Fréttablaðið - 09.02.2021, Blaðsíða 6

Aðeins foreldrar á
Íslandi og á Möltu telja hópa
á Facebook vera góða aðferð
til að eiga í samskiptum við
aðra foreldra.
REYKJAVÍK SAMFOK, Samtök for-
eldra grunnskólabarna í Reykjavík,
hafa óskað eftir fundi með skóla- og
frístundasviði Reykjavíkurborgar
til að ræða ástand húsnæðis Foss-
vogsskóla og líðan barna sem finna
enn fyrir myglueinkennum þrátt
fyrir að búið sé að ráðast í umfangs-
miklar framkvæmdir.
Samkvæmt upplýsingum frá
Reykjavíkurborg voru tekin sýni
um mánaðamótin nóvember/
desember í fyrra, voru svo f leiri
sýni tekin síðar í desember sem
send voru í tegundagreiningu hjá
Náttúrufræðistofnun Íslands, NÍ.
NÍ hefur lokið greiningu en niður-
stöðurnar verða ekki gerðar opin-
berar fyrr en Verkís skilar skýrslu til
Reykjavíkurborgar, verður það gert
á næstunni.
Sigríður Björk Einarsdóttir, fram-
kvæmdastjóri SAMFOK, segir þetta
ferli taka of langan tíma. Veik börn
séu í skólanum og það liggi fyrir að
veikindin megi rekja til myglu í hús-
næðinu. Eitt barn er nú þegar f lutt
úr hverfinu og farið úr skólanum
vegna mygluvandans. „Við erum
komin á þann stað að börn eru farin
að fela einkenni sín fyrir foreldrum
vegna þess að þau eru hrædd um að
þurfa að skipta um skóla.“
Fram kom í yfirlýsingu Reykja-
víkurborgar sem send var í des-
ember í kjölfar fyrirspurna Frétta-
blaðsins að starfsfólk umhverfis- og
skipulagssviðs og annað starfsfólk
borgarinnar sem hefur komið að
málefnum Fossvogsskóla hafi ætíð
hlustað á bæði foreldra og foreldra-
ráð skólans og tekið fullt mark á
þeim athugasemdum og ábend-
ingum sem komið hafa fram. „Hús-
næðið hefur allt verið tekið í gegn
og komið í veg fyrir rakavandamál,“
sagði í yfirlýsingunni.
Sigríður segir mikið vantraust
í garð borgarinnar. „Það vantar
málsvara barnanna í kerfinu, þess
vegna er svo mikilvægt að hægt sé
að leita til okkar. Það á ekki að vera
þannig að foreldrarnir, sem hafa
staðið sig gríðarlega vel í þessu máli,
séu einir að berjast við kerfið.“
Ragnheiður Davíðsdóttir, for-
maður SAMFOK og áheyrnar-
fulltrúi foreldra barna í skóla- og
frístundaráði Reykjavíkurborgar,
segir að hún hafi óskað eftir því að
málið verið sett á dagskrá ráðsins
sem fyrst. „Það skiptir gríðarlega
miklu máli að það sé gott sam-
starf milli okkar, skólans, foreldra,
radda barnanna og sviðsins. Þetta
sé alvöru samstarf og gert af góðum
hug þannig að enginn bakki í vörn,
heldur að þetta sé lagað þannig að
ekkert barn finni fyrir einkennum í
húsnæðinu,“ segir Ragnheiður.
Sigríður segir augljóst að mál
Fossvogsskóla verði ekki það síð-
asta sem komi upp. „Okkur hafa
borist frásagnir af rakaskemmdum
og grun um myglu frá fleiri skólum
í borginni en málin eru viðkvæm og
fólk forðast að ræða þau,“ segir hún.
Nota þurfi reynsluna af hvað hafi
gengið vel og hvað fór úrskeiðis í til-
felli Fossvogsskóla til að sambærileg
máli fari ekki sömu leið. „Það er til-
viljanakennt hvernig staðið er að
þessu, Kársnesskóli var rifinn, farið
var í viðgerðir á Fossvogsskóla en
enn eru börn veik,“ segir Sigríður.
„Stóra málið er fjármagn til að
ferli sé til staðar, hvergi í kerfinu
verði árekstrar við opinbera aðila
eða verktaka sem trúi ekki á tilvist
myglu. Ef borgin getur ekki tryggt
að engin skaðleg mygla sé í skóla-
húsnæði þá verður ríkið að grípa
inn í.“
Fulltrúar Sjálfstæðisf lokksins
munu leggja fram tillögu í skóla-
og frístundaráði í dag um að leitað
verði að myglu í nokkrum grunn-
skólum: Breiðagerðisskóla, Réttar-
holtsskóla, Hvassaleitisskóla, Álfta-
mýrarskóla og Laugarlækjarskóla.
