Bæjarins besta - 03.09.1997, Page 7

MIÐVIKUDAGUR 3. SEPTEMBER 1997 7
Senn líður að því að keppni
hefjist í úrvalsdeildinni í
körfuknattleik, en fyrstu leik-
irnir á komandi keppnistíma-
bili hafi verið settir á 2. októ-
ber nk. Lið frá Ísafirði tók
síðastliðinn vetur í fyrsta
skipti þátt í keppni í efstu deild
íþróttarinnar og stóð sig
frábærlega vel, þrátt fyrir
hrakfallaspár ýmissa aðila
tengdum íþróttinni. Lið
Körfuknattleiksfélags Ísa-
fjarðar, KFÍ, hafnaði í 9. sæti
deildarinnar, jafnt að stigum
og ÍR, og var hársbreidd frá
því að tryggja sér sæti í
úrslitakeppni deildarinnar.
Markmið liðsins fyrir síðasta
keppnistímabil var að halda
sér í deildinni og tókst það
með samstilltu átaki allra sem
að því komu. Að sögn Guð-
jóns Þorsteinssonar, liðsstjóra
KFÍ, hefur stefnan í vetur ver-
ið sett á úrslitakeppnina og
horft verður til meistaratitils-
ins að tveimur árum liðnum.
Blaðið sló á þráðinn til Guð-
jóns fyrir helgi og forvitnaðist
um undirbúning liðsins í
sumar, mannabreytingar,
markmið og fleira sem tengj-
ast mun starfsemi liðsins
næsta keppnistímabil.
,,Við höfum misst þrjá
menn frá síðasta keppnistíma-
bili og fengið þrjá aðra í
staðinn. Þeir sem eru farnir
eru Hrafn Kristjánsson, sem
mun leika með Hamri í Hvera-
gerði, Ingimar Guðmundsson,
sem er hættur að spila og
Derrick Bryant, sem mun
leika í Luxemburg í vetur. Í
staðinn fyrir þá hafa komið
þeir Ólafur Ormsson, sem
áður lék með KR, Shiran Þór-
isson, sem lék með KFÍ fyrir
tveimur árum og David Bevis,
sem kemur frá Arkansas í
Bandaríkjunum. Stærsta
breytingin á liðinu frá síðasta
keppnistímabili er kannski sú
að nú spilar aðeins einn erlend-
ur leikmaður með liðinu í stað
tveggja í fyrra. Við höfum
ákveðið að treysta á heima-
mennina og ætlum okkur að
komast áfram á þeim. Við
teljum okkur vera með góðan
mannskap og eigum því að
geta staðið okkur vel í vetur.”
Strangar æfingar
Aðspurður um hvernig
komandi keppnistímabil
leggðist í mannskapinn sagði
Guðjón: ,,Það leggst mjög vel
í okkur. Við erum ákveðnir í
að standa okkur, þrátt fyrir að
hafa verið mjög svekktir með
að komast ekki í úrslita-
keppnina í fyrra. Stefnan er
því að komast í úrslitakeppn-
ina í vetur sem og að stríða
hinum liðunum í bikarkeppn-
unum. Annað hugsum við
ekki um í vetur, en eins og við
sögðum fyrir síðasta keppnis-
tímabil, verður stefnan sett á
meistaratitilinn að tveimur
árum liðnum. Við teljum
okkur vera með besta þjálfar-
ann í deildinni og ef okkur
tekst að halda honum áfram
sem og góðum mannskap, er
þetta alls ekki fráleitt mark-
mið.”
Keppni í úrvalsdeildinni
lauk í mars í vetur og síðan þá
hefur liðið æft á fullu. ,,Undir-
búningurinn hefur verið mjög
góður. Leikmennirnir hafa
hlaupið mikið í sumar og
stundað lyftingar og nú um
eins og hálfs mánaðar skeið
hafa staðið yfir reglubundnar
æfingar, sex daga vikunnar.
