Hinsegin dagar í Reykjavík - aug 2018, Qupperneq 69

HINSEGIN DAGAR
REYKJAVIK PRIDE
Hinsegin dagar óska
Samtökunum ‘78 til
hamingju með 40 ára
afmælið og þakka fyrir
ómetanlegt starf í þágu
mannréttinda hinsegin
fólks á Íslandi.
4. Kyn og kyngervi
Hinseginleikinn
Fræðsluvettvangurinn Hinseginleikinn var stofnaður í júní
2016 af Ingileif Friðriksdóttur og Maríu Rut Kristinsdóttur. Í
upphafi var Hinseginleikinn Snapchat-rás sem ætlað var að
sýna frá hversdagslífi alls konar hinsegin einstaklinga með
það að markmiði að brjóta niður staðalímyndir og fjölga
fyrirmyndum. Í dag hafa hátt í 300 manns verið með snappið
og sýnt frá sínu lífi á opinskáan og einlægan hátt og þúsundir
hafa fylgst með hverju sinni.

Skömmu eftir stofnun Hinseginleikans fóru Ingileif og María
að halda fyrirlestra í menntaskólum og félagsmiðstöðvum
um allt land með það fyrir sjónum að fræða ungmenni
um fjölbreytileika mannlífsins. Fyrr á þessu ári varð
Hinseginleikinn svo að vefþáttaseríu á RÚV sem sýnd verður
í sjónvarpinu í sumar. Þáttunum stýrði Ingileif og voru þeir
sex talsins. Fjallað var um samkynhneigð, trans fólk, tví- og
pankynhneigð, intersex fólk, eikynhneigð og kynsegin fólk.
Þættirnir hlutu gríðarlega góðar viðtökur og hafa verið nýttir
sem fræðsluefni víða í skólum landsins. Á næstu mánuðum
stefna stofnendurnir svo að því að gefa út barnabók undir
merkjum Hinseginleikans.

Mæðgurnar Stefanía
og Ronja, sem er trans
stelpa, hafa vakið
hvað mesta athygli hjá
Hinseginleikanum en
þær fengu mörg hundruð
spurningar og skilaboð
og fleiri þúsund áhorf.
Sögunni þeirra var líka
deilt á Facebook og
hún fékk þar hátt í átta
þúsund áhorf til viðbótar.

Vinsælasti
snapparinn

Það sem hefur hins
vegar slegið áhorfsmet
á Facebook-síðunni er
myndband af Þorgeiri,
stráknum þeirra Maríu
og Ingileifar, sem vildi
líka koma fram með skýr
skilaboð á Hinseginleika-
snappinu um að allir
mættu vera eins og þeir
eru. Það myndband hefur
fengið um 40 þúsund
áhorf.
2. Kynhneigð