Iðjuþjálfinn - 01.01.2019, Blaðsíða 85

85

Guðrún Árnadóttir II-grein2019 Malþing: Box II
Iðjuþjálfun og kynheilbrigði á geðdeildum LSH
Rósa Gunnsteinsdóttir, Elisa Helena Saukko og Hildur Ævarsdóttir

Inngangur: Iðjuþjálfar á geðdeildum LSH vinna að því að aðstoða einstaklinga með þunglyndi,
kvíða og aðrar geðraskanir við að endurheimta sjálfstæði við vinnu, eigin umsjá og áhugamál.
Kynheilbrigði er ein af grunnþörfum mannsins og skerðing á því er talin minnka lífsgæði
einstaklingsins.
Markmið: Að skoða hvort iðjuþjálfar á geðdeildum LSH veiti skjólstæðingum íhlutun tengda
kynheilbrigði.
Aðferðir: Órekjanlegur spurningalisti, sem var útbúinn sérstaklega fyrir þessa könnun, var
lagður fyrir starfandi iðjuþjálfa á geðdeildum LSH. Einnig voru tekin óformleg viðtöl við fjóra
iðjuþjálfa á sama sviði. Niðurstöður: Meirihluti iðjuþjálfa geðdeilda LSH hafa ekki haft frumkvæði að því að ræða
kynheilbrigði við skjólstæðinga sína. Helsta ástæðan var að ekki var talin þörf á þessari umræðu
og einnig ótti við að skjólstæðingar myndu mistúlka aðstæður. Af þeim 18 sem svöruðu höfðu
allir áhuga á að ræða þessi mál við skjólstæðinga sína.

Ályktanir: Iðjuþjálfar geðdeilda LSH vinna ekki markvisst að því að veita skjólstæðingum íhlutun
er snýr að kynheilbrigði en áhuginn er til staðar. Við teljum að það þurfi skýrt verklag og að
iðjuþjálfar fái þjálfun og fræðslu í því hvernig og hvenær í meðferðinni þessi umræða og íhlutun
ætti að eiga sér stað. Mikilvægt að skoða hvernig aðrir iðjuþjálfar vinna í þessum málum bæði
hérlendis og erlendis.