Fréttablaðið - 25.08.2021, Síða 27

Hlín Reykdal skartgripa-
hönnuður hannar Bleiku
slaufuna í ár. Átakið hófst
árið 2000 og hafa landsmenn
tekið því afar vel frá fyrsta
degi.
„Fyrsta árvekniátakið undir nafni
Bleiku slaufunnar hér á landi fór
fram í október árið 2000. Þá var
það á vegum Krabbameinsfé­
lagsins í samvinnu við Samhjálp
kvenna en að frumkvæði heild­
verslunarinnar Artica, umboðs­
aðila Estée Lauder,“ segir Kolbrún
Silja Ásgeirsdóttir, fjáröflunarstjóri
Krabbameinsfélagsins. „Fyrstu
árin var bleikri tauslaufu dreift og
tekið við framlögum til stuðnings
baráttunni. Síðan árið 2007 hafa
verið seldar sérhannaðar slaufur
til styrktar átakinu. Bleika slaufan
er alþjóðlegt tákn brjóstakrabba­
meins en frá árinu 2010 hefur
athyglin beinst að öllum krabba­
meinum hjá konum hér á landi.“
Mikilvæg skilaboð
Á hverju ári er Krabbameinsfé­
lagið með mismunandi skilaboð í
átakinu og þá þau sem félagið telur
skipta mestu máli hverju sinni að
sögn Kolbrúnar. „Oft hefur áherslan
verið á að hvetja konur til að fara
í skimun. Á 10 ára afmæli Ráð­
gjafarþjónustu félagsins lögðum við
áherslu á hvatningu um að leita sér
stuðnings hvort sem þú tekst sjálf
á við krabbamein eða ert aðstand­
andi því krabbameinum fylgja ótal
spurningar og við bjóðum ókeypis
ráðgjöf hjúkrunarfræðinga og
sálfræðinga til að svara þeim með
fólki. Í fyrra beindum við kastljós­
inu að krabbameinsrannsóknum
sem eru forsenda framfara. Félagið
hefur stundað rannsóknir af krafti
í áratugi en það starf hefur svolítið
verið í skugganum af skimuninni
sem allir hafa vitað af.“
Átakinu tekið afar vel
Hún segir landsmenn hafa tekið
átakið í faðminn frá fyrsta degi og
nú er varla til sá maður eða kona
á landinu sem ekki veit af Bleiku
slaufunni. „Skólar, leikskólar,
fyrirtæki og stofnanir um allt
land halda Bleika daginn hátíð­
legan og hvetja fólk sitt til að mæta
í bleikum fötum, kaupa Bleiku
slaufuna og gera sér dagamun. Ég
myndi segja að átakið væri einfald­
lega orðið fastur liður í dagatalinu.
Prjónahópar, zumba­hópar,
starfsmannafélög, nemendafélög,
hlaupahópar og fleiri og fleiri láta
ávallt til sín taka.“
Hlín Reykdal hannar slaufuna í ár
Það er engin önnur en Hlín Reykdal
skartgripahönnuður sem hannar
slaufuna í ár og segir Kolbrún að
starfsfólk Krabbameinsfélagsins
hlakki svo sannarlega til að sýna
fallegu slaufuna hennar þegar
líður að október. „Hún bætist í hóp
þeirra sem hafa hannað Bleiku
slaufuna fyrir okkur í gegnum árin
í sjálfboðavinnu og eiga þau miklar
þakkir skilið. Slaufan fæst svo alltaf
hjá okkur í Skógarhlíð og í vefversl­
un okkar og mun fást í vefverslun
Hlínar og Kiosk á Granda. Lang­
stærstur hluti sölu fer þó fram hjá
á þriðja hundrað sölustaða um allt
land sem selja slaufuna án endur­
gjalds þannig að allt söluvirðið
rennur óskert til söfnunarinnar.
Það er ómetanlegur stuðningur. Þá
hefur TVG­Zimsen flutt slaufurnar
án kostnaðar í næstum tíu ár og
Margt smátt framleitt þær næstum
allar.“
Einnig megi benda á að félagið
hefur fengið að njóta krafta margra
helstu listamanna og skemmti­
krafta landsins án nokkurs endur­
gjalds í fjölmörgum verkefnum.
„Við eigum þeim mikið að þakka og
öllum þeim sem hafa komið að gerð
kynningarefnis við framleiðslu og
hugmyndavinnu. Án þeirra hefði
sannarlega ekki verið hægt að
standa svona glæsilega að átakinu.“
Mikilvæg verkefni styrkt
Í fyrra rann allt söfnunarfé til
krabbameinsrannsókna sem
Krabbameinsfélagið sinnir á Rann­
sóknarsetri Krabbameinsfélagsins
auk þess sem Vísindasjóðurinn
félagsins úthlutaði stærstu úthlutun
til þessa sem nam 89 milljónum
króna til 11 rannsóknarverkefna.
„Í ár söfnum við fyrir rannsóknum,
stuðningi og ráðgjöf við sjúklinga
og aðstandendur og forvörnum til
að minnka líkur á krabbameinum.
Allt verkefni sem hafa mikla
þýðingu fyrir komandi kynslóðir
og eru ómetanleg fyrir þær konur
sem þurfa að takast á við þennan
sjúkdóm í dag sem sjúklingar eða
aðstandendur.“ ■
Nánari upplýsingar má finna á
bleikaslaufan.is.
