Morgunblaðið - 18.02.2021, Side 2

Brynjólfur Löve
Mogensson
Fjórir nýir starfsmenn hafa verið
ráðnir í stöður hjá Árvakri.
Ágúst Héðinsson verður verk-
efnastjóri á markaðssviði. Ágúst
hefur víðtæka reynslu og hefur
gegnt ýmsum störfum, þá sér-
staklega tengdum fjölmiðlum og
markaðsmálum. Lengi vel starfaði
hann sem forstöðumaður útvarps-
sviðs 365 en einnig Stöðvar 2 Sport
og íþróttadeildar. Síðar tók hann við
öllum rekstri miðla 365 sem fram-
kvæmdastjóri. Ágúst starfaði um
tíma sem markaðsstjóri hjá innflutn-
ingsfyrirtækinu Haugen Gruppen.
Eftir að Sýn keypti rekstur miðla
365 starfaði hann sem forstöðumað-
ur dagskrársviðs. Ágúst er
viðskiptafræðingur frá Háskólanum
í Reykjavík.
Brynjólfur Löve Mogensson verð-
ur verkefnastjóri samfélagsmiðla.
Brynjólfur hefur síðastliðin átta ár
starfað þvert á samfélagsmiðla, allt
frá því að stýra stórum áhrifavalda-
herferðum yfir í að framleiða mynd-
bandsefni fyrir stafræna miðla.
Sjálfur er hann vinsæll „insta-
grammari/snappari“ og gefur út efni
á samfélagsmiðlum samhliða því að
starfa við markaðssetningu á staf-
rænum miðlum. Brynjólfur starfaði
hjá hugbúnaðarfyrirtækinu Ghost-
lamp þar sem hann stýrði áhrifa-
valdaherferðum og síðastliðin þrjú
ár hjá stafrænu auglýsingastofunni
KIWI sem sérfræðingur á stafræn-
um miðlum.
Eygló Jónsdóttir verður verk-
efnastjóri í áskriftardeild. Eygló
hefur víðtæka reynslu úr atvinnulíf-
inu, bæði við fjölmiðla og önnur
störf. Hún var á auglýsingadeild Ís-
lenska útvarpsfélagsins og vann að
sölu- og markaðsmálum og var síðar
m.a. einn af eigendum almanna-
tengslafyrirtækisins Franca. Síð-
ustu ár starfaði hún sem skrif-
stofustjóri hjá Vefpressunni, síðar
Frjálsri fjölmiðlun, útgáfufélagi DV.
Eygló er með diploma í markaðs-
samskiptum og almannatengslum
frá HR og markaðs- og útflutnings-
fræðum frá HÍ.
Klara Íris Vigfúsdóttir tekur við
starfi starfsmannastjóra Árvakurs.
Klara starfaði sem forstöðumaður
flugfreyja og -þjóna hjá Icelandair
frá árinu 2017, sem fólst m.a. í að
stýra starfsmannamálum flugfreyja
og -þjóna, öryggismálum um borð
auk framkvæmdar á allri þjónustu
um borð í flugvélum félagsins. Hún
starfaði sem forstöðumaður hjá
Ferðaskrifstofu Íslands á árunum
2015-2017 og sem framkvæmda-
stjóri ÍMARK á árunum 2013-2015.
Klara er með B.sc. í viðskiptafræði.
Þau eru boðin velkomin til starfa.
Nýir starfsmenn Árvakurs
Ágúst
Héðinsson
Eygló
Jónsdóttir
Klara Íris
Vigfúsdóttir
2 FRÉTTIRInnlent
MORGUNBLAÐIÐ FIMMTUDAGUR 18. FEBRÚAR 2021
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Lögreglunni á höfuðborgarsvæðinu
barst tilkynning um áttaleytið í
gærmorgun um bílslys á gatnamót-
um Kauptúns og Urriðaholtsstrætis
í Garðabæ.
Karlmaður á áttræðisaldri varð
fyrir bifreið er hann gekk yfir göt-
una og lést af áverkum sínum.
Biðla til almennings
Lögreglan hefur ásamt rann-
sóknarnefnd samgönguslysa hafið
rannsókn á tildrögum slyssins. Í til-
kynningu frá lögreglu segir að ekki
sé unnt að greina frá nafni hins
látna að svo stöddu.
Lögreglan leitar nú frekari upp-
lýsinga vegna rannsóknarinnar og
biður þá sem kunna að hafa orðið
vitni að slysinu að hafa samband í
síma 444-1000, en einnig má senda
upplýsingar í tölvupósti á netfangið
helgig@lrh.is.
