Fréttablaðið - 13.02.2021, Blaðsíða 96

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Óttars
Guðmundssonar
BAKÞANKAR
Dýpsti tilvistarótti hverrar manneskju er að verða ósjálfbjarga. Kappinn
Hólmgöngu-Bersi harmar í Lax-
dælu bjargarleysi sitt þar sem hann
liggur í kör sakir elli og getur sig
ekki hreyft. Hann öfundar lítinn
dreng sem liggur við hlið hans og
á allt lífið fyrir höndum. Margir
þekkja sorg og vanmáttarkennd
Bersa.
Menn kvíða ellinni og óttast að
standa ekki undir kröfum daglegs
lífs. Njáll Þorgeirsson hafnaði
því að halda lífi og ganga út úr
brennunni að Bergþórshvoli. Hann
sagðist vera orðinn of gamall og
gagnslaus til að hefna sona sinna.
Þau hjónin gengu því snemma til
hvílu í reykjarkófinu og sáust ekki
framar lifandi.
Með hækkandi aldri fækkar
tækifærum lífsins. Mörgum finnst
þeir utangarðs í samfélaginu og
sakna þeirrar virðingar sem þeir
eitt sinn nutu. Ellilífeyrisþegum
finnst talað niður til sín enda er
gamalt fólk og leikskólabörn talin
standa á svipuðu þroskastigi.
Í yfirstandandi kóvíðfaraldri
hafa fréttamenn iðulega talað við
gamalt fólk. Spurningar eru venju-
lega leiðandi og kalla á já- eða nei-
svör. „Ertu orðinn leiður á kóvíð?“
„Var sárt að vera bólusettur?“ „Er
leiðinlegt að fá aldrei heimsóknir?“
eru dæmi um heimskulegar
spurningar sem endurteknar eru í
sífellu í fréttatímum fjölmiðla.
Sömu blaðamenn hefðu spurt
Njál og Bergþóru í Njálsbrennu:
„Eruð þið ekki bara hress með að
láta brenna ykkur inni?“ „Eruð þið
ánægð með slökkviliðið á Hvols-
velli?“ „Fóruð þið í kóvíðsprautu
fyrir þessa brennu?“
Þessu viðtali hefði reyndar lokið
snögglega. Skarphéðinn hefði
fleygt upptökutækinu á eldinn og
vísað fréttamönnunum á dyr og
sagt: „Það talar enginn við mömmu
og pabba af slíkri lítilsvirðingu
meðan ég lifi!“
Ellismánun
Heimilið er trausti hlekkurinn í tilverunni, þar sem þú skapar andrúmsloft og umhverfi sem hlúir að þér og
þínum. Umkringdu þig plöntum sem bæði fegra heimilið og veita þér vellíðan og bættu um betur með skrautlegum
eða náttúrulegum blómapottum sem draga fram fegurð blómsins og heimilisins. Við vorum að taka á móti stórri
sendingu af plöntum sem eru hver annarri fallegri. Komdu og skoðaðu úrvalið, við tökum vel á móti þér!
Blómstrandi umhverfi
©
Inter IKEA System
s B.V. 2021
TRYGGÐU ÞÉR
ÁSKRIFT Á DV.IS
512 7000
WWW.DV.IS/ASKRIFT
ASKRIFT@DV.IS