Árbók Hins íslenzka fornleifafélags - 2014, Qupperneq 79

ÁRBÓK FORNLEIFAFÉLAGSINS78
kanna gerð og sögu þessara tveggja kirkjugripa umfram það sem gert hefur
verið við undirbúning viðkomandi binda í ritröðinni Kirkjur Íslands sem og
við ritun þessarar greinar sem einvörðungu er ætlað að varpa ljósi á tengsl
stólanna og draga ályktanir af þeim Þetta er ekki sagt Kirkjum Íslands til
hnjóðs heldur einvörðungu til að vekja athygli á að þrátt fyrir þá ritröð eru
öll kurl greinilega ekki komin til grafar í þessu efni.
Viðfangsefni þessarar greinar var fyrst og fremst að grafast fyrir um
hugsanleg tengsl predikunarstólanna tveggja og kanna hvort sérstök gerð hins
eldri geti hafa mótað lögun þess yngri. Hér hefur verið sýnt fram á söguleg
tengsl milli Skarðs og Bræðratungu á umræddum tíma sem staðfest geta að
Bræðratungu-stóllinn sé fyrirmynd stólsins á Skarði Hér hafa aftur á móti
ekki allar þær fjölmörgu úttektir sem gerðar hafa verið á kirkjunum tveimur
við biskups- og prófastsvísitasíur verið kannaðar til hlítar. Með þeirra hjálp
má e.t.v. rekja feril gripanna tveggja innan einstakra kirkna og milli kirkna
á stöðunum við endurteknar endurbyggingar. Í því sambandi má til dæmis
benda á þá sögu sem þær segja af hnignun altarisbríkurinnar og vængjastólsins
í Bræðratungu. Fyllri rannsóknir á þeim kunna því vissulega að staðfesta enn
frekar eða hugsanlega hrekja þær tilgátur sem hér hefur verið leitast við að
rökstyðja.