Fréttablaðið - 11.05.2021, Síða 4

LYFSALINN GLÆSIBÆ Opið 8.30 - 18.00 Sími 517 5500 / glaesibaer@lyfsalinn.is
LYFSALINN VESTURLANDSVEGI Opið 10.00 - 22.00 Sími 516 5500 / vesturlandsvegur@lyfsalinn.is
LYFSALINN URÐARHVARFI Opið 9.00 - 18.00 Sími 516 5505 / urdarhvarf@lyfsalinn.is
Glæsibær Vesturlandsvegur Urðarhvarf
www.lyfsalinn.is
APÓTEK LYFSALANS
Jón Ásgeir Jóhannesson og
Tryggvi Jónsson hafa kvartað
til Mannréttindadómstóls
Evrópu vegna synjunar
Hæstaréttar á endurupptöku
sakamáls, þrátt fyrir dóm
MDE um að brotið hafi verið á
rétti þeirra.
adalheidur@frettabladid.is
DÓMSMÁL Mannréttindadóm-
stóll Evrópu hefur ákveðið að taka
til efnismeðferðar nýtt mál Jóns
Ásgeirs Jóhannessonar og Tryggva
Jónssonar. Málið, sem kært var til
dómstólsins 17. nóvember 2019,
varðar frávísun Hæstaréttar á máli
þeirra sem endurupptökunefnd
hafði þegar fallist á að taka skyldi
upp að nýju.
Málið varðar skattalagabrot
sem Jón Ásgeir, Tryggvi og f leiri
voru dæmd fyrir árin 2007 og 2012.
Fyrst til að greiða sektir og síðar til
refsingar, sektargreiðslna og sakar-
kostnaðar.
Jón Ásgeir og Tryggvi vísuðu mál-
inu fyrst til Mannréttindadómstóls
Evrópu á þeim grundvelli að brotið
hefði verið gegn ákvæði MDE um
rétt til að þurfa ekki að sæta sak-
sókn og refsingu oftar en einu sinni
fyrir sömu háttsemina.
Dómur var kveðinn upp í máli
þeirra árið 2017 og taldi MDE að
brotið hefði verið gegn 4. grein 7.
viðauka mannréttindasáttmálans.
Í kjölfarið óskuðu Jón Ásgeir og
Tryggvi eftir endurupptöku á dómi
Hæstaréttar í umræddu sakamáli
og féllst endurupptökunefnd á
beiðnina.
Hæstiréttur vísaði málinu hins
vegar frá dómi með þeim rökum að
skilyrði fyrir endurupptöku væru
ekki uppfyllt. Dómur frá MDE
skuldbindi ríkið ekki til að tryggja
endurupptöku máls. Ríkið sé
hvorki þjóðréttarlega skuldbundið
til þess, né sé kveðið á um slíkan
rétt í íslenskum lögum. Vakti þessi
niðurstaða töluverða furðu og rétt-
aróvissu um gildi dóma MDE hér á
landi.
Í því máli sem nú er rekið í Strass-
borg vísa Jón Ásgeir og Tryggvi aftur
til 4. greinar 7. viðauka um rétt til
að vera ekki saksóttir oftar en einu
sinni fyrir sama brot. Þá telja þeir
einnig að synjun Hæstaréttar um
endurupptöku máls þeirra í kjöl-
far fyrri dóms MDE fari í bága við 6.
grein sáttmálans um réttláta máls-
meðferð.
Málið er nú komið á það stig í
Strassborg að íslenska ríkinu hafa
verið sendar spurningar um afstöðu
þess til kærunnar.
Óskað er álits ríkisins á lögsögu
MDE í málinu og hvort hún hafi
breyst eftir niðurstöðu Hæstaréttar
um synjun á endurupptöku. Vísað
er til dóms yfirdeildar réttarins í
portúgölsku máli frá árinu 2011
um að endurupptaka máls sé ekki
eina rétta leiðin til að bregðast við
dómum MDE og að synjun á beiðni
um endurupptöku máls verði ekki
sjálf krafa til þess að ríkið teljist
brotlegt við niðurstöðu dómsins
eða ákvæði sáttmálans.
Þá er einnig óskað eftir afstöðu
ríkisins til kæruefnisins að öðru
leyti. Spurt er hvort farið hafi verið í
bága við rétt Jóns Ásgeirs og Tryggva
til að vera ekki saksóttir tvívegis
fyrir sama brot. Dómstóllinn hefur
kveðið upp nokkra áfellisdóma
gegn Íslandi í sams konar málum
eftir fyrri dóm réttarins í máli Jóns
og Tryggva. Hefur íslenska ríkið
viðurkennt brot og sæst á nokkur
mál sem verið hafa til meðferðar
í Strassborg um sama efni. Meðal
annars mál nokkurra manna sem
sakfelldir voru fyrir ólöglegt verð-
samráð.
Brugðist hefur verið við þessum
dómum þannig að lögum var nýver-
ið breytt í því skyni að koma í veg
fyrir tvöfalda refsimeðferð í skatta-
málum.
Þá er að lokum óskað eftir afstöðu
ríkisins til synjunar Hæstaréttar á
endurupptöku máls þeirra og hvort
sú synjun samræmist ákvæði sátt-
málans um réttláta málsmeðferð. ■
Mál Jóns Ásgeirs komið til MDE á ný
Vænta má dóms frá
Strassborg um þá
ákvörðun Hæstarétt-
ar að neita að endur-
upptaka mál í kjölfar
dóms MDE.
Jón Ásgeir hefur verið tíður gestur í réttarsölum í hátt á annan áratug.
FRÉTTABLAÐIÐ/ANTON BRINK
adalheidur@frettabladid.is
STJÓRNMÁL Þingfundi lauk mun
fyrr í gær en gert var ráð fyrir þegar
tvö mál sem reiknað var með mestri
umræðu um voru tekin af dagskrá.
Annað málið sem um er að ræða
er fjölmiðlafrumvarp Lilju Alfreðs-
dóttur, mennta- og menningar-
málaráðherra. Í breytingartillögu
allsherjar- og menntamálanefndar
um málið er gert ráð fyrir að um
einskiptisaðgerð verði að ræða sem
gildi út þetta ár en ekki varanlegt
styrkjakerfi eins og menntamála-
ráðherra lagði upp með. Í nefndar-
áliti koma fram þau sjónarmið að
vinna þurfi málið betur áður en
um varanlegt kerfi geti verið að
ræða. Skýra þurfi aðferðafræði
styrkjanna til að tryggja betur að
þeir hafi jákvæð áhrif á fjölbreytni
og fjölræði á fjölmiðlamarkaði.
Sömuleiðis þurfi að huga að stöðu
smærri fjölmiðla. Er lagt til að þessir
þættir verði teknir til nánari skoð-
unar áður en um varanlegt styrkja-
kerfi verði að ræða. Ekki mun
vera eining um þessa lendingu í
stjórnarmeirihlutanum og kallaði
framsögumaður málsins, Silja Dögg
Gunnarsdóttir, frumvarpið aftur til
nefndarinnar áður en umræða um
það hófst í þingsal. Málið var í kjöl-
farið tekið af dagskrá þingfundar.
Frumvarp umhverfis- og sam-
göngunefndar um breytingar á
loftferðalögum var einnig tekið
aftur inn í nefnd í gær. Með frum-
varpinu er lagt til að ráðherra fái
heimild til að skylda flugrekendur
til að synja farþega um komu til
landsins framvísi hann ekki vott-
orði um ónæmisaðgerð gegn Covid-
19, vottorði um að sýking sé afstaðin
eða staðfestingu á neikvæðri niður-
stöðu. Þingmenn stjórnarandstöð-
unnar telja að með þessu sé farið í
bága við ákvæði stjórnarskrárinnar
um að íslenskum ríkisborgurum
verði ekki synjað um að koma til
landsins. Heimildir Fréttablaðsins
herma að verulegar efasemdir séu
einnig um málið í þingliði Sjálf-
stæðisflokksins.
Eftir að umræða hófst um málið á
Alþingi í gær ákvað framsögumaður
málsins , Ari Trausti Guðmundsson,
að taka það aftur inn til nefndar til
að meirihlutinn fengi ráðrúm til
að leysa ágreininginn og skila um
málið framhaldsnefndaráliti. ■
Fjölmiðlafrumvarp og landamæramál send aftur til nefnda
Silja Dögg
Gunnarsdóttir,
þingmaður
Framsóknar-
flokksins.
Ari Trausti
Guðmundsson,
þingmaður
Vinstri grænna.
kristinnpall@frettabladid.is
TRÚMÁL Annað árið í röð varð sam-
dráttur í fjölda þeirra Íslendinga
sem eru skráðir í þjóðkirkjuna en
þeim fækkaði um 88 manns á milli
ára. Um 62 prósent Íslendinga eru
skráð í þjóðkirkjuna sem er fækkun
um 0,3 prósent. Þetta kemur fram á
vef Þjóðskrár Íslands.
Alls eru nú níu trú- og lífsskoð-
unarfélög með meira en þúsund ein-
staklinga skráða innan sinna raða.
Meðlimum zúista fer áfram fækk-
andi en rúmlega 39 prósent einstakl-
inga sem voru skráðir í trúarfélagið
árið 2019 hafa sagt sig úr félaginu.
Þá eru 7,7 prósent landsmanna
skráð utan trú- og lífsskoðunar-
félaga eða 28.416 manns og 55.987
með ótilgreinda skráningu sem telur
um 15,1 prósent þjóðarinnar. n
Fækkun milli ára
í þjóðkirkjunni
Skálholtskirkja á sólríkum degi.
Rúmlega fimmti hver
Íslendingur er annað
hvort utan trú- og lífs-
skoðunarfélaga eða
með ótilgreinda skrán-
ingu hjá Þjóðskrá.
4 Fréttir 11. maí 2021 ÞRIÐJUDAGUR