Vinnan - 01.11.1984, Blaðsíða 17

'AÐBONAÐlJP
ÖRYGGISMÍVL
Hvað ofdrykkja kostar þjóðarbúið í heild, at-
vinnuvegi, fyrirtæki og einstaklinga í beinhörðum
peningum verður seint reiknað út. En víst er að
þær tölur yrðu háar ef tekin væru inn í dæmið
skert vinnuafköst, fjarvistir, sjúkrakostnaður,
skemmdir o.fl. o.fl. Hvað ofdrykkjan kostar líf,
heilsu, fjölskyldu, vellíðan og umgengni alla verð-
ur auðvitað aldrei mælt í peningum.
Ofdrykkja í okkar þjóðfélagi verður heldur ekki
mæld í Hafnarstrætisrónum. Ofdrykkjumaðurinn
í dag er vinnandi maður milli tvítugs og fertugs.
Maður með Qölskyldu og tvö til þrjú börn.
Maður sem drekkur án þess að hafa stjórn á
drykkjunni — oft án þess að vilja horfast í augu við
þessa staðreynd.
Valkostir ofdrykkjumannsins:
Farðu í meðferð á fullum launum,
eða hættu störfum
Fyrir rúmu ári tók til starfa á
vegum SÁÁ sérstök starfs-
mannaþjónusta sem í samráði
við ASÍ og VSÍ veitir fyrirtækj-
um ráðgjöf í sambandi við
áfengisvandamál starsfólks.
Haft var samband við um 80
fyrirtæki og undirtektir voru
mjög góðar. Vegna skipulags-
breytinga innan SÁÁ hefur þessi
þjónusta legið niðri um tíma en á
næstu dögum mun verða ráðinn
til hennar sérstakur starfsmaður.
SÁÁ, ASÍ og VSÍ hafa að undanförnu
unnið að því að útbúa prógramm fyrir
slíka ráðgjöf. Það felur í aðalatriðum í
sér heimsókn á vinnustaðinn, þar sem
starfsmaður SÁÁ flytur fyrirlestur,
dreifir upplýsingum, sýnir fræðslu-
mynd og svarar fyrirspurnum.
Markmiðið er að fá sem flest fyrirtæki
til þess að taka þátt í samstarfinu og
útbúa um leið og vinna eftir prógrammi
þar sem ofdrykkjumönnum er boðin
hjálp við að komast í meðferð.
Tveir valkostir
Ofdrykkjumaðurinn fær oftast tvo
kosti: hætta að drekka af sjálfsdáðum
eða fara í meðferð. Ef hann velur að
hætta að drekka af eigin krafti, en mis-
tekst það, á hann um tvennt að velja:
Fara í meðferð eða hætta störfum.
Hingað til hafa nokkur stór fyrirtæki,
m.a. ÍSAL, Flugleiðir og Strætisvagnar
Reykjavíkur haft slík meðferðarpró-
grömm og árangurinn hefur verið mjög
góður.
Flestir fara í meðferð hjá SÁÁ og sækja
síðan reglulega fundi hjá AA-samtök-
unum. Reynslan sýnir að fáir standast
áfengislöngunina ef þeir ekki fylgja
meðferðinni eftir með AA-fundum.
VINNAN 17