„Við viljum að ástand grunnskóla
Reykjavíkur sé tekið út og foreldrar
upplýstir um ástand húsnæðisins,“
segir Valgerður Sigurðardóttir,
borgarfulltrúi.
arib@frettabladid.is
Reyna að fela myglueinkenni
SAMFOK hafa óskað eftir fundi með skóla- og frístundasviði vegna myglueinkenna barna í Fossvogs-
skóla. Framkvæmdastjóri samtakanna segir dæmi um að börn feli einkennin fyrir foreldrum sínum.
Skólanum var lokað að hluta til vorið 2019 eftir að mygla fannst í húsnæðinu. FRÉTTABLAÐIÐ/VALLI
Meira á frettabladid.is
Okkur hafa borist
frásagnir af raka-
skemmdum og grun um
myglu frá fleiri skólum í
borginni en málin eru
viðkvæm og fólk forðast að
ræða þau.
Sigríður Björk
Einarsdóttir,
framkvæmda-
stjóri SAMFOK
SAMFÉLAG Rúmlega helmingur for-
eldra taldi það áskorun að samræma
vinnu við skólastarf barna sinna í
faraldrinum. Almennt voru foreldrar
jákvæðir í garð fjarkennslu í skólum
en stór hluti taldi þó að skólar þyrftu
að bæta sig í fjarkennslunni. Var
þekkingarleysi eða skortur á búnaði
helsta áskorunin fyrir foreldra.
Þetta kemur fram í niðurstöðum
samevrópsku foreldrakönnunar-
innar, Digital Citizenship Educa-
tion Survey, 21.000 foreldrar svör-
uðu könnuninni, þar á meðal 280 á
Íslandi.
Þá nefndu foreldrar það mikla
áskorun að ná jafnvægi milli skjá-
tíma barna og hreyfingar. Hildur
Halldórsdóttir, verkefnastjóri hjá
Heimili og skóla, segir skjátíma
ungmenna hafa farið úr bönd-
unum í faraldrinum. „Það var mikil
vitundarvakning varðandi skjátíma
ungmenna fyrir faraldurinn, hann
fór alveg úr böndunum í faraldr-
inum og er það mjög skiljanlegt.
Næsta áskorun er að ná jafnvæginu
til baka,“ segir hún. Foreldrar voru
beðnir um að telja upp reglur á
heimilinu. Algengustu reglurnar
í tengslum við netnotkun voru að
eyða aldrei peningum foreldra án
leyfis, leita til þeirra þegar ung-
mennin sjá eitthvað ógnvænlegt og
að virða samskiptareglur. Flestir
foreldrar hafa rætt við börnin sín
um neteinelti, en fáir voru með
reglur um skjátíma.
Foreldrar yngri barna eru dug-
legri að kynna sér efnið sem börnin
nota á netinu. Var það áberandi í
niðurstöðunum að um 13 ára aldur
slaka foreldrar verulega á eftirliti
og afskiptum af netnotkun ungl-
inganna. „Við erum mörg orðin
alveg ónæm fyrir aldursviðmiðum
en eins og í öðrum hlutum uppeld-
isins er mikilvægt að slaka á þegar
börn verða unglingar en alls ekki
sleppa tökunum. Við þurfum að
vera meðvituð um það sem ungling-
arnir eru að gera á netinu, setja heil-
brigð mörk og veita þeim aðhald,“
segir Hildur.
Foreldrar á Íslandi eru í þriðja
sæti í Evrópu um að það helsta sem
þau geri með barni sínu á netinu sé
að eiga í samskiptum. Ísland er svo
í efsta sæti þegar kemur að því að
horfa á myndbönd á netinu. – ab
Skjátími ungmenna fór úr böndunum í kórónaveirufaraldrinum
Meira á frettabladid.is
STJÓRNSÝSLA „Fyrst að ástandið var
orðið svona þá erum við sátt við að
það sé einhver rekstraraðili kom-
inn,“ segir Matthildur Ásmundar-
dóttir, bæjarstjóri Hornafjarðar,
um þá lausn að Vigdísarholt ohf.,
sem þegar rekur hjúkrunarheimilin
Sunnuhlíð í Kópavogi og Seltjörn
á Seltjarnarnesi, taki við rekstri
Skjólgarðs.
