Morgunblaðið - 03.04.2021, Side 6

6 FRÉTTIRInnlent
MORGUNBLAÐIÐ LAUGARDAGUR 3. APRÍL 2021
ÞARFT ÞÚ
AÐ SELJA?
Hvort sem þú þarft að kaupa, selja,
leigja eða fá verðmat þá er ég
reiðubúin að liðsinna þér.
HB FASTEIGNIR
Hrafnhildur Bridde
Löggiltur fasteignasali
Sími 821 4400
hrafnhildur@hbfasteignir.is
Kringlan 7, 103 Reykjavík – Sími 821 4400 – hbfasteignir.is
YFIR 25 ÁRA REYNSLA
VIÐ SÖLU FASTEIGNA
ÞEKKING - ÞJÓNUSTA - ÞINN HAGUR
GLEÐILEGA PÁSKA
Oddur Þórðarson
oddurth@mbl.is
Sveitarstjórar í Skútustaðahreppi og
Mýrdalshreppi segja að aðilar í
ferðaþjónustu séu klárir í bátana ef
verður af góðu ferðasumri. Kórónu-
veirufaraldurinn hefur enda kippt
fótunum undan mörgum sveitar-
félögum á landinu, sem reiddu sig
orðið mikið á ferðaþjónustu.
Sveinn Margeirsson, sveitarstjóri
Skútustaðahrepps, segir við Morg-
unblaðið að fólksfækkun hafi orðið í
hreppnum eftir að heimsfaraldurinn
skall á. Hins vegar hafi sú þróun nú
hætt og allt stefnir í að fólki muni
frekar fjölga en fækka þegar tekur
að sumra. Sveinn segir einnig að úr-
ræði hins opinbera, til þess að dempa
áhrif faraldursins á mikilvægar at-
vinnugreinar, hafi reynst aðilum í
ferðaþjónustu á svæðinu vel.
„Ég veit um nokkra aðila sem hafa
verið að ráða, þá með stuðningi ráðn-
ingarstyrkja hjá Vinnumálastofnun,
og svona heilt yfir held ég að þessi
úrræði sem voru kynnt hafi virkað
ágætlega, þótt það sé auðvitað ekk-
ert sjálfgefið.“
Sjálfbær uppbygging
Sveinn segir jafