Fréttablaðið - 09.02.2021, Blaðsíða 8

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Björk
Eiðsdóttir
bjork@frettabladid.is

Ef Nígería er
svo öruggur
staður hefði
Uhunoma
þá lent í
þeim
aðstæðum
sem hann
gerði?

Íslensk lög
virðast þó
hafa það að
markmiði að
koma í veg
fyrir atvinnu-
þátttöku
eldri borgara.
Það er hagkvæmt fyrir íslenskt samfélag ef sem flestir vinna og rannsóknir hafa sýnt fram á að vinna og virkni á efri árum stuðlar að betri
heilsu, dregur úr einangrun og hefur almennt mikið
félagslegt gildi fyrir eldri borgara. Íslensk lög virðast
þó hafa það að markmiði að koma í veg fyrir atvinnu­
þátttöku eldri borgara. Atvinnutekjur þeirra eru
skertar með svo ofsafengnum hætti að fjárhagslegur
ábati verður nánast enginn. Það er því með öllu
óverjandi að öldruðum sé refsað fyrir atvinnuþátt­
töku í formi slíkra skerðinga.
Árið 2017 birti FEB (Félag eldri borgara) greinar­
gerð um fjárhagslega stöðu aldraðra. Þar kom fram
að afnám skerðinga á lífeyrisgreiðslur vegna atvinnu­
tekna þurfi ekki að fela í sér aukin útgjöld fyrir
ríkissjóð og það er vel hugsanlegt að ríkissjóður gæti
haft fjárhagslegan ávinning af aðgerðinni. Þrátt fyrir
það hefur núverandi ríkisstjórn haldið því fram að
afnám þessara skerðinga geti kostað ríkissjóð nokkra
milljarða króna. Ef við gefum okkur að það sé rétt þá
getum við samt sem áður leyft öldruðum að vinna án
skerðinga með því að breyta forgangsröðinni á því
hvernig við eyðum opinberum fjármunum.
Þegar farið er yfir fjárlög núverandi ríkisstjórnar
rekur maður augun í alls konar furðuleg forgangsmál;
160 milljónir fara í styrki til minkaeldis, 400 mill j­
ónum hefur verið veitt í rekstrarstuðning til fjölmiðla
sem flestir eru í eigu ríkra auðmanna og RÚV kostar
okkur fimm milljarða á hverju ári, auk þess að fá u.þ.b.
tvo milljarða í auglýsingatekjur sem annars myndu
dreifast á aðra fjölmiðla. Síðustu ár hefur ríkið greitt
um fimm milljarða króna styrk til stjórnmálaflokka.
Þótti flestum það nóg, en þegar núverandi ríkisstjórn
kom til valda tók hún þá ákvörðun að hækka styrki úr
ríkissjóði til stjórnmálaflokka um 127 prósent.
Með réttum forgangi er hægt að afnema skerðingar
á atvinnutekjur aldraðra núna strax. Eina sem vantar
er vilji stjórnvalda.
Afnám skerðinga á
atvinnutekjur aldraðra
Sigurjón
Arnórsson
framkvæmda-
stjóri Flokks
fólksins
Undanfarið ár hefur heimurinn minnkað. Áþekkar reglur hafa gilt um íbúa heimsins vegna heimsfaraldurs sem ekki fer í manngreinarálit og virðir ekki landamæri. Við erum einhvern veginn öll á sama báti, við
upplifum öll skert lífsgæði og við bíðum öll eftir
bólusetningu. Þessi erfiða staða hefur stuðlað að
sameiningu mannkyns, eða hvað?
Á sama tíma banka íslenskir lögregluþjónar upp á
hjá Uhunoma Osayomore: Það á að senda hann aftur
til Nígeríu, heimalandsins þar sem hann horfði upp
á móður sína myrta, þar sem hann var beittur líkam­
legu ofbeldi og honum var nauðgað, þaðan sem hann
var seldur mansali til Líbíu.
Uhunoma er ekki nema 21 árs gamall en hefur þó
á undanförnum fimm árum þurft að þola meira en
flestir Íslendingar geta gert sér í hugarlund. Aðeins
16 ára gamall horfði hann upp á föður sinn myrða
