Skessuhorn - 16.06.2021, Page 35

35MiðVikudaGuR 26. MaÍ 2021
Pennagrein
Vísnahorn
Fyrir stuttu kom út bókin
„Ekki var það illa meint“
með vísum Hjálmars
Freysteinssonar og væri ýmislegt hægt að gera
vitlausara en að glugga aðeins í þau fræði því
Hjálmar orti um allt mögulegt og ómögulegt
í sínum sérstaka gamansama tón og um breyt-
ingar á verðbréfamarkaðnum kvað hann:
Margt er það sem miður fer.
Mér finnst ekki gaman
að markaðsvirði Icelandair
er að skreppa saman.
um Pétur Pétursson lækni sem stundum er
kenndur við stera orti Hjálmar þegar Pétur
fékk skilorðsbundinn dóm fyrir meiðyrði:
Svo Pétur hætti að hrella menn
hentug leið var fundin,
þó hann sé til í tuskið enn
er tungan skilorðsbundin.
Og önnur um Pétur:
Einsta- virðist alveg –kur
yr- hann dýrar bögur –kir.
Pé- vill spara pillur –tur
pæ- hann mest í þessu -lir
Svokallað Lúkasarmál varð allfrægt um
tíma og um þá hluti kvað Hjálmar:
Á Akureyri er ögurstund
og ógurlegur voði.
Íbúarnir harma hund
og huggun ekki í boði.
Mynd hans er í minnið fest,
miklum veldur harmi,
hvar sem dindill dilla sést
drjúpa tár af hvarmi.
Merkilega margir fá
martröð allar nætur,
heyra í fjarska hundsins gá
og hrökklast þá á fætur.
Ástum slegið er á frest
þó úti sólin skíni
því sérhver snerting minnir mest
á mjúkt og loðið trýni.
Alla jaxla á ég bít,
ekkann helst það stansar.
Hverja hrúgu af hundaskít
hylja blóm og kransar.
Eflaust fegin þykist þið
en þyngir mína byrði
að nú er Lúkas lifnaður við
og ljóðið einskis virði.
Eigum við ekki að telja það jákvætt að Lúk-
as greyið kom lifandi fram en ekki þar með
sagt að öll umræða kringum þessa atburði hafi
verið mjög jákvæð. Væri ekki rétt að líta að-
eins á jákvæðari nótur og rifja upp vísu Sigur-
jóns á Syðstu Grund:
Oftast finnst mér lífið létt,
löngum gleymist varinn.
Sjái ég einhvern sólskinsblett
svo er ég þangað farinn.
Þá er nú spurningin í hverju sólskinsblett-
irnir felast. Hvað veitir okkur mesta ánægju?
Eru það meiri og digrari innistæður í bönk-
unum eða meira og dýrara áfengi eða bara
meiri og dýrari matur? Sigurjón Gíslason
hafði allavega þetta um málið að segja:
Brögnum hlýnar best við skál.
Bræðir vínið freðann.
Inn í mína svörtu sál
sólin skín á meðan.
Bjarni Gíslason hafði hinsvegar þessa sýn á
málin:
Öls við neyslu áður var
aðal veislu bjarminn
meðan geislar gleðinnar
gátu beislað harminn.
Og Rósberg Snædal hafði þessi orð um
áfengisvandamálið og fleira því tengt:
Sá er gín við fölskum feng
frelsi sínu tapar,
bölvað svín úr besta dreng
brennivínið skapar.
Einhverjum sómamanni lýsti Rósberg með
þessum orðum:
Skortir jafnan björg í bú,
birgðum safnar vínsins,
ekki kafna ætlar þú
undir nafni – svínsins.
„aldrei finnur maður það eins vel ófullur
eins og fullur hvað það er gott að koma ófull-
ur heim til konunnar,“ sagði einhver góð-
ur maður þegar hann kom heim eitt kvöld-
ið ásamt vini sínum en fékk eitthvað óblíðari
viðtökur en hann hafði búist við eða vonast
eftir. Hugsanlega hefur einhver kvíði læðst að
Rósberg þegar hann orti:
Herðalotinn, haldinn geig,
heim í kotið fer ég.
Nú er þrotin nautnaveig,
niðurbrotinn er ég.
