Árbók Hins íslenzka fornleifafélags - 2014, Qupperneq 222

221EYÐIBÝLI Á ÍSLANDI
verður fjallað um nokkur dæmi á þessu svæði þar sem rústir og íbúðarhús
gáfu góða mynd af lífinu eins og það var á árum áður.
Rif á Melrakkasléttu er norðvestur af Raufarhöfn. Húsið stendur við lón
á Rifstanga sem var lengi talinn nyrsti tangi Íslands. Slóði liggur að bænum
en hann er stórgrýttur. Um 45 mínútna gangur er að bæjarstæðinu. Jörðin fór
í eyði árið 1947 en haustið 1934 gerði þar geysimikið brim sem bar grjót og
sand á tún og braut niður hús. Rifstangi er hægt og rólega að verða að litlu
skeri þar sem sjórinn gengur hart að landinu og étur það upp. Íbúðarhúsið
blasir við og er reisulegt. Rústir af gömlu útihúsi úr torfi og grjóti standa
skammt frá bænum og mynda þær fallega heild með honum. Svo virðist sem
bærinn hafi verið í miklum blóma með góðu aðgengi að hlunnindum svo
sem rekavið og æðardún4. Ef skoðað er túnakort sem talið er vera frá því um
1920 má sjá að alls hafa verið fimm útihús í túninu. Öll stóðu þau skammt
frá sjónum en eru horfin í dag.
Skinnalónsbærinn stendur nyrst á Melrakkasléttu við sjávarsíðuna.
Aðgengi að Skinnalóni er talsvert betra en að Rifi enda skammt frá vegi. Tvö
íbúðarhús standa í túninu en verið er að gera annað þeirra upp. Stór og mikill
bæjarhóll hefur myndast að norðanverðu við húsið sem ekki er verið að
4 Axel Kaaber, Bergþóra Góa Kvaran og fleiri 2012, bls. 45.
Rif á Melrakkasléttu.