Árbók Hins íslenzka fornleifafélags - 2014, Qupperneq 138

137SKÁLDAÐ Í BYGGINGARARFINN
Guðmundssonar sem sýna mjög skýrt þjóðernisrómantískar hugmyndir
um gullöld, um betri horfinn tíma. Enn eimir eftir af slíkum hugmyndum
í Þjóðveldisbænum í Þjórsárdal. Sjálfstæðisbarátta og lýðveldisstofnun eiga
þar væntanlega stóran hlut að máli. Meira raunsæis gætir í Eiríksstaðabæ og
húsum byggðum um aldamótin 2000 auk Þuríðarbúðar frá 1949. Hins vegar
virðist sem skáldskapurinn hafi tekið völdin í mörgum hinna veitingatengdu
húsa en einnig í Herjólfsbæ og Þorláksbúð.
Rafræna leiðin
Með hraðfleygri tækniþróun opnast nýir möguleikar varðandi endurgerðir.
Ekki þarf lengur að smíða tilgátuhús sem munu þarfnast kostnaðarsams
viðhalds um alla framtíð heldur er unnt að skapa sýndarveruleika sem
fullnægir ágætlega slíkum þörfum.
Riðið var á vaðið í slíkri framsetningu í minjagarðinum á Hofsstöðum í
Garðabæ sem opnaður var vorið 2004. Margmiðlunarefnið er þar aðgengilegt
við rústirnar sjálfar. Í september sama ár var margmiðlunarefni sett fram á
nýrri grunnsýningu Þjóðminjasafns Íslands.
Áhugaverð leið var svo farin um skálarústina í Aðalstræti. Þar hefur verið
byggt upp rými á vettvangi með mismunandi sýndarheimum, ávallt í nánu
samhengi og í nærveru rústinnar. Í stað þess að byggja tilgátuhús er byggð
upp heil sýning: Reykjavík 871+-2. Í margmiðlunarefninu er sú nýlunda að
vafinn er settur myndrænt fram með því að kynna tvo uppsmíðamöguleika á
sömu tóftinni. Verkefnisstjóri sýningarinnar, Hjörleifur Stefánsson, mun hafa
staðið að baki þessari framsetningu.35
Annað dæmi um vel heppnaða útfærslu á rafrænni endurgervingu er
35 Sjá: www.reykjavik871.is; Munnleg heimild Hjörleifur Stefánsson.
Tvær hug myndir um uppsmíð á sömu skálarústinni. Með því er vafinn um uppsmíðina settur fram á myndrænan
hátt en í öðrum dæmum er vafinn fyrst og fremst færður í orð. Skjáskot úr margmiðlunarefni Gagarín á sýningu
Borgarsögusafns.