Vinnan - 01.08.1948, Page 6
r
AF ALÞJÓÐAVETTVANGI
Framkvæmdanefnd Alþjóðasambandsins hélt fund í
Rómaborg dagana 5.—12. apríl s.l.
Á fundinum var meðal annars rætt um hinar síauknu
árásir á verkalýðssamtökin víSa um heim.
í ályktun um þaS mál segir meSal annars:
1) MiSstjórnarfundurinn í Prag varaði við hættunni
er verkalýSssamtökunum stafar af árásum aftur-
haldsins á lýð- og félagsréttindi almennings;
2) að síðan miðstj órnarfundurinn var haldinn hafa á-
rásir afturhaldsins færzt mjög í aukana, svo að nú
eru frjáls verkalýðssamtök ekki til nema að nafn-
inu víða um lönd, verkföll bönnuð að lögum og
dauðarefsing látin við Iiggja. Frjáls lýðræðisleg
verkalýðsfélög bönnuð, en stjórnskipuð gerfifélög
auðsveip verkfæri afturhaldssinnaðra atvinnurek-
enda notuð til að liggja á kröfum verkalýðsins um
kjarabætur.
3) MeSal þeirra landa sem svipt hafa verkalýðinn rétt-
indum til frjálsra verkalýðssamtaka eru: Spánn,
Grikkland, Iran, Brasilía, Chile, Indland, Egypta-
land, Argentína, Kína, Malaja, Burma, Ceylon og
Portugal.
Framkvæmdanefnd AlþjóSasambandsins sendir
verkalýð þessara landa, er berst hetjubaráttu fyrir rétt-
indum sínum, kveðju og fullvissar hann um samúð sína.
Ennfremur er ítrekuð áskorun framkvæmdanefndar-
innar til efnahags- og féálagsmálaráðs SameinuSu þjóð-
anna um að flýta afgreið'slu á tillögum AlþjóSasam-
bandsins um fagleg réttindi.
Næsta þing AlþjóSasambandsins á að koma saman í
Brússel 7. des. í ár.
Ástralía
Hafnarverkamenn í Melbourne hafa neitað að af-
greiða grísk skip, sem mótmæli gegn ógnarstjóminni
þar í landi. SömuleiSis hafa skipaviSgerðarmenn neit-
að að framkvæma viðgerðir á grískum skipum.
Chile
Bakarar í Santiago og Valpariso hafa verið í verk-
falli undanfarið. 2. júní tók herinn öll brauðgerðarhús
í þessum borgum á sitt vald, og nú vinna þar verkfalls-
brjótar undir vernd hans.
Frakkland
Verkföll breiðast nú mjög út í flugvélaiSnaðinum
vegna fyrirætlana ríkisstj órnarinnar um að draga mjög
úr honum í samræmi viS Marshall-aSstoðina Ráðgert
er að segja upp 150.000 verkamönnum í flugvéla- og
bifreiSaiSnaðinum, eftir kröfu bandarísku framleið-
endanna, sem kæra sig ekki um franska samkeppni á
Evrópumarkaðinum.
Noregur
MeSlimatala norska verkalýðssambandsins jókst á
árinu 1947 um 43.568, var í ársbyrjun 441.571, þar af
71.765 konur.
Tékkóslóvakía
011 fyrirtæki, sem hafa 50 manns eða fleiri í þjón-
ustu sinni verða nú þjóðnýtt. Þetta ákvæði nær einnig
til smærri fyrirtækja, ef framleiðsla þeirra hefur mikla
þýðingu fyrir þjóðarbúskapinn. Frumvarp þetta var
flutt af núverandi forsætisráðherra, Zapotocky, áður
forseta verkalýðssambandsins, samkvæmt ósk þess.
Einnig liggur nú fyrir þinginu frumvarp til laga um
mjög víðtækar og fullkomnar tryggingar er ná til allra
landsmanna.
Ini sháld
Skáldið bograr við borðsins rönd.
Á borðinu týran ljómar.
Ljósgulan blýant hefur í hönd,
í höfðinu kvarnir tómar:
Sel — sel,
gel — gel,
mikið rækalli er erfitt að ríma vel.
Andrés Björnsson.
Drykhjuvísa
Ég drekk til þess að lifa og lifi til að drekka.
Mig langar til að drekka —- drekka mig í rot.
Ég ætla að drekka út kaupið mitt, ef það skyldi rekka,
annars bara hætti ég að drekka, eins og skot.
Haraldur Hjálmarsson.
146
VINNAN