Lögmannablaðið - 15.12.1997, Page 11

vinnubrögð þeirra verði samræmd
og skilvirkni aukin. Þannig er lagt
til að héraðsdómstólarnir eigi und-
ir sameiginlega stjórn dómstóla-
ráðs og að dómari verði ekki skip-
aður við ákveðinn héraðsdómstól.
Með þessu fyrirkomulagi verður
unnt að koma við breytingum á
starfsvettvangi dómara í styttri eða
lengri tíma, auk þess sem gert er
ráð fyrir heimild til að ákveða að
allt að þrír dómarar eigi ekki fast
sæti við ákveðinn dómstól heldur
sinni störfum við þá alla eftir þörf-
um hverju sinni. Þetta skapar svig-
rúm til að bregðast við auknu álagi
á einstaka dómstóla, auk þess sem
unnt væri að styrkja stöðu minni
dómstóla með því að manna þá
reyndum dómurum.
I kjölfar endurskoðunar á réttar-
farslögum og með bættum aðbún-
aði dómstóla hefur rekstur dóms-
mála gengið til muna hraðar fyrir
sig en áður, bæði í héraði og fyrir
Hæstarétti. Með fyrrgreindum
breytingum á skipulagi héraðs-
dómstóla, sem hér hefur verið gerð
grein fyrir, ætti að vera unnt að ná
enn frekari árangri í þeim efnum.
Mikilvægi þess er augljóst fyrir lög-
menn og umbjóðendur þeirra.
Af vettvangi stjórnar L.M.F.Í.
Af störfum stjórnar L.M.F.Í. undanfarnar vikur og
mánuði má nefna eftirfarandi:
Málþing um skattamál
Töluverð umræða hefur verið í fjölmiðlum og
meðal lögmanna og löggiltra endurskoðenda undan-
farnar vikur um skattamál. Hefur umræðan spannað
vítt svið, allt frá setningu laga og reglna um skatta og
gjöld, um skattaframkvæmdina og til lausnar ágrein-
ingsmála, innan stjórnsýslunnar og fyrir dómstólum.
Þá hefur verið rætt nokkuð um hvernig hægt sé að
lagfæra hnökra á kerfinu og tryggja réttarstöðu skatt-
greiðenda, sem sem með stofnun sérstaks embættis
umboðsmanns skattborgaranna. Af þessari umræðu
spratt hugmynd um að halda sérstakt málþing eða
ráðstefnu um skattamál. Verður málþingið haldið
föstudaginn 16. janúar n.k. á vegum L.M.F.Í. og Fé-
lags löggiltra endurskoðenda. Hafa fulltrúar stjórna
félaganna tveggja unnið að því undanfarið að skipu-
leggja dagskrá málþingsins.
Aöalfundur - ársfundur
Aðalfundur L.M.F.Í. er haldinn samkvæmt sam-
þykktum félagsins í mars á hverju ári, næst föstudag-
inn 13. mars 1998. Eru aðalfundarstörfin í nokkuð
föstum skorðum samkvæmt 19- gr. samþykktanna.
Innan stjórnarinnar hefur undanfarið verið nokkuð
rætt um hugmyndir um breytingar á fyrirkomulagi
aðalfundardagsins. Hefur í þessu sambandi verið
rætt um að halda sérstaka ráðstefnu um efni, sem
höfðar til lögmanna og e.t.v. utanfélagsmanna, fyrr
um daginn og aðalfund með hefðbundnu sniði þar
á eftir. Stjórn L.M.F.Í. hefur í þessu skyni skipað í
nefnd þau Ásgeir Thoroddsen, hrl., Ástráð Haralds-
son, hrl., Hrafnhildi Stefánsdóttur, hdl. og Jónas Har-
aldsson, hdl., til að kanna þessa hugmynd og móta
tillögur um framkvæmd hennar.
Árshátíö 14. mars 1998
Skemmtinefnd hefur verið falið að undirbúa næstu
árshátíð félagsins, sem haldin verður laugardaginn
14. mars 1998. Er nefndin skipuð þeim Helga Jó-
hannessyni, hrl., sem er formaður, Inga H. Sigurðs-
syni, hdl. og Valborgu Snævarr, hdl. Hefur nefndin
þegar pantað vistlegan og rúmgóðan sal fyrir
skemmtunina, Akogessalinn við Sóltún (áður
Sigtún).
Námsferö til Luxemborgar og Brussel
Eins og greint var frá í Fréttabréfi L.M.F.Í. nýlega
hefur verið ákveðið að efna til námsferðar lögmanna
til Luxemborgar og Brussel til að heimsækja og fræð-
ast um nokkrar stofnanir EFTA, í tengslum við EES-
samninginn. Sendiráðið í Brussel vinnur nú að því
að aðstoða við gerð dagskrár slíkrar ferðar. Kapp-
kostað verður að fá eins víðtæka fræðslu um hinar
ýmsu EFTA-stofnanir og unnt er, bæði með heim-
sóknum í húsakynni þeirra og fyrirlestmm um starf-
semi þeirra og framkvæmd EES-samningsins. Kann-
að hefur verið hvað svona ferð gæti hugsanlega
kostað, miðað við að farið sé út á mlðvikudegi og
komið heim á sunnudegi. Er verðið á bilinu frá
35.000 til 42.000 krónur. Þetta er þó sagt með fyrir-
vara um hugsanlegar breytingar, sem kynnu að
verða þegar endanleg dagskrár ferðarinnar liggur
fyrir.
Formannafundur
Þann 24. október var haldinn fundur stjórnar
L.M.F.Í. og formanna hinna ýmsu nefnda, sem starfa
innan félagsins. Markmiðið með fundinum var að
ræða félagsmálefnin vítt og breitt, miðla upplýsing-
um og fræðast um störf einstakra nefnda. Hugmynd-
in er að halda slíka fundi einu sinni til tvisvar á ári.
Lögmannablaðið
11