Árbók Hins íslenzka fornleifafélags - 2014, Page 35

ÁRBÓK FORNLEIFAFÉLAGSINS34
kopar. Aðrar gerðir voru t.d. úr beini og keramik (e. prosser60) en einnig
fannst nokkuð sérstæður svartur hnappur úr plasti sem hefur líklega átt að
líkjast tálgukoli í skurði 1 og handgerður hnappur úr skel. Aðrir skrautgripir
sem fundust voru m.a. ermahnappur úr kopar og tveir flibbahnappar úr plasti
sem fundust í skurði 2. Í skurði 2 fannst lítið brot úr samsettu gleri, sem
líklega hefur verið perla en hafði lent í eldi og var talsvert illa farin. Tvö brot
úr greiðum/kömbum fundust, í sitt hvorum skurðinum og einnig handfang
af tannbursta úr plasti (í skurði 2).
Úr ýmsum áttum
Ýmsir aðrir áhugaverðir hlutir komu í
ljós við uppgröftinn, t.d. fannst hluti af
vasaúri í skurði að baki Bergþórs- og
Gíslahúsi (skurður 1) en allt gangverk
þess var glatað. Slík úr koma fyrst fram á
síðari hluta 19. aldar. Á bak hlið úrsins var
letrað SYSTEM ROSKOPF PATENT.
Svissneski úra fram leið andinn Georges
Fred eric Roskopf hóf fyrstur fram-
leiðslu á úrum sem hægt var að trekkja
án sérstaks lykils síðla á 19. öld. Eftir
60 Sprague 2002.
Beltissylgja úr skurði 1 að baki Bergþórs- og Gíslahúsi (fundarnúmer SBK11_326). Teikning: Stefán Ólafsson,
ljósmynd: Elín Ósk Hreiðarsdóttir.
Teikning af fingurbjörg (fundarnúmer
SBK11 _335) sem fannst í skurði 2 og er upp-
runnin í Frakklandi. Teikning: Stefán Ólafsson.