Vissulega taka skáld og hagyrðingar sig
misalvarlega en ekki er þó því að treysta að
þeir sem yrkja hátíðlegast njóti alltaf mestra
vinsælda hjá hinum venjulega meðaljóni en
kristján Eldjárn orti um sínar yrkingar:
Öll mín kvæði eru fikt
eintóm skrípalæti.
Aðeins reykur eða lykt
af því sem ég gæti.
Veðurfarið hér á landi er nú jafnan svona
„með sínu lagi“ og menn svolítið missammála
veðurguðunum enda svo sem óþarfi að all-
ir séu sammála um allt. Á óþurrkasumri orti
Einar í Holtakotum:
Regnið æðir, rekkum blæðir,
rýrna gæði töðunnar,
vatnið flæðir, voðinn hræðir,
vosbúð mæðir stúlkurnar.
Kvelur mengi, kæfir engi
kreppa að þrengir búandlýð,
Skyldi lengi, láðs um vengi
leika á strengi þessi tíð.
Rosinn þreytir lýði lands
lítil von hann batni.
Eg óska honum til andskotans
með öllu sínu vatni.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Hvar sem dindill dilla sést - drjúpa tár af hvarmi
Ég óska eftir stuðningi Sjálfstæð-
ismanna í að leiða áfram framboð
Sjálfstæðisflokksins í Norðvestur-
kjördæmi. undanfarin ár hef ég
verið 1. þingmaður kjördæmisins
og gert mér far um að vera leiðandi
í þingmannahópnum þannig að við
séum samstillt í að tala fyrir hags-
munum íbúanna þar. Í nánu sam-
starfi við íbúa og ekki síst við sveit-
arstjórnarfólk höfum við áorkað
mörgum og mikilvægum verkefn-
um. Til hagsbóta fyrir fólkið, fyrir
byggðina og landið allt.
Það er freistandi að telja upp
verk og áfanga sem náðst hafa en
pólitíkin er líka kraftur liðsheildar
og samvinnu. Enginn vinnur allt
einn, enginn einn getur þakkað sér
allt. Til að þoka áfram málum þarf
að gera málamiðlanir og afla sjón-
armiðum stuðnings. Það er kúnst
hins mögulega sem ég sannarlega
er tilbúinn að glíma við áfram.
Á tíma mínum á alþingi, allt frá
2013, get ég ánægður og þakklátur
litið til baka og sagt – þessu hef ég
áorkað og barist fyrir.
Á þessu kjörtímabili hef ég leitt
nokkur verkefni sem endurspegla
áherslur mínar. Ef tel aðeins nokk-
ur þeirra vil ég nefna; Vinnu vegna
jöfnunar dreifikostnaðar raforku á
milli sveita og þéttbýlis. Hraðaði
uppbyggingu á 3ja fasa rafmagni.
Sem fyrr hef ég leitt mesta
byggðamál seinni tíma, sem er ljós-
leiðarvæðing fjarskipta í sveitum.
Verkefni sem skilaði meiri atvinnu-
möguleikum í dreifðari byggðum
og betri búsetuskilyrðum, meiri
lífsgæðum og hærri ráðstöfunar-
tekjum íbúa dreifðra byggða. Þetta
er staðfest í könnun sem Fjarskipta-
sjóður gerði á verkefninu „Ísland
ljóstengt“.
Ég leiddi vinnu sem mótar nú
nýja nálgun að umræðu um framtíð
landbúnaðar á Íslandi og beitti mér
fyrir lagabreytingum um skattlagn-
ingu á sölu bújarða til að auðvelda
kynslóðaskipti.
Ég lagði grunn að næsta stór-
verkefni í fjarskiptum á Íslandi –
með það verkefni í sjónmáli að ráð-
ast næst í sókn til bættra fjarskipta
í byggðakjörnum sem ekki hafa enn
fengið endurnýjaða fjarskiptainn-
viði. Því verki vil ég vinna að.
Ég hafði jafnframt forystu um að
styðja við sókn til meiri fjölbreytni
og efla Grundartangasvæðið.
Það hefur verið rauður þráður að
tryggja að framkvæmdir við Sunda-
braut séu alltaf hluti af öllum að-
gerðum í samgöngumálum. Því hef
ég fylgt eftir við afgreiðslu þings-
ins, m.a. við gerð höfuðborgarsátt-
mála og stofnun samgöngufélags.
