Fréttablaðið - 13.02.2021, Blaðsíða 36

Ég reyni að kom-
ast eins oft og
mögulegt er yfir vetrar-
mánuðina og fer síðan
enn meira á sumrin
Elín
Albertsdóttir
elin@frettabladid.is
Aron Frank Leópoldsson er einn þeirra sem hefur ein-staka ánægju af því að fara
í jeppaferðir á fjöll yfir vetrar-
tímann. Hann er með tvo jeppa
sem hann notar í slíkar ferðir, Ford
F-350 46“ og Nissan Navara 38“.
Jepparnir eru sérútbúnir til að aka
í snjó og eru á stórum og breiðum
dekkjum auk læsingar og annarra
sérvaldra aukahluta.
Aron segist hafa verið um það
bil fimmtán ára þegar áhugi hans
á sportinu vaknaði. „Ég fékk að
fara í ferð á Langjökul á jeppa með
frænda mínum. Það dugði til þess
að ég varð alveg húkkt,“ eins og
hann segir. „Mér finnst alveg meiri
háttar skemmtilegt að njóta þess
að ferðast um náttúru Íslands með
góðu fólki og á skemmtilegum
farartækjum. Ég reyni að komast
eins oft og mögulegt er yfir vetrar-
mánuðina og fer síðan enn meira á
sumrin,“ segir hann.
Þegar Aron er spurður hvort
hann hafi lent í einhverjum ævin-
týrum á fjöllum, svarar hann
játandi en bætir við að ekkert
hafi þó verið alvarlegt. „Það fylgir
svona ferðum að lenda í ævintýr-
um. Ég ákvað að vera yfir áramótin
2019–2020 í skála við Landmanna-
helli. Þá rigndi svo svakalega að
svæðið fór allt í kaf, vatnið var um
þriggja metra djúpt svo við urðum
að lengja dvöl okkar á svæðinu
enda allt orðið ófært. Þetta fór þó
vel,“ segir hann.
Aron segir að það sé ólíkt að
ferðast um íslenska náttúru að
vetri eða sumri. Það er alveg ein-
stakt að aka um í tveggja metra
snjó á fjöllum, jafnvel á svæðum
sem maður gæti aldrei ekið að
sumarlagi. Maður nýtur svo
sannarlega útsýnisins á þessum
árstíma sem er einstakt. Ég dvel
oft mikið í skála í Landmanna-
helli á sumrin sem mér finnst
stórkostlegt. Við erum hópur sem
ferðumst mikið saman en ég er
einnig í Ferðaklúbbnum 4x4 en
þeir standa reglulega fyrir skipu-
lögðum ferðum yfir veturinn.“
Aron segir að jeppaferðir á
veturna séu ekki hættulegar en
engu að síður þurfi menn að hafa
varann á, vera í góðum fatnaði,
vera með góðan fjarskiptabúnað
og í rauninni að búa sig alltaf undir
það versta.
Þegar hann er spurður um uppá-
haldsstaðinn, svarar hann: „Það
er frekar erfitt að svara þessari
spurningu en ég er mikið á Fjalla-
baki og þá helst inni í Landmanna-
helli og á svæðinu þar í kring. Þar
líður mér eiginlega alltaf best,“
segir Aron, sem er búinn að fara
nokkrar ferðir í vetur.
Landmannahellir er áfangastað-
ur á Landmannaafrétti. Staðurinn
dregur nafn sitt af helli sem þarna
er og var nýttur um aldir fyrir bæði
menn og hross. Margt athyglis-
verðra staða er í nágrenninu, t.d.
Hekla, Valagjá, Landmannalaugar
og íshellar í Reykjadölum svo
eitthvað sé nefnt. Vinsælt skála-
svæði er við Landmannahelli og
margir gönguhópar koma þar við á
sumrin. Þekkt gönguleið, Hellis-
mannaleið, liggur um svæðið.
Jeppaævintýri á fjöllum
Jeppaferð upp um fjöll og firnindi að vetri til er stórkostlegt ævintýri þar sem ferðamönnum
gefst kostur á að njóta stórfenglegs útsýnis og ógleymanlegrar lífsreynslu á fáförnum slóðum.
Aron Frank við Landmannahelli sæll á svip enda eru jeppaferðir á fjalli hans
helsta áhugamál. Hér er hann við Nissan sem er sérútbúinn fyrir snjó.
Góð aðstaða
er við Land-
mannahelli og
þar eru nokkrir
góðir skálar.
Bíllinn tekur sig vel út á fjöllum með breiðum dekkjum. MYNDIR/AÐSENDAR
4 KYNNINGARBLAÐ 1 3 . F E B R ÚA R 2 0 2 1 L AU G A R DAG U RVETRARSPORT