Skessuhorn - 05.05.2021, Blaðsíða 22

miðvikudagur 5. maí 202122
Óhætt er að segja að mikil og góð
stemning hafi skapast fyrir laugar-
daginn síðasta þegar áheitaverk-
efnið Stokkið fyrir Svenna í akra-
neshöfn fór fram. Það var árgangur
1971 á akranesi, með Pétur magn-
ússon í fararbroddi, sem hafði veg
og vanda að skipulagningu við-
burðarins en safnað var fyrir einn
jafnaldrann úr hópnum, Sveinbjörn
reyr Hjaltason, sem slasaðist alvar-
lega á síðasta ári þegar hann var við
akstur í motocrossbrautinni á akra-
nesi. Safnað var fyrir sérsmíðuðu,
handknúnu reiðhjóli handa Svenna
sem kostar á þriðju milljón króna. í
fyrstu var lagt upp með að minnsta
kosti 71 stökkvari fengist til að
stökkva í sjóinn af smábátabryggj-
unni, en þegar upp var staðið létu
177 manns sig vaða í höfnina og
því líklega um íslandsmet í bryggj-
ustökki að ræða. Yngsti stökkvarinn
var fimm ára en þeir elstu við það
að komast úr barneign. Fjölmörg
fyrirtæki, félög, starfsmannahóp-
ar og einstaklingar skráðu þátttöku
sína, tóku beinan þátt og/eða gáfu
í söfnunina. Samkvæmt heimild-
um Skessuhorns gekk fjársöfnunin
gríðarvel og ljóst að markmið um
söfnun fyrir nýju hjóli tókst.
Fyrstu stökkin í höfnina tók Þór-
dís kolbrún r gylfadóttir Skaga-
kona og ferðamálaráðherra um
klukkan 10 á laugardagsmorgun,
því næst stökk Halli melló leik-
ari og loks Sævar Freyr Þráinsson
bæjarstjóri. í kjölfarið stökk síð-
an hópur úr Club71, vinnufélagar
Svenna, starfmannahópar og fjöl-
margir ungir sem aldnir. veður var
ágætt við akraneshöfn en fremur
kalt. Fólk dvaldi því ekki lengi í
vatninu. Björgunarfélag akraness
var með gæslu, aðstoð og viðbún-
að á staðnum og gaf alla sína vinnu.
Þá var fjöldi fólks að fylgjast með
af nærliggjandi bryggjum. Frábær
stemning var við akraneshöfn á
laugardaginn en stökkunum lauk
um nónbil. Síðastir í höfnina voru
valgarður Lyngdal Jónsson forseti
bæjarstjórnar og gísli Einarsson
dagskrárgerðarmaður sem lét sig
falla í fagurrauðum jakkafötum í ís-
kaldan sjóinn.
mm/ Ljósm. mm/gó
Hluti af Club71 hópnum sem stóð fyrir verkefninu í Guðlaugu að loknum góðum
degi. Ljósm. pm.
Stokkið fyrir Svenna í Akraneshöfn
Sveinbjörn Reyr Hjaltason veifaði til áhorfenda skömmu áður en fyrstu ofurhugar-
nir létu vaða í höfnina.
Þórdís Kolbrún R Gylfadóttir Skagakona og ráðherra tók fyrsta stökkið. Fyrrum
sundkonan kunni á því tökin.
Hér eru félagar úr Club71 á leiðinni í vatnið.
Björgunarfélag Akraness fylgdist með að
allt færi vel fram. Gísli rakari fékk að fljóta
með og myndaði stökkvarana.
Svenni og fjöldskyldan skömmu áður en dagskráin hófst.
Sævar Freyr Þráinsson bæjarstjóri lætur vaða. Halli Melló var með sitjandi stökkstíl.