Fréttablaðið - 04.02.2021, Blaðsíða 48
RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Kolbeins
Marteinssonar
BAKÞANKAR
Orðasambandið virk/ur í athugasemdum er til-tölulega nýtt í íslensku
tungumáli og er dæmi um breytu
sem hóf innreið sína samhliða int-
erneti og samfélagsmiðlum. Með
því að opna fyrir óritskoðaðar
athugasemdir einstaklinga neðan
við fréttir vefmiðla og annarra vef-
síðna fengu þessir virku aðstöðu
til að láta ljós sitt skína. Olía á
þennan eld var síðan Hrunið sjálft
þar sem öll viðmið um háttvísi
og virðingu í mannlegum sam-
skiptum fengu að fjúka fyrir rétt-
látri reiði. Allt í einu spratt upp
hópur fólks sem gat daglega fengið
útrás fyrir tilfinningar sínar.
Því staðreyndin er sú að ekkert
fóðrar virka í athugsemdum betur
en reiði, hneykslun, uppsöfnuð
gremja og óbeit á viðfangsefninu.
Við sjáum þetta á hverjum degi.
Oft eru þetta ekki annað en hróp
þar sem viðkomandi hefur ekki
einu sinni haft fyrir því að lesa
annað en fyrirsögn fréttarinnar
sem um er rætt, þegar athuga-
semdirnar eru lesnar. Kommentin
litast líka oftast af pólitískum
eða öðrum skoðunum á viðfangs-
efninu frekar en umfjöllunarefni
fréttarinnar. Þannig fá fréttir um
stjórnmálamenn oftast viðbrögð
frá öllum öðrum en kjósendum
þeirra. Síðan bætast við við-
hlæjendur sem „líka“ við færslur
og þótt þeir öskri ekki með, þá
sýna þeir hávaðanum velþóknun
sína. Flestir sem eru í opinberri
umræðu hafa því haft vit á að
hætta að lesa athugasemdir um sig
á samfélagsmiðlum.
Staðreyndin er að þetta er mein-
semd sem bætir engu við almenna
umræðu, né bætir hana eða
samfélagið. Eru til einhver dæmi
um mál sem hefur verið rökrætt
í kommentakerfum og niður-
staða fengist? Ég held að íslensk
þjóðfélagsumræða myndi batna ef
þessum óhroða yrði úthýst. Sumt
var nefnilega betra í gamla daga.
Komment
Verslaðu á netinu byko.is
á byko.is
Frábær
tilboð
Nýtt blað
Verslaðu í vefverslun BYKO
SENT
HEIM
ALLA
VIRKA
DAGA
Frí heimsending er á pöntunum yfir 20.000 kr