Fréttablaðið - 24.07.2021, Blaðsíða 64

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Þegar ég var lítil elskaði ég jólin.
Góður matur, jólaljós og pakkar.
Pakkarnir spiluðu auðvitað stórt
hlutverk og frá einum meðlimi
fjölskyldunnar fékk ég alltaf einn
auka pakka. Hún átti tvö vídeó-
tæki. Leigði spólur sem hún svo
tvöfaldaði og gaf okkur systkin-
unum í jólagjöf.
Oft voru tvær myndir á sömu
spólunni og í miklu uppáhaldi
var sú sem á var bæði Aladdín og
Mjallhvít og dvergarnir sjö. Ég
horfði á Mjallhvíti syngja í skóg-
inum umvafða dýrum sem skildu
hana og hún skildi þau. Á fingrum
hennar sátu fuglar sem tóku undir
söng hennar og mig dreymdi um
að vera eins og hún.
Í kjölfar mikils áhorfs á Mjall-
hvíti fór ég að elska fuglasöng.
Söngur svartþrasta og hnegg
hrossagauka veitti mér einhverja
vellíðunartilfinningu og jafnvel
garg í máfi minnti mig á Mjall-
hvíti.
Ein jólin, mörgum árum síðar,
fékk ég vekjaraklukku í jóla-
gjöf. Vekjaraklukkan svæfði mig
með öldunið og vakti mig með
sólarupprás og fuglasöng. Fyrstu
dagarnir með klukkunni voru
frábærir, ég hef aldrei sofnað og
vaknað betur.
Eftir nokkra morgna til viðbótar
með klukkunni góðu sá ég ekki
lengur Mjallhvíti í hillingum þegar
ég heyrði fuglasöng heldur minnti
hann mig á það leiðinlegasta sem
ég geri, að vakna á morgnana.
Þegar ég heyri svartþröstinn
syngja langar mig helst að skjóta í
hann poppbaun úr túttubyssu.
Ég er því í valþröng, vil ég
minnast Mjallhvítar og fuglanna
eða sofna við ölduniðinn? Ég er
samt líka meðvituð um að þetta sé
lúxusvalþröng og er fegin að þurfa
til dæmis ekki að taka ákvarðanir
varðandi takmarkanir innanlands
eða á landamærunum. n
Fuglasöngur
SUMARFRÍ
26 kr.
4 VIKUR
AFSLÁTTUR
Skráðu þig á orkan.is
FRÉTTIR, FÓLK &
MENNING
á Hringbraut
Birnu Drafnar
Jónasdóttur
n Bakþankar