Lang varandi viðræður hafa
verið í gangi milli Hornafjarðar og
f leiri sveitarfélaga annars vegar
og Sjúkratrygginga Íslands hins
vegar um rekstur sveitarfélaganna
á hjúkrunarheimilum. Málið hefur
snúist um fjármögnun hjúkrunar-
heimilanna sem sveitarfélögin hafa
rekið með samningi við Sjúkra-
tryggingar.
„Þetta er vanfjármagnaður rekst-
ur,“ segir Matthildur. Í Skjólgarði til
dæmis hafi rekstrarhallinn numið
130 milljónum króna í fyrra. Það sé
ekki verjandi að leggja slíkan kostn-
að á útsvarsgreiðendur í Hornafirði
þegar hann eigi lögum samkvæmt
að greiðast af ríkinu.
Aðspurð kveðst Matthildur ekki
hafa neina sérstaka ástæðu til að
ætla að þjónustan í Skjólgarði verði
lakari en nú sé þegar Vigdísarholt
tekur við rekstrinum. „En það er
náttúrlega hættan, ef f járhags-
ramminn verður sá sem hann hefur
verið, að ekki verði hjá því komist
að það verði einhver þjónustu-
skerðing. Við hræðumst það að
sjálfsögðu,“ segir hún.
Aðspurð um þá um það bil fimm-
tíu starfsmenn sem vinna í Skjól-
garði segir bæjarstjórinn að rétt-
indi þeirra séu tryggð í gegn um
lög um aðilaskipti. Fólkið haldi því
vinnunni. – gar
Opinbert hlutafélag tekur við rekstri Skjólgarðs á Hornafirði
Skjólgarður, hjúkrunarheimilið á Höfn í Hornarfirði. FRÉTTABLAÐIÐ/PJETUR
LÖGREGLUMÁL Í dag eru tvö ár liðin
frá hvarfi Jóns Þrastar Jónssonar.
Jón Þröstur var í fríi í Dublin á
Írlandi þegar hann hvarf. Sást hann
síðast á öryggismyndavélum á gangi
frá hótelinu þar sem hann dvaldi.
„Málið er á forræði írsku lögregl-
unnar og erum við í samskiptum
við þá vegna málsins. Það er ekkert
nýtt til að greina frá á þessu stigi,“
segir Margeir Sveinsson, yfirlög-
regluþjónn hjá Lögreglunni á höf-
uðborgarsvæðinu.
Fjölskylda Jóns Þrastar lagði sig
alla fram til að vekja athygli á mál-
inu á Írlandi en þrátt fyrir mikla leit
er ekkert vitað um afdrif hans. Fjöl-
skyldan hefur nú dregið sig í hlé og
vildi ekki veita viðtal. – la
Tvö ár frá hvarfi
Jóns Þrastar
B A N DA R Í K I N L ög ma n nat ey m i
Donalds Trump, fyrrverandi forseta
Bandaríkjanna, svaraði ákærum um
embættisbrot í starfi með því að lýsa
yfir sakleysi forsetans fyrrverandi.
Réttarhöld yfir honum hefjast í
kvöld eftir að hann var kærður fyrir
embættisbrot í annað sinn. Trump
mun ekki bera vitni í málinu.
Trump er sakaður um að eiga
sök á óeirðunum við þinghúsið í
Washington, meðal annars með
því að hvetja til of beldis á fundi
með stuðningsmönnum sínum.
Fimm manns létust í óeirðunum,
þar á meðal einn lögreglumaður og
þingmenn og starfsfólk þinghússins
þurftu að flýja í öruggt skjól.
Í málsvörn Trumps kemur fram
að skipulag óeirðanna hafi farið
fram nokkrum dögum áður en ekki
eftir ræðuhöld Trumps. Þá sé Trump
ekki lengur forseti heldur almennur
borgari og því sé ekki hægt að sækja
hann til saka fyrir embættisbrot.
Þess í stað séu fulltrúar demókrata
að nýta sér voðaverkin til að koma
höggi á Trump. – kpt
Segja Trump
ekki ábyrgan
Donald Trump,
fyrrverandi
forseti Banda-
ríkjanna
9 . F E B R Ú A R 2 0 2 1 Þ R I Ð J U D A G U R6 F R É T T I R ∙ F R É T T A B L A Ð I Ð