Morgunblaðið - 26.01.2021, Side 10

10 FRÉTTIRInnlent
MORGUNBLAÐIÐ ÞRIÐJUDAGUR 26. JANÚAR 2021
Þjómustuskipið Skandi Acercy lagðist að
bryggju á Eskifirði í fyrrinótt. Frá borði var
hífður tæplega 20 metra prammi, sem Laxar
ehf. hafa leigt frá Noregi til að sinna fóðrun í
eldiskvíum við Gripalda í sunnanverðum Reyð-
arfirði.
Flutningaskipið er 160 metra langt, 27 metr-
ar á breidd og það er búið öflugum krana og
þyrlupalli. Það var upphaflega væntanlegt til
Eskifjarðar á laugardag, en seinkaði aðeins
vegna veðurs á leiðinni.
Nýi pramminn tekur um 320 tonn af fóðri og
kemur í stað aðeins stærri pramma, Munins,
sem sökk við kvíarnar í illviðri aðfaranótt 10.
janúar. Undanfarið hafa fjórir þjónustubátar
með fóðurbyssur sinnt fóðrun fisksins í 16 kví-
um við Gripalda. Þar eru nú um 3.900 tonn af
fiski sem verður kominn í sláturstærð í haust.
Jens Garðar Heglason, framkvæmdastjóri
Laxa, segir að unnið sé að undirbúningi þess
að dæla um tíu þúsund lítrum af hráolíu úr
prammanum. Ekki sé endanlega ljóst hvenær
og hvernig staðið verði að málum, en aðstæður
þurfi að vera góðar. Málið er unnið í samvinnu
fyrirtækisins, Fjarðabyggðarhafna, Um-
hverfisstofnunar og tryggingafélags Laxa.
Ekki hefur orðið vart við olíuleka frá pramm-
anum. aij@mbl.is
160 metra skip með nýjan pramma
Ljósmynd/Jens Garðar Helgason
Öflugt skip Skandi Acercy gnæfði yfir hafnarsvæðið á Eskifirði í fyrrinótt þegar komið var með prammann. Skipið er 157 metra langt, þyrlupallur er fremst á því og það er búið öflugum krana.
Guðni Einarsson
gudni@mbl.is
Fyrirliggjandi gögn benda ekki til
þess að rekja megi tugi dauðsfalla í
hópi þeirra sem hafa verið bólu-
settir gegn Covid-19 beint til bólu-
efnanna, að sögn vísindamanna.
Þetta kemur fram í frétt AFP um
dauðsföll og bólusetningar víða í
Evrópu.
Heilbrigðisstofnanir leggja
áherslu á að meirihluti þeirra sem
létust í kjölfar bólusetningar hafi
verið eldra fólk sem var viðkvæmt
og oft mjög veikt.
Norðmenn greindu frá því í síð-
ustu viku að 33 úr hópi um 20.000
íbúa öldrunarheimila hefðu látist
eftir að þeir fengu fyrri sprautuna
af bóluefni frá Pfizer/BioNTech.
Að minnsta kosti 13 þeirra sem lét-
ust voru ekki aðeins háaldraðir
heldur einnig veikburða og með al-
varlega sjúkdóma, að sögn Norsku
lýðheilsustofnunarinnar.
Tekið var fram að greining á
dánarorsökum hefði ekki farið
fram en bent var á að eðlilegar
hliðarverkanir bólusetninga, eins
og hiti eða ógleði, gætu hafa haft
áhrif. Fréttin olli áhyggjum utan
Noregs og ýtti undir tortryggni í
garð bólusetninganna. Í framhaldi
af því lögðu heilbrigðisyfirvöld
áherslu á að ekki hefði verið sýnt
fram á nein tengsl á milli bóluefn-
isins og dauðsfallanna. Á föstudag-
inn var höfðu Frakkar skráð níu
dauðsföll langveikra sjúklinga á
hjúkrunar- og öldrunarheimilum
eftir bólusetningu. Þá var búið að
bólusetja um 800.000 manns í land-
inu. Franska lyfjastofnunin sagði
að samkvæmt fyrirliggjandi gögn-
um benti ekkert til þess að dauðs-
föllin tengdust bólusetningunni.
Eins voru dæmi um 13 dauðsföll
aldraðra í Svíþjóð og sjö á Íslandi
sem ekki var hægt að rekja beint
til bóluefnisins. Heilbrigðisstarfs-
maður í Portúgal lést tveimur dög-
um eftir bólusetningu. Krufning
sýndi engin tengsl á milli andláts-
ins og bóluefnisins.
Evrópska lyfjastofnunin (EMA)
sagði að þrátt fyrir þessi andlát
hefði Comirnaty ekki valdið nein-
um sérstökum áhyggjum til þessa,
en Comirnaty er vöruheiti Pfizer-
bóluefnisins. EMA tók fram að yf-
irvöld rannsökuðu andlátin til að
athuga hvort bóluefnið hefði verið
ástæða þeirra. Stofnanir ESB og
einstakra Evrópulanda rannsaka
einnig ábendingar heilbrigðis-
stétta, lyfjafyrirtækja og sjúklinga
varðandi bólusetningar. Að svo
stöddu er fjöldi dauðsfalla í hópi
bólusettra ekki talinn vera óeðli-
lega mikill. Víða um lönd eins og í
Frakklandi, Noregi, Stóra-
Bretlandi, á Spáni og á Íslandi hef-
ur verið byrjað á að bólusetja elsta
fólkið. „Það kemur ekki á óvart að
sumt af þessu fólki verði veikt í
ljósi aldurs og undirliggjandi sjúk-
dóma skömmu eftir bólusetningu
án þess að bóluefninu sjálfu sé um
að kenna,“ sagði lyfjastofnun
Stóra-Bretlands (MHRA).
Meira en 60 milljónir manna í
a.m.k. 64 löndum og landsvæðum
höfðu verið bólusettar á laugardag-
inn var, að sögn AFP.
Dauðsföll ekki rakin til bóluefnis
 Flestir bólusettra
gegn Covid-19 sem
létust voru háaldr-
aðir og veikir
AFP
Frá Englandi Bólusetningarmiðstöð hefur verið sett upp í Winter Gardens í Blackpool á Norðvestur-Englandi. Opna á fleiri en 30 bólusetningarmiðstöðvar
gegn Covid-19 víðsvegar um England í þessari viku. Bólusetningarherferðin er sú umfangsmesta sem um getur í sögu Stóra-Bretlands.