Þetta er allt annað og meira
en fyrir síðasta keppnistíma-
bil. Á þessum tíma fyrir ári
vorum við aðeins með sjö
leikmenn en þeir eru fimmtán
í dag.” Á síðasta keppnis-
tímabili sögðu fjölmiðlar að
heimavöllur KFÍ væri erfiður
heim að sækja, hann væri
hálfgerð ljónagryfja, sem
erfitt væri að fyrirfram bóka
sigur á. Áhangendur liðsins
voru þá sérstaklega nefndir,
enda fá lið sem hafa á að skipa
eins traustum og fjörugum
stuðningsmönnum.
Frábærir áhorfendur
,,Við lærðum mikið af
síðasta keppnistímabili og það
er alveg á hreinu að það voru
áhorfendurnir sem skópu oft
á tíðum sigurinn með leik-
mönnunum. Þeir gáfust aldrei
upp. Það var alveg sama hvort
við vorum 20 stigum undir
eða yfir, krafturinn í þeim
dvínaði aldrei. Þegar lið hefur
slíka áhorfendur á bak við sig,
getur það ekki kvartað. Á
komandi keppnistímabili
munum við vera með fjöl-
margar uppákomur fyrir leiki
og hefur verið tekin sú
stefna að hafa þær sem
fjölskylduvænastar.
Við sáum það undir
lok síðasta keppnis-
tímabils, að fólk sem
ekki vissi hvað sneri
fram né aftur á körf-
unum var að mæta á leiki
og þegar við spurðum um
ástæðuna fyrir komunni var
svarið: Það er svo mikið um
að vera í kringum leikinn. Það
er því von okkar að þetta fólk
og sem flestir aðrir komi og
styðji okkur í vetur.”
Að halda úti liði í efstu deild
í þróttagrein krefst mikilla
fjármuna. Hvernig tókst að
fjármagna síðasta keppnis-
tímabil og hvernir horfir með
það næsta?
,,Síðasta ár gekk þokkalega
upp. Þegar keppnistímabilinu
lauk vorum við í skuldum en
okkur hefur tekist að greiða
þær skuldir niður í sumar. Um
mitt sumar vorum við komnir
niður á núllið og byrjuðum þá
að hugsa um næsta keppnis-
tímabil. Við gerum okkur
grein fyrir því að við þurfum
að hafa meira fyrir því að ná
inn fjármagni á næsta keppn-
istímabili en við vonum bara
að það takist, enda kostar það
9-11 milljónir króna að senda
karla- og kvennalið til keppni
á hverju ári. Það þarf engan
stærðfræðing til að sjá að það
er erfitt að láta dæmið ganga
upp, en við höfum fulla trú á
að okkur takist ætlunarverk
okkar.”
-Hvað með stuðning bæjar-
félagsins til íþróttarinnar?
,,Við erum ekki alveg sáttir.
Yfirmenn bæjarfélagsins hafa
verið mjög liðlegir við okkur
í sambandi við margt en það
er margt annað sem mætti
bæta. Ég held að bæjarfélagið
geti gert mikið betur, bæði
fyrir körfuboltann sem og
aðrar íþróttagreinar. Ef við
ætlum að halda úti liði í efstu
deild íþróttar, verður að koma
til 100% stuðningur frá bæjar-
félaginu. Við vinnum okkar
starf af áhugamennsku en það
er alveg á hreinu að við getum
ekki gert þetta einir, stuðn-
ingur bæjarfélagsins verður
að vera fyrir hendi,”
sagði Guðjón Þor-
steinsson.
Hinn nýi erlendi
leikmaður KFÍ,
David Bevis,
kemur frá Arka-
nsas í Banda-
ríkjunum. David er
1,98 á hæð og spil-
ar sem framherji.
Keppni í úrvalsdeildinni í
körfuknattleik hefst eftir mánuð
Stefnan sett á meist-
aratitilinn að tveim-
ur árum liðnum