Morgunblaðið - 18.02.2021, Qupperneq 43

MORGUNBLAÐIÐ FIMMTUDAGUR 18. FEBRÚAR 2021
Aðalstræti 2 | s. 558 0000
KONUDAGURINN
Á MATARKJALLARANUM
Pantaðu borð á
www.matarkjallarinn.is
Glas af J.P. Chenet freyðivíni
fylgir með öllum samsettum
matseðlum á konudaginn
Þóra Kolbrá Sigurðardóttir
thora@mbl.is
Maðurinn á bak við Candy Kittens er Jamie Laing en hann á
sér nokkuð merkilega sögu. Langalangafi hans var Sir Alex-
ander Grant sem stofnaði McVities-kexstórveldið. Laing kemur
því úr vellauðgri fjölskyldu. Hann langaði að leggja fyrir sig
leiklist og sótti í þeim tilgangi leiklistarskóla í Leeds. Að eigin
sögn var hann að drepast úr leiðindum og hann áttaði sig á því
að líklegast ætti það betur við hann að vera sjálfstætt starfandi
og frumkvöðull. Hann hafði einhverju áður farið til New York
þar sem hann álpaðist inn í sælgætisverslunina Dylan’s Candy
Bar sem er rekin af Dylan Lauren sem er dóttir Ralph Lauren.
Laing segir það hafa verið magnaða upplifun. Fólk hafi verið að
kaupa sér dýrindissælgæti fyrir tugi þúsunda og hann hafi
hugsað með sér af hverju slíka verslun væri ekki að finna í
Bretlandi.
Um þetta leyti kynnist hann Ed Williams sem er hönnuður
og saman stofnuðu þeir Candy Kittens-fyrirtækið með það að
markmiði að framleiða hágæða heiðarlegt sælgæti sem væri
sérhannað fyrir fullorðna. Laing segir að betri meðeiganda en
Williams sé ekki hægt að finna og þrátt fyrir að þeir séu
afar ólíkir virðist þeir vega hvor annan fullkomlega upp.
Þrátt fyrir að hafa stofnað fyrirtækið var Laing þó
ekki búinn að kveðja leiklistargyðjuna alfarið og árið
2011 gerðist hann hluti af raunveruleikaþættinum
Made in Chelsea sem fjallar um líf vellauðugra ung-
menna í London og
nærsveitum. Þættirnir
hafa notið mikilla vin-
sælda enda eru Bretar
öðrum þjóðum fremri
þegar kemur að sápu-
kenndu raunveruleika-
sjónvarpsefni. Laing tók
jafnframt þátt í dans-
keppninni Strictly Come
Dancing í fyrra þar sem
hann lenti í öðru sæti auk
þess að hafa leikið lítil
hlutverki í kvikmyndum
og sjónvarpsþáttum. La-
ing hefur sjálfur sagt að
hann sé gagnslaus í 9-5
vinnu og frumkvöðla-
starfið henti honum bet-
ur. Tengslanet hans hef-
ur heldur ekki spillt fyrir en hann svarar þeim
gagnrýnisröddum fullum hálsi sem kalla hann for-
dekraðan yfirstéttardreng. Hann hafi vissulega haft
góðan meðbyr vegna fjölskylduauðæfanna sem hann
sé þakklátur fyrir en velgengni Candy Kittens sé að-
allega til komin vegna þrotlausrar vinnu þeirra sem að
fyrirtækinu koma og trú á því að verið væri að framleiða
framúrskarandi vöru.
Fékk aldrei sælgæti sem barn
Laing segist elska sælgæti og þá ást megi að stórum
hluta rekja til þess að hann fékk aldrei sætindi sem barn.
Hann brást illa við sykri og því fékk hann bara einn lítinn
bita á sunnudögum. Hann segir að fyrir vikið hafi hann
alltaf verið að láta sig dreyma um sætindi sem útskýri að öllum
líkindum af hverju hann eigi sælgætisverksmiðju í dag. Hann
hefur jafnframt breytt um áherslur í mataræðinu eftir að hann
opnaði Candy Kittens því hann borði ekki lengur neinar dýra-
afurðir en vörur fyrirtækisins innihalda engar dýraafurðir og
leggur áherslu á nota einungis sjálfbærar vörur í framleiðsl-
unni.
Velgengni fyrirtækisins hefur verið mikil og tvöfaldaðist
veltan milli ára í fyrra sem er töluvert. Í dag er varan seld um
allt Bretland og er óðum að hasla sér völl víða um heim, þar á
meðal hér á landi. Laing segist afskaplega stoltur af fyrir-
tækinu og því sem búið er að skapa. Vöxtur fyrirtækisins hafi
farið langt fram úr björtustu vonum en það sem mestu skiptir
sé að varan standi undir nafni sem algjört sælgæti.
Erfinginn og raunveruleikastjarnan
sem vildi verða sælgætisgreifi
Heimsfrægur í Bretlandi Jamie Laing
hefur komið víða við á stuttum ferli og
náð að byggja upp skemmtilegt vörumerki.
Sælgætisfyrirtækið Candy Kittens var
stofnað árið 2012 af Jamie Laing og Ed
Williams sem ákváðu að það væri tími til
að skora á stóru sælgætisframleiðend-
urna og gera eitthvað algjörlega nýtt.
Flestir töldu þá félaga fremur galna en
engu að síður eyddu þeir næstu 18 mán-
uðum í að þróa hugmyndina um strang-
heiðarlegt sælgæti sem væri sérhannað
fyrir fullorðna.