Bleika slaufan er
fastur liður í
dagatali
landsmanna
„Bleika slaufan er alþjóðlegt tákn brjóstakrabbameins en frá árinu 2010 hefur athyglin beinst að öllum krabbamein­
um hjá konum hér á landi,“ segir Kolbrún Silja Ásgeirsdóttir, fjáröflunarstjóri Krabbameinsfélagsins. FRÉTTABLAÐIÐ/EYÞÓR
Átakið Mottumars er haldið
árlega í marsmánuði. Þar er
kastljósinu beint að and-
legri heilsu karla og krabba-
meinum í ristli og eistum.
„Átaksverkefnið Mottumars, sem
flestir landsmenn þekkja, á sér
fyrirmynd í alþjóðlega verkefninu
„Movember“ þar sem kastljósinu
er beint að andlegri heilsu karla og
krabbameinum í ristli og eistum,“
segir Guðmundur Pálsson, vef­
stjóri Krabbameinsfélagsins, en
félagið hefur keyrt þetta verkefni
hérlendis frá árinu 2010 og gert
að árlegu átaki í baráttunni gegn
krabbameinum hjá körlum.
„Í Mottumars tökum við
höndum saman í vitundar­
vakningu um krabbamein hjá
körlum og öflum um leið fjár fyrir
mikilvægum stuðningi við karla og
fjölskyldur þeirra. Undanfarin ár
höfum við selt skemmtilega sokka
í fjáröflunarskyni og er þeim
fjármunum sem safnast varið í
fjölmörg mikilvæg verkefni. Má
þar nefna rannsóknir á krabba­
meinum sem greinast hjá körlum,
endurgjaldslausa ráðgjöf fagfólks
og stuðning við þá sem greinast
með krabbamein og aðstandendur
þeirra auk fræðslu og forvarna til
að koma í veg fyrir krabbamein og
fyrirbyggja erfiða fylgikvilla.“
Málin sett á dagskrá
Hann segir Mottumars hafa verið
frábærlega vel tekið frá upphafi og
sé átakið fyrir löng búið að festa sig
í sessi. „Margir karlar safna skeggi
á þessum tíma til að minna sjálfa
sig og aðra á átakið og þjóðin hefur
svo sannarlega staðið með okkur og
styrkt starfsemina til dæmis með
kaupum á Mottumars­sokkunum
sem seldir hafa verið síðustu árin.“
Að sögn Guðmundar er helsti
ávinningur átaksins sá að okkur
sem samfélagi hefur tekist að setja
þessi mál á dagskrá og aukið þann­
ig þekkingu og vitund fólks um til
dæmis áhrif lífsstíls á sjúkdóma á
borð við krabbamein. „Fjárhags­
legi ávinningurinn er félaginu líka
dýrmætur því hann er grundvöllur
þess að Krabbameinsfélagið geti
haldið áfram að vinna að enn betri
árangri varðandi það að draga úr
fjölda krabbameinstilvika, fækka
dauðsföllum af völdum krabba­
meina og að bæta lífsgæði þeirra
sem greinast með krabbamein og
aðstandenda þeirra.“
Átak í stöðugri þróun
Mottumars er og verður í stöðugri
þróun og fræðslan tekur áherslu­
breytingum eftir því sem áskoranir
breytast, segir Guðmundur. „Það
eru þrotlausar rannsóknir í gangi
um allan heim og Krabbameinsfé­
lagið hefur lagt sitt af mörkum til
þeirra hér á landi. Má sem dæmi
nefna að Vísindasjóður félagsins
hefur stutt 37 rannsóknir á síðustu
fimm árum og lagt til 316 milljónir
króna. Starf félagsins og fræðsla
tekur svo auðvitað mið af þeim
niðurstöðum og vísbendingum
sem rannsóknirnar leiða í ljós
hverju sinni.“
Sérsniðinn fræðsluvefur
Ein nýjungin sem Krabbameins­
félagið setti í loftið í tengslum við
Mottumars er sérsniðinn fræðslu­
vefur fyrir karlmenn sem nefnist
karlaklefinn.is. „Rannsóknir
sýna að karlmenn yfir fimmtugt
nýta sér síður en konur stuðning
í veikindum. Framsetning á efni
skiptir því miklu máli. Í Karla­
klefanum er að finna fjölbreytt
efni, margvíslegt fræðsluefni og
upplýsingar um einkenni krabba­
meina svo dæmi séu tekin. Þar er
líka að finna gagnvirkt fræðslu­
efni sem getur aðstoðað karla við
ákvarðanatöku um skimun fyrir
blöðruhálskirtilskrabbameini.
Einnig er þar að finna margvíslegt
efni tengt heilbrigðum lífsstíl, svo
sem upplýsingar um hreyfingu,
hollt mataræði og fleira.“
Nánari upplýsingar má finna á
mottumars.is.
Mottumars er löngu búinn að festa sig í sessi
Guðmundur
Pálsson, vef­
stjóri Krabba­
meinsfélagsins,
segir Mottu­
mars hafa verið
frábærlega vel
tekið frá upp­
hafi og sé átakið
fyrir löng búið
að festa sig í
sessi.
FRÉTTABLAÐIÐ/
EYÞÓR
Karlaklefinn. is
er sérsniðinn
fræðsluvefur
fyrir karlmenn.
Þar má meðal
annars finna
margvíslegt
fræðsluefni og
upplýsingar
um einkenni
krabbameina.
Í Mottukeppn­
inni er skorað á
karla að safna
bæði mottu
og áheitum og
sýna þannig
samstöðu sína í
verki.
9MIÐVIKUDAGUR 25. ágúst 2021 KR ABBAMEINSFÉLAGIÐ 70 ÁR A