipulag er unnið í samstarfi við Endur-
menntun Háskóla Íslands. Kennari er Anne
G. Fisher og er stefnt á að halda námskeiðið
í mars árið 2020.
Fræðslu- og kynningarnefnd hélt fyrst mál-
þing í tilefni af Alþjóðadegi iðjuþjálfunar
árið 2017 og hefur sú hefð fest sig í sessi. Á
hverju ári er óskað eftir erindum frá félags-
mönnum sem vilja segja frá sínu starfi eða
verkefnum sem þeir vinna að. Í ár er engin
undantekning og er stefnt að því að halda
málþing í kringum 27. október.
Fræðslu- og kynningarnefnd fær reglulega
ábendingar frá félagsmönnum um áhuga-
verð námskeið. Iðjuþjálfar innan öldrunar-
þjónustunnar hafa til að mynda óskað eftir
að haldið sé námskeið í skynörvun fyrir
aldraða og stjórnendur sólskinsklúbba.
Fræðslu og kynningarnefnd vill að lokum
hvetja iðjuþjálfa til að senda okkur ábend-
ingar um námskeið og áhugaverða fyrirles-
ara, bæði innlenda sem erlenda, á netfang-
ið fraedslunefnd.ii@bhm.is.
FRÆÐSLU- OG KYNNINGARNEFND
FRÆÐSLU- OG KYNNINGARNEFND
IÐJUÞJÁLFAFÉLAGS ÍSLANDS