Studia Islandica - 01.08.1937, Page 8

6
in verið felld þar burt viljandi af því, að sú gerð hafi
þótt illa til fallin að heita Ljósvetninga saga?
Fyrsta rannsóknaratriðið er að finna, hvaða kafla
C hefur haft umfram Ljósv. í A og hvort þeir og e. t. v.
fleira séu viðaukar.
Þó er rétt að byrja á að nefna þátt, sem er hnýtt aft-
an við söguna í öllum pappírshandritum og útgáfum,
en tilheyrir henni engan veginn. I handritum er hann
að vísu tölusettur sem síðasti (32.) kapítuli eða síð-
ustu (53.—54. eða 54.—55.) kapítular sögunnar. Það
sannar lítið, úr því að þarna er ekkert skinnblað til
vitnis, en kapítulatal á nokkru reiki, sem sýnir, að tölu-
setningin a. m. k. er verk afritaranna. Þátturinn ger-
ist í Eyjafirði 30—40 árum fyrr en seinni hluti Ljósv.
Atburðir hans tengjast hvergi sögunni. Eina sameig-
inlega persónan er Eyjólfur halti. I skinnbókinni C
hafa verið margar sögur. Það er mjög eðlilegt, að þess-
um þætti hefur verið valinn staður næst á eftir Ljósv.
og að afritari hefur af vangá talið hann með sögunni.
— Þáttinn vantar fyrirsögn, en hún getur ekki verið
nema ein: Þórarins þáttr ofsa.
Efni 5.—12. kap. í C er í þrem afmörkuðum þáttum.
Hinn fyrsti, sem kalla má Sörla þátt, nær aðeins yfir
5. kap. Næst er tveggja kapítula þáttur, sem kenndur
hefur verið við Ófeig Járngerðarson eða Reykdæli.(Ekk-
ert þessara nafna er í sögunni sjálfri). f nánu sam-
hengi við Ófeigs þátt eru 8.—12. kap., sem sagan nafn-
greinir þannig í lok 12. kap.: „Ok lýkr þar þessum
þætti af Vöðu-Brandi Þorkelssyni“.
Þessir þættir hafa nokkrar persónur sameiginlegar
við söguna. En þeir eru alveg óþarfir fyrir söguþráð-
inn á undan og eftir og slíta hann mjög tilfinnanlega.
Það eru einmitt þessir þættir, sem aldrei hafa staðið
í A, en verið aukið inn 1 C.
Rökin fyrir því má fá í A. Þar hefst eyða í kap. 42i
við það, að blöð hafa dottið innan úr kveri, sem 3 arkir