Fréttablaðið - 24.07.2021, Qupperneq 40

Reykholts-
hátíðin er
tvímæla-
laust einn
af stærstu
við-
burðum
sumarsins
í tónlistar-
lífi lands-
ins.
Sigríður Inga
Sigurðardóttir
sigriduringa
@frettabladid.is
Þórunn Ósk Marinósdóttir
víóluleikari er önnur tveggja
listrænna stjórnenda Reyk-
holtshátíðar. Hún segir tón-
listina eiga eftir að óma um
sveitina alla helgina.
Þórunn Ósk og Sigurður Bjarki
Gunnarsson, eiginmaður hennar
og sellóleikari, hafa haft veg
og vanda af því að skipuleggja
Reykholtshátíð, sem fer nú fram í
tuttugasta og fimmta sinn. Hátíðin
hófst formlega í gærkvöldi og
stendur fram eftir degi á morgun.
Dagskráin er fjölbreytt en haldnir
verða fernir veglegir tónleikar með
landsþekktu tónlistarfólki.
„Við tókum við keflinu af Sigur-
geiri Agnarssyni, sem stjórnaði
hátíðinni síðustu átta árin. Við
Sigurður höfum margoft spilað
á hátíðinni þannig að við erum
öllum hnútum kunnug. Það er
yndislegt að koma í Reykholt, hér
svífur andi Snorra Sturlusonar
yfir vötnum og náttúrufegurðin er
alltumlykjandi. Reykholtskirkja er
rómuð fyrir fagran hljómburð, en
frá vígslu hennar hafa verið haldn-
ir um 800 tónleikar, minningar-
hátíðir og kirkjulegar athafnir,“
segir Þórunn, en kirkjan er hönnuð
sérstaklega fyrir hljómflutning.
Þangað hefur tónlistarfólk komið
sérstaklega til að æfa og taka upp
hljómplötur. „Reykholtshátíðin er
tvímælalaust einn af stærstu við-
burðum sumarsins í tónlistarlífi
landsins,“ segir Þórunn, en hátíðin
hefur ávallt verið haldin í kringum
vígsluafmæli Reykholtskirkju, sem
ber upp á síðasta sunnudag júlí-
mánaðar.
Margir fylgt hátíðinni frá upphafi
Listamenn hátíðarinnar í ár hafa
margir hverjir verið tíðir gestir
á Reykholtshátíð og jafnvel fylgt
hátíðinni frá upphafi. „Þær Auður
Hafsteinsdóttir fiðluleikari og
Bryndís Halla Gylfadóttir selló-
leikari eru þeirra á meðal. Aðrir
eru að koma fram í fyrsta sinn á
hátíðinni, svo sem Herdís Anna
Jónasdóttir sópransöngkona, sem
syngur óperuaríur og sönglög og
Sigurbjörn Bernharðsson fiðluleik-
ari. Hann er búsettur í Bandaríkj-
unum og það hefur lengi staðið til
að fá hann til að spila á hátíðinni,
og við erum því mjög glöð yfir að
hann gat verið með í ár. Yngri flytj-
endur munu láta líka í sér heyra en
þau Gunnhildur Daðadóttir fiðlu-
leikari og Bjarni Frímann Bjarna-
son, píanó- og víóluleikari, spila
líka á hátíðinni,“ segir Þórunn, en
þau Sigurður Bjarki koma einnig
fram og spila á sín hljóðfæri.
Tónagaldur í Reykholti
Bryndís Halla, Sigurður Bjarki, Gunnhildur, Sigurbjörn, Auður og Þórunn Ósk eru á meðal flytjenda á Reykholtshátíð um helgina. Þar
verður frumflutt nýtt verk eftir Ingibjörgu Ýr Skarphéðinsdóttur, sem er innblásið af ljóðum Þorsteins frá Hamri. FRÉTTABLAÐIÐ/EYÞÓR
Dagskrá Reyk-
holtshátíðar er
metnaðarfull að
vanda.
MYND/AÐSEND
Þórunn Ósk og Sigurður Bjarki eru listrænir stjórnendur
hátíðarinnar í ár og koma einnig fram. FRÉTTABLAÐIÐ/EYÞÓR
Afmælisárið setur mikinn svip á
dagskrána þetta árið
Þegar þeim Þórunni og Sigurði
Bjarka var falið að undirbúa Reyk-
holtshátíð langaði þau strax að
tengja hana við afmælisárið og
gera eitthvað sérstakt í því tilefni.
„Sú hugmynd kom fljótlega
upp að heiðra minningu ljóð-
skáldsins Þorsteins frá Hamri, sem
var ættaður úr Borgarfirðinum og
gekk í héraðsskólann í Reykholti.
Ástráður Eysteinsson bókmennta-
fræðingur flytur fyrirlestur um
verk hans klukkan eitt í dag,“ upp-
lýsir Þórunn.
Jafnframt samdi Ingibjörg Ýr
Skarphéðinsdóttir nýtt verk, þar
sem sautján ljóðum úr smiðju Þor-
steins er fléttað saman í eitt verk.
Verkið er sannkallaður tóna-
galdur í kringum ljóðin, sem
skapar ótrúlega fallega stemningu,
að sögn Þórunnar.
Á morgun spilar Steinunn Birna
Ragnarsdóttir á píanó, en hún kom
að stofnun tónlistarhátíðarinnar
á sínum tíma og var um árabil
listrænn stjórnandi hennar. „Í
kvöld spilum við sellókvintett eftir
Glazunov, sem hefur sjaldan eða
jafnvel aldrei verið fluttur á Íslandi
og á morgun er grand finale með
stórbrotnum strengjasextett eftir
Brahms,“ segir Þórunn.
Um einn og hálfan tíma tekur
að keyra frá Reykjavík í Reykholt
og segir Þórunn það upplagðan
helgarbíltúr. „Hér í kringum Reyk-
holt eru ótal gistimöguleikar og
margt að skoða, ef áhugi er á að
gera meira úr ferðinni.“ n
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
Nán ri upplýsi ar um blaðið veitir
J
Sí
ó
m
n Í
i 5
va
5
r
0 5
Vil
6
h
5
el
4 /
ms
j
s
oni
on
v

ar
ma
@
rk
fr
a
e
ð
t
s
t
f
a
u
b
ll
la
tr
di
úi
d

MARAÞON
Veglegt sérblað Fréttablaðsins
um maraþon kemur út föstudaginn 30. júlí nk.
Tryggðu þér gott auglýsingapláss
í langmest lesna dagblaði landsins.
6 kynningarblað A L LT 24. júlí 2021 LAUGARDAGUR