Eftir slysið í gær hafa fjórir látist
í umferðarslysum hér á landi það
sem af er árinu.
Vegfarandi lést í umferðarslysi
Rannsókn lögreglunnar á manndráp-
inu í Rauðagerði um síðustu helgi mið-
ar ágætlega að sögn yfirlögregluþjóns.
Málið er sagt eitt það umfangsmesta
og flóknasta sem komið hefur upp hér
á landi undanfarin ár.
Alls hafa átta verið handteknir í
þágu rannsóknar málsins, fjórir hafa
verið úrskurðaðir í gæsluvarðhald og
farið hefur verið fram á gæsluvarðhald
yfir hinum fjórum. Að minnsta kosti
tveir hafa kært gæsluvarðhaldsúr-
skurðina til Landsréttar. Lögreglan
telur sig vera með skotmanninn í haldi
en útilokar ekki að fleiri en einn hafi
verið að verki.
Maðurinn sem var skotinn til bana
fyrir utan heimili sitt í Rauðagerði hét
Armando Beqirai. Hann var fæddur í
Albaníu árið 1988 og lætur eftir sig
ófríska konu og ungt barn.
Aðeins einn af þeim átta sem hand-
teknir hafa verið er Íslendingur. Aðrir
eru erlendir ríkisborgarar en eru flest-
ir búsettir hér á landi. Íslendingurinn
er um fertugt og er sagður hafa verið
umsvifamikill í fíkniefnaheimum í
mörg ár, eins og fram hefur komið í
umfjöllun mbl.is. Sá hefur lýst sig al-
saklausan af aðild af málinu og hefur
kært gæsluvarðhaldsúrskurð til
Landsréttar.
Europol aðstoðar
við upplýsingaöflun
Einn angi rannsóknarinnar snýr að
því hvort málið tengist erlendum
skipulögðum glæpasamtökum að ein-
hverju leyti en lögregla telur almenn-
ing ekki vera í hættu. Lögreglan hefur
notið liðsinnis Europol við upplýsinga-
öflun. Þá hafa um tíu húsleitir verið
framkvæmdar í þágu rannsóknarinnar
og lagt hefur verið hald á ýmsa muni,
þar á meðal ökutæki.
„Það er eitt af því sem við erum að
skoða hvort það sé einhver sem tengist
undirheimunum og þá einhverjum
skipulögðum hópum sem stunda
brotastarfsemi. Eins og fram hefur
komið þá höfum við verið að gera það
en við höfum ekkert verið að gefa út
hvort það sé þannig eða ekki. Ef lög-
regla hefði vitneskju um það að al-
menningur væri í hættu þá myndum
við bregðast við með viðeigandi ráð-
stöfunum en við teljum svo ekki vera í
þessu tilviki,“ sagði Margeir Sveinsson
yfirlögregluþjónn í samtali við Morg-
unblaðið.
Lögregla telur möguleikann á því að
skotmaðurinn hafi flúið land eftir
morðið ekki mikinn. „Við teljum okkur
vera með hann. En eins og ég segi þá
erum við að skoða þátt hvers og eins
aðila í málinu og þá hvort einhverjir
fleiri tengist þessu,“ bætti Margeir við.
Hafi unnið fyrir Íslendinginn
Samkvæmt heimildum Morgun-
blaðsins tengjast allir mennirnir fjórir
sem voru settir í gæsluvarðhald í
fyrradag og á sunnudag. Eru þeir
sagðir hafa unnið fyrir Íslendinginn
sem er í gæsluvarðhaldi.
Er Íslendingurinn sagður vera í
þröngri stöðu í undirheimunum eftir
að hafa verið ásakaður um að veita
lögreglu upplýsingar um viðskipti á
fíkniefnamarkaði um árabil. Menn-
irnir hafi meðal annars verið fengnir
hingað til lands til að vera honum til
verndar.
Lögreglan hefur meðal annars lagt
hald á svartan Range Rover sem er í
eigu eins hinna handteknu.
Rannsaka þátt annarra aðila
 Útiloka ekki að fleiri en einn hafi verið að verki  Telja sig vera með skotmanninn í haldi  Lögregla
telur almenning ekki vera í hættu  Alls átta hafa verið handteknir  Hinn látni hét Armando Beqirai
Grunur Fjórir voru leiddir fyrir dómara í gærkvöldi þar sem lögregla fór fram á gæsluvarðhald. Úrskurðir lágu ekki fyrir þegar blaðið fór í prentun.
Rannsókn Lögregla hefur lagt hald á ýmsa muni, m.a. ökutæki.