Lögmannablaðið - 15.12.1997, Qupperneq 18

Nám í kjörgreinum við
lagadeild H.í.
Frá undirritun: f.v. Björn Þ. Guðmundsson, forseti lagadeildar, Jónas Þór
Guðmundsson, kennslustjóri, Sigurður Líndal, prófessor, Helgi I. Jónsson,
héraðsdómari, Þórir Skarphéðinsson, formaður Orators, Marteinn
Másson, framkv.stj., Viðar Már Matthíasson, prófessor og Helgi
Jóhannesson, hrl
Þann 5. desember s.l. var
undirritað samkomulag
Lögmannafélags íslands,
Lögfræðingafélags íslands og
Dómarafélags íslands við Laga-
stofnun Háskóla íslands fyrir
hönd lagadeildar H.Í., um nám
lögfræðinga í kjörgreinum, sem
kenndar eru við deildina. Mark-
mið samningsins er að stuðla að
auknum og bættum möguleikum
í endurmenntun lögfræðinga og
auknum tengslum Lagastofnun-
ar og lagadeildar við félög starf-
andi lögfræðinga á íslandi.
Samningurinn fjallar í stórum
dráttum um eftirgreind atriði.
Lagastofnun beitir sér fyrir því að
lögfræðingar eigi kost á að stunda
nám í þeim kjörgreinum, sem
kenndar eru hverju sinni. Fjöldi lög-
fræðinga í hverri kjörgrein má ekki
vera meiri en 20% þeirra sem skráð-
ir eru til náms í viðkomandi grein.
Ef færri en 10 stúdentar eru skráðir
til náms í kjörgrein mega þó 2 lög-
fræðingar stunda nám í henni.
Fyrirvari er í samningnum um rétt
lagadeildar til að fella niður kennslu
í einstökum kjörgreinum ef þátttaka
stúdenda nær ekki því lágmarki,
sem deildin setur hverju sinni eða
ef takmarkaðar fjárveitingar til
deildarinnar eða aðrar brýnar
ástæður leiða tii þess að fækka þarf
kjörgreinum.
Lögfræðingum, sem skráðir eru til
kjörgreinanáms, er heimil seta í
kennslustundum og önnur þátttaka
í náminu, til jafns við stúdenta. Þeir
munu eiga kost á því að fá sama
námsefni og námsgögn og stúdent-
ar. Lögfræðingarnir eiga kost á að
skila skriflegum verkefnum, taka
þátt í umræðum í sama mæli og
stúdentar og fá umsögn um munn-
leg eða skrifleg verkefni. Þeir geta
gengist undir próf ef þeir vilja og
eiga kost á að fá skriflega staðfest-
ingu lagadeildar á því að þeir hafi
stundað nám í kjörgreininni og hlot-
ið tiltekna einkunn ef þeir hafa
gengist undir próf.
Félögin þrjú, sem standa að
samningnum, munu sjálf annast
skráningu þeirra félagsmanna, sem
hafa áhuga að stunda kjörgreina-
nám. Ef fleiri lögfræðingar sækja
um að stunda nám í kjörgrein en
heimilt er samkvæmt samningnum
mun sérstök samstarfsnefnd velja á
milli þeirra, sem sótt hafa um.
Samstarfsnefndin ákvarðar nám-
skeiðsgjöld og gildir sú ákvörðun
fyrir eitt ár í senn. Gjaldinu verður
ráðstafað af samstarfsnefndinni og
markmið þeirrar ráðstöfunar skal
vera að efla rannsóknir og gerð
námsefnis, sem notað er við
kennslu í lagadeild. Það eru félögin
sjálf sem annast innheimtu nám-
skeiðsgjaldanna.
Samkvæmt samningnum mun
Lagastofnun, í samvinnu við laga-
deild, leitast við að uppfylla óskir
félaganna um að skipuleggja og
annast kennslu á sérstökum nám-
skeiðum um efni, sem ekki er kennt
sérstaklega í kjörgreinum á vegum
lagadeildarinnar.
Samstarfsnefndin, sem að framan
er getið, mun fylgjast með fram-
kvæmd samningsins og gæta þess
að eftir honum verði farið. Nefndin
tekur til meðferðar og leysir úr
hugsanlegum ágreiningsefnum, sem
kunna að rísa um túlkun eða fram-
kvæmd samningsins. Nefndin verð-
ur skipuð fimm mönnum, tveim til-
nefndum af Lagastofnun, tveim af
félögunum og einum af Orator, fé-
lagi laganema.
Þess má geta í lokin að veg og
vanda af gerð þessa samkomulags
Lagastofnunar og félaganna þriggja
hafði Viðar Már Matthíasson, laga-
prófessor, með aðstoð Jónasar Þórs
Guðmundssonar, kennslustjóra
lagadeildar.
MM
18
Lögmannablaðið