Vinnan - 01.05.1975, Blaðsíða 36

Félag bifvélavirkja var eitt þeirra
félaga, sem stóð að stofnun Málm- og
skipasmiðasambands íslands fyrir 10
árum.
Félagið á orlofshús í Ölfusborgum
og hluta í húsi á Illugastöðum í
Fnjóskadal.
Félagið hefur haldið uppi fræðslu-
starfsemi fyrir félaga sína, og síðan
1963 haldið framhaldsnámskeið, sem
veita umsaminn kaupauka. Um þessa
framkvæmd sér fræðslu- og skemmti-
nefnd og hefur þessi starfsemi gefið
góða raun.
Á seinni árum hefur verið unnið að
breytingum á námi bifvélavirkja,
þannig að verklegt nám geti farið
fram að mestu í Iðnskólanum. Verk-
leg kennsla bifvélavirkja er nú hafin,
með tilkomu verknámsskóla iðnaðar-
ins, sem verður aukin á næstu árum.
Fyrsti formaður félagsins var Eirík-
ur Gröndal. Núverandi stjórn er þann-
ig skipuð: Sigurgestur Guðjónsson for-
maður, Guðmundur Hilmarsson vara-
formaður, Einar Steindórsson ritari,
Eyjólfur Tómasson gjaldkeri, Samson
Jóhannesson varagjaldkeri, Björn Ind-
riðason gjaldkeri styrktarsjóðs og Sig-
urður Óskarsson meðstjórnandi.
Skrifstofa félagsins er á Skólavörðu-
stíg 16 í húsnæði sem félagið á ásamt
fleiri verkalýðsfélögum. Starfsmaður
félagsins er Guðmundur Hilmarsson.
Félagsmenn eru nú 350.
Verkalýðsfélag
Stykkishólms
60 ára
Elsta stéttarfélag í Vesturlandskjör-
dæmi, Verkalýðsfélag Stykkishólms, á
sextíu ára afmæli á þessu ári. Það var
stofnað 1915 undir nafninu Verka-
mannafélagið Framsókn, og er því
eitt af elstu verkalýðsfélögum á land-
inu. Fyrsti formaður félagsins var
Baldvin Bárðdal, en helsti frumkvöð-
ullinn að stofnun félagsins og virkasti
forustumaður þess um langt skeið
framan af var Guðmundur Jónsson
frá Narfeyri, sem var félagsmaður frá
stofnun og til 1943.
Af tilefni þessa merkisafmælis hélt
félagið málverkasýningu á verkum úr
Listasafni ASÍ. Þá efndi félagið í sam-
vinnu við MFA til námskeiðs um
verkalýðsmál og hátíðarfundur var
haldinn 1. maí, þar sem Stefán Ög-
mundsson formaður MFA var meðal
ræðumanna. Til hátíðarfundarins var
boðið fyrrverandi formönnum og
fleirum sem starfað hafa að verka-
lýðsmálum.
Af atburðum úr sögu félagsins má
nefna að það stofnaði Kaupfélag
Verkamanna í Stykkishólmi og rak
það í nokkur ár. Þegar félagið var
stofnað, tók það á leigu samkomu-
húsið á staðnum undir tvo fundi í
mánuði að vetri til og einn að sum-
arlagi, og sýnir þetta hve félagslegur
áhugi hefur verið mikill í Stykkis-
hólmi á þeim tíma. Félagið gaf einnig
út handskrifuð blöð, Baldur, sem kom
út 1917—24 og Mána, sem kom út
1936—’43. Kemur fram í þessum
blöðum og af fundargerðum, að mörg
þau mál, sem fyrst voru reifuð á fund-
um verkalýðsfélagsins eða í blöðun-
um, voru síðar borin upp á hrepps-
nefndarfundum. — Nú er Verkalýðs-
fólag Stykkishólms aðili að Alþýðu-
sambandinu, Verkamannasamband-
inu, Sjómannasambandinu og meðeig-
andi að Alþýðubankanum og Alþýðu-
orlofi.
Núverandi formaður félagsins er
Einar Karlsson, en aðrir í stjórn eru
Auður Bárðardóttir ritari, Jens Ósk-
arsson gjaldkeri og Einar Ragnarsson
meðstjórnandi. Félagsmenn eru nú um
240 talsins.
Frá Stykkishólmi.
LÖG
um ríkisábyrgð
á launum
við gjaldþrot
(Nr. 31 28. mars 1974).
1. gr.
Ríkið ábyrgist samkvæmt lögum þessum
greiðslu á launakröfum á hendur vinnu-
veitanda, sem úrskurðaður hefur verið
gjaldþrota.
2. gr.
Ábyrgðin tekur til þeirra vinnulauna,
sem forgangsréttur fylgir samkvæmt lögum
nr. 3 12. apríl 1878, um skipti á dánarbú-
um og félagsbúum o. fl. Sama gildir um
bætur vegna riftunar eða uppsagnar á
vinnusamningi svo og orlofsgreiðslur.
Hafi launþegi krafist gjaldþrotaskipta
vegna vanskila á greiðslum þeim, sem um
ræðir í 1. málsgrein þessarar greinar, tek-
ur ábyrgðin til alls nauðsvnlegs kostnaðar,
sem honum er skylt að greiða í því sam-
bandi.
Launþegi, sem hlut á í fyrirtæki, sem
hann vinnur hjá, getur þó ekki fengið
greiðslu úr ríkissjóði á launum hjá því
fyrirtæki samkvæmt lögum þessum. Sama
á við um forstjóra fyrirtækis, þótt hann
eigi ekki hlut í því, svo og þá, sem setið
hafa í stjóm gjaldþrotafélags, eftir að fjár-
hag þess tók verulega að halla.
Ráðherra getur þó ákveðið með reglu-
gerð, að 3. mgr. greinar þessarar taki ekki
til þeirra, sem eiga aðeins óverulegan til-
tekinn hlut í hlutafélagi eða fyrirtæki og
fara ekki með umboð annarra hluthafa.
Greiðsla samkvæmt grein þessari til
32 VINNAN