Ég hef lagt ríka áherslu á að þjón-
usta og rekstur hjúkrunarheimila
sé í því horfi að sómi sé að og lagt
alla áherslu á í ríkisfjármálum að
áætlanagerð og nýting fjármuna sé
markviss og uppbyggileg.
Þessi upptalning er ekki tæmandi
– en er þráðurinn í pólitík sem ég
vil standa fyrir. Þessi verk voru ekki
unnin af mér einum – heldur með
því að leiða saman fólk til verka.
Þegar ég horfi til næsta kjörtíma-
bils verður reynsla mín mesta aflið.
aflið sem þarf til að gera enn bet-
ur.
Fyrir mér er grundvallarmál að
aðgengi að menntun og heilbrigðis-
þjónustu sé sett í forgang í dreifð-
um byggðum landsins.
Glíman við festu í að manna
heilsugæslustöðvar er þar lífsgæða-
mál. Festan í að eiga aðgengi að
lækni sem þekkir til – hefur því
miður gefið eftir.
að allir framhalds- og háskólar
landsins eigi að vera aðgengileg-
ir fólki hvar sem það býr. Ekki síst
Háskóli Íslands. Á Covid tímum
hefur á því sviði margt verið gert
sem mun fylgja okkur lengi og ver-
ið til framfara, ekki síst með leiftur-
sókn í notkun fjarfundatækni.
Vegagerð er alltaf stórmál í kjör-
dæmi eins og NV-kjördæmi. Einn
angi vegagerðar eru tengivegir
sveitanna. af miklum umræðum
um Borgarlínu, samstilltu sam-
gönguverkefni ríkis og sveitarfé-
laga höfuðborgarsvæðisins, vil ég
draga fram umræðu um „Sveita-
línu“. Sveitalínan er af sama meiði.
Er ekki rétt að Sveitalínan verði
nýsköpun í átaki um endurbætur
á fáfarnari tengivegum sveitanna?
Sveitalínan er verkefnið að sækja
hratt fram í klæðningu vega sem
íbúar sveitanna nýta daglega til að
sækja nám og stunda vinnu. Sveital-
ínan krefst nýrrar nálgunar í vega-
gerð og fjármögnun hennar.
Með reynslu og ekki síst því að
hafa sýnt getu til að náð árangri,
klárað verkefni sem máli skipta –
sæki ég um umboð ykkar til áfram-
haldandi vinnu sem leiðtogi listans.
Ég hef verið oddviti lista Sjálf-
stæðisflokksins með skýrt umboð
eftir prófkjör 2016. Leitt listann
í tvennum kosningum og oddviti
þingmanna kjördæmisins, sem 1.
þingmaður þess. Það sæti vil ég
verja. Takist það ekki er ómögulegt
að nýr oddviti hafi fyrrverandi odd-
vita i neðri sætum listans.
Haraldur Benediktsson
Höfundur er 1. þingmaður Norð-
vesturkjördæmis og óskar eftir stuðn-
ingi til þess áfram.
Endurnýjað umboð
Sumarlandinn, sem er nokkurs
konar sumarútgáfa Landans, var á
dagskrá RuV í fyrrasumar og fékk
góðar viðtökur að sögn Gísla Ein-
arssonar þáttarstjórnanda. Hann
upplýsir að þátturinn verður aftur
á dagskrá frá 20. júní í sumar. Tón-
listarmaðurinn kk var með í för í
Sumarlandanum í fyrra og lag hans
„Þetta lag er um þig,“ sem frumflutt
var í Sumarlandanum, var nokkrar
vikur á toppi vinsældalista Rásar 2.
Í sumar verður það tónlistarkonan
Soffía Björg Óðinsdóttir í Einars-
nesi sem ferðast með Sumarlandan-
um. „Önnur breyting á áhöfn Sum-
arlandans er að ég verð bara bak við
myndavélina í þetta sinn, í ritstjórn
og framleiðslu en í staðinn kemur
Þórhildur Þorkelsdóttir sem einn
umsjónarmanna,“ segir Gísli.
mm
Soffía með
Sumar-
landanum