móður hans, sami faðir beitti hann harkalegu ofbeldi
og systir hans lést af slysförum.
Hann lenti í klóm þrælasala sem seldu hann
til Líbíu þar sem hann bjó við ofbeldi og erfiðar
aðstæður. Hann var látinn vinna á melónuakri og
gista í fjárhúsi í sjö mánuði eða þar til hann flúði á
fleka til Ítalíu. Ferðin þangað gekk brösuglega og
sökk flekinn með þeim afleiðingum að nokkrir far­
þegar drukknuðu og Uhunoma var bjargað í land. Á
Ítalíu hraktist hann á milli f lóttamannabúða í þrjú ár
eða þar til hann komst fyrir tilviljun hingað til lands.
Á Íslandi hefur hann þrifist vel og kynnst fjöl­
skyldu sem tekið hefur honum opnum örmum,
jafnvel reynt að ættleiða hann sem ekki var mögulegt
vegna aldurs. Hann býr hjá þeim og hefur sótt aðstoð
vegna andlegra veikinda hér á landi, hann hefur
eignast vini og fengið tilboð um atvinnu.
En honum hefur verið synjað um dvalarleyfi á
grundvelli mannúðarsjónarmiða. Ekki vegna þess
að frásögn hans um óbærilegar aðstæður sé dregin
í efa heldur þar sem álit hérlendra yfirvalda er það
að í Nígeríu sé hann öruggur. Þurfi hann aðstoð
geti hann sótt hana til gjörspilltrar lögreglunnar í
heimalandinu og við andlegum veikindum sínum
geti hann leitað til einna 300 geðlækna landsins sem
sinna 200 milljónum íbúa.
Uhunoma er skilgreindur sem fullorðinn ein­
hleypur karlmaður frá landi þar sem ekki ríkir stríð
svo hann er í hópi þeirra sem ólíklegastir eru til að fá
alþjóðlega vernd hér á landi. Sú regla er ekki tilkomin
að ástæðulausu en ef við ætlum að standa við það að
vera samfélag sem ber virðingu fyrir mannréttindum
þá hreinlega verðum við að skoða tilfellin betur en
aðeins sem tölfræði á blaði.
Ef Nígería er svo öruggur staður hefði Uhunoma þá
lent í þeim aðstæðum sem hann gerði?
Uhunoma þekkir verstu hliðar mannlegrar tilveru
– sýnum honum nú þær bestu.
Uhunoma
Osayomore
Egill snýr aftur
Egill Helgason sneri aftur í
Silfrið á sunnudaginn eftir
langa fjarveru og f lest bendir til
þess að Egill hafi engu gleymt.
Þáttinn hóf hann með stæl þegar
hann atti saman Ólínu Þor-
varðardóttur og Stefáni Einari
Stefánssyni. Þótt ekki hafi soðið
upp úr var slíkt hvergi nærri
útilokað og spjallþættir fá varla
betra fjörefni en tilfinningu
áhorfenda fyrir því að allt geti
gerst í beinni. Þá stimplaði aftur-
genginn Egill sjálfan sig rækilega
inn í með því að setja fókusinn á
stöðu drengja í menntakerfinu
og uppskar víða þakkir á sam-
félagsmiðlum.
Ónot og óþverri
Agli var þó ekki aðeins tekið
fagnandi á Facebook þar sem
hann fékk einnig skammir í hatt-
inn frá Einari Steingrímssyni
stærðfræðingi þannig að allt er
þá nokkurn veginn nákvæm-
lega eins og það á að vera. Einari
of bauð samtal Egils og Halldóru
Þorsteinsdóttur, héraðsdómara
og lektors, um hatursorðræðu
netdólga þar sem Egill spurði
hvort ekki þurfi að láta reyna
meira á slíkt fyrir dómstólum.
„Fína fólkið vill fá að hirta
pöpulinn fyrir að tjá ljótar
og vondar hugsanir,“ skrifaði
Einar og sendi Agli pillu fyrir að
boða hömlur á tjáningu hafandi
„heilan þátt til að stjórna sam-
félagsumræðunni.“
toti@frettabladid.is
9 . F E B R Ú A R 2 0 2 1 Þ R I Ð J U D A G U R8 S K O Ð U N ∙ F R É T T A B L A Ð I Ð
SKOÐUN