Fréttablaðið - 11.05.2021, Blaðsíða 19

Valur leggur áherslu á faglega
þjálfun barna og þar búa reyndir
þjálfarar til aðstæður þar sem
börnin geta fundið sinn farveg og
fengið stuðning til að ná árangri
þegar þau eldast. Þar er líka mikil
áhersla á félagsstarf og samstarf
við foreldra.
Óskar Bjarni Óskarsson er yfir-
þjálfari yngri flokka í handbolta
hjá Val og Soffía Ámundadóttir
þjálfar yngri flokka félagsins í fót-
bolta. Þau hafa bæði áratugalanga
reynslu af þjálfun barna sem gefur
þeim góða innsýn í hvað skiptir
mestu máli.
„Í fyrsta lagi gleymist oft að
krökkunum líði vel og séu í
umhverfi sem skapar heilbrigða
einstaklinga og góða Valsara. Við
viljum alltaf vera að ala upp leik-
menn sem stefna hátt,“ segir Óskar.
„Fyrir yngri krakkana reynum
við að vinna þetta þannig að þau
geti prófað allar íþróttir hjá okkur.
Æfingar í ólíkum íþróttagreinum
stangast ekki á, svo það sé hægt að
stunda fleiri en eina. Svo þegar þau
verða eldri verður þetta einbeitt-
ara.“
„Það sem mér finnst mikilvægast
er forvarnargildið sem íþróttastarf
barna hefur. Að við séum að stuðla
að heilsueflandi lífi til framtíðar og
hjálpa þeim að finna sinn farveg,“
segir Soffía. „Það er svo númer 1,
2 og 3 að hafa þetta gaman svo
barnið vilji koma. Annars hætta
þau bara að mæta, því þau eru ekki
alltaf þarna af því að þau vilja æfa
fótbolta. Það skiptir líka miklu máli
að börn finni til öryggis og viti að
hverju þau ganga á æfingum.“
Pláss fyrir sérhæfingu
Valur er með afreksstefnu til að
hjálpa þeim iðkendum sem vilja ná
langt í íþrótt sinni.
„Í handboltanum viljum við
byrja á að byggja upp fjöldann í
yngri flokkum og afreksstarfið
hefst síðan í kringum 7.-8. bekk,“
segir Óskar. „Þá er í boði að koma
á aukaæfingar og reynt að kveikja
ákveðinn neista varðandi hvað þarf
að gera aukalega til að styrkja sig
andlega og líkamlega. Við bjóðum
upp á þessar séræfingar fyrir alla og
myndum alveg vilja geta boðið upp
á meira af þeim.“
„Í fótboltanum fer þetta að verða
sérhæfðara í þriðja flokki. Leik-
menn eru farnir að huga að fram-
tíðinni og bilið milli þeirra er farið
að aukast,“ segir Soffía. „Í framhald-
inu fá sumir leikmenn að fylgjast
með og fara á meistaraflokks-
æfingar. Mér finnst að við eigum
að láta vita strax í þriðja flokki til
hvers Valur ætlast af leikmönnum
og ekki gefa falsvonir. Þarna vitum
við hverjir geta farið alla leið og við
þurfum að segja fólki það.
Þá skiptir máli að bjóða upp á
séræfingar þannig að leikmenn
geti sérhæft sig betur, en í grunn-
inn ertu samt að kenna mark-
miðasetningu og aðrar aðferðir
sem nýtast almennt í lífinu,“
segir Soffía. „Bestu námsmenn í
framhaldsskólum og háskóla er
oft íþróttafólk sem hefur lært að
vera ofboðslega agað, skipulagt og
vandvirkt.“
Nauðsynlegt að efla liðsheild
„Það er mjög mikilvægt að efla
liðsheildina hjá þessum yngri
flokkum og það eru ýmsar leiðir
til þess. Það er gott að vera með
eitthvað félagsstarf eins og pítsu-
veislur eða spurningakeppnir og
hún.
„Soffía er snillingur í því,“ segir
Óskar. „Keppnisferðir eru líka
mjög dýrmætar. Það að fara út á
land eða til útlanda í æfinga- eða
keppnisferð þéttir hópinn og
eykur liðsheildina.
Við bjóðum líka upp á fyrirlestra
fyrir bæði foreldra og iðkendur um
liðsheild, markmið, ofálag, svefn,
höfuðmeiðsli og ýmislegt fleira,“
segir Óskar. „Það er oft gott að fá
góða aðila til að tala um liðsheild
og við erum með mikið af góðum
fyrirmyndum sem hafa hjálpað
mikið í gegnum árin og eru alltaf
til í að leggja okkur lið.“
„Ég legg rosa mikið upp úr
félagslega hlutanum,“ segir Soffía.
„Stelpur eru líka betri í því en
strákar, þær eru meiri félagsverur.
Það skiptir máli að það sé góður
andi í hópnum og það verða allir
að bera ábyrgð. Fyrirliðar og leið-
togar draga oft vagninn í félagslega
hlutanum. Krakkar sem koma úr
íþróttaheiminum eru betri í að
vinna í hóp á vinnustöðum, halda
uppi stemningu og takast á við
sigra og töp. Þetta íþróttauppeldi
gefur mikið.
Félagslegi þátturinn skiptir rosa
miklu upp á samheldni, svo allir
séu að fara í sömu átt,“ segir Soffía.
„Ég veit að þjálfarar strákanna
öfunda okkur stundum af sam-
heldninni og þeir eru að reyna að
sinna þessum hluta betur.“
Hlutverk foreldra hefur aukist
„Hlutverk foreldra í íþróttastarfi
barna hefur breyst og aukist mjög
mikið með árunum og nú gegna
þeir lykilhlutverkum við skipu-
lag, ferðir, fjáraflanir og alls kyns
starf. Oft og tíðum sjá þeir um allt,
þannig að þjálfarinn þarf bara að
hugsa um leikinn,“ segir Óskar.
„Þeir hjálpa líka við fræðslu og vilja
bæta starfið og styðja við bakið
á iðkendum. En í íþróttum getur
mótlæti oft komið upp og það þarf
kannski að auka fræðslu til for-
eldra um hvernig á að taka því.
Við hjá Val erum líka með
pabba- og mömmuklúbba, sem
heita Fálkar og Valkyrjur og hafa
veitt starfinu mikinn styrk. Við
erum mjög þakklát fyrir þann
mikla ómetanlega stuðning sem
þau veita,“ segir Óskar.
„Ég myndi segja að hlutverk for-
eldra eigi fyrst og fremst að vera að
styðja barnið sitt og starf Vals. Þeir
eiga líka að vera klappstýra allra og
ekki stíga yfir á verksvið þjálfar-
ans,“ segir Soffía. „Mér finnst Valur
hafa staðið sig vel síðustu ár við að
leggja foreldrum línur. Hlutverk
foreldra er mjög mikilvægt, en
þeir verða líka að gefa þjálfurum
vinnufrið.
Foreldrar eiga heldur ekki að
ryðja hindrunum úr vegi fyrir
börnin sín, heldur sjá að það er
hollt fyrir börn að takast á við
mótlæti,“ segir Soffía. „Ef foreldri
stígur alltaf inn lærir barnið ekki
neitt.“
Góð aðstaða og utanumhald
„Við í Val erum í mjög góðum
málum hvað varðar aðstöðu,
þó maður vilji alltaf meira. Við
erum með styrktarsal og styrktar-
þjálfara, þrjá gervigrasvelli, tvö
íþróttahús, mikið af sölum og
félagsheimilið Fjósið,“ segir Óskar.
„En það hefur líka orðið mikil
fjölgun í félaginu og það þarf að
stefna hærra. Á döfinni er þörf á
fjölnota íþróttahúsi miðsvæðis,
sem gæti þjónað bæði Val og stærra
samfélagi.“
„Aðstaðan hjá Val er framúrskar-
andi og með því besta sem finnst
á Íslandi, en ég myndi reyndar
vilja sjá nýtt knatthús fljótlega,“
segir Soffía. „Utanumhald er líka
alltaf að verða faglegra. Við erum
með námsskrá sem við fylgjum og
yfirþjálfara sem tryggja að þjálfun
sé fagleg. Það er mikilvægt upp á
árangur að halda öllum á tánum
og að allir stefni í sömu átt.“
Fagleg þjálfun fyrir börn
Óskar Bjarni
Óskarsson er
yfirþjálfari
yngri flokka í
handbolta hjá
Val. FRÉTTABLAÐ-
IÐ/ANTON BRINK
Soffía Ámunda-
dóttir þjálfar
yngri flokka
Vals í fótbolta.
MYND/AÐSEND
Fjósið er sögufrægt félagsheimili
Valsmanna og var vígt árið 1948.
Félagsheimilið var starfrækt
í Fjósinu fram til ársins 1987
þegar það var flutt í stærri sal
inni í íþróttahúsi.
Að sögn Gunnars Kristjánssonar,
Fjósameistara og veitingastjóra,
var ákveðið fyrir fimm árum síðan
að gera gamla Fjósið upp. Því verki
lauk svo í apríl 2018 og húsið var
tekið aftur til notkunar. „Ég hef
verið tengdur við Val frá barnæsku
og spilaði bæði fótbolta og hand-
bolta með yngri flokkum Vals. Þá
hef ég sinnt sjálfboðaliðastörfum
hjá félaginu í nokkur ár og þegar
kom að því að finna Fjósameistara
var ég beðinn um að taka starfið
að mér og reka Fjósið. Nú hef ég
verið Fjósameistari í þrjú ár,“ segir
Gunnar.
Heimilisleg aðstaða heillar
Fjósið gegnir hlutverki klúbbhúss
og félagsheimilis þar sem yngri
flokkar, foreldrar og lið í öllum
deildum Vals halda fundi. „Unga
kynslóðin hefur styrkt Valsvitund-
ina með því að drekka sögu félags-
ins í sig í þeirri glæsilegu aðstöðu
sem byggð hefur verið upp hér í
Fjósinu. Leikmenn meistaraflokka
félagsins og mótherjar þeirra hafa
líka oft komið hingað í mat eftir
leiki. Fjósið býður upp á heimilis-
lega aðstöðu sem hefur nýst öllum
félagsmönnum, fjölskyldum
þeirra, vinum og gestum í sögu-
frægu húsi. Fjósið er einnig leigt út
fyrir hvers kyns mannfagnaði eins
og afmæli, fermingarveislur, erfi-
drykkjur, árshátíðir og jólahlað-
borð. Þá er Fjósið sérlega heppileg
fundaraðstaða fyrir fyrirtæki og
rúmar allt frá 10-100 manns í fund-
aruppsetningu. Salurinn tekur við
um 20-80 manns í sitjandi veislur
og um 50-180 manns í standandi
veislur. Þá býður Fjósið einnig upp
á boltann í beinni.“
Fjölmargir merkir menn og
konur hafa komið að endur-
reisn fjóssins. „Halldór Einarsson
barðist í mörg ár fyrir því að Fjósið
yrði endurbyggt og hafið til fyrri
virðingar og vegsemdar. Brynjar
Harðarson, þá framkvæmda-
stjóri Valsmanna hf., sá þá öðrum
fremur til þess að endurbygging
Fjóssins var tekin með í uppbygg-
ingu undanfarinna ára að Hlíðar-
enda. Kristján Ásgeirsson arkitekt
ber svo ábyrgð á því hversu flott
félagsheimili Fjósið er,“ segir
Gunnar að lokum.
Félagsheimili með sögu og sál
Gunnar hefur verið Fjósameistari í þrjú ár, eða frá því húsnæðið var tekið
aftur til notkunar sem félagsheimili Valsmanna. FRÉTTABLAÐIÐ/VALLI.
Halldór Einarsson
barðist í mörg ár
fyrir því að Fjósið yrði
endurbyggt og hafið til
fyrri virðingar og veg-
semdar.
Gunnar Kristjánsson
3ÞRIÐJUDAGUR 11. maí 2021 VALUR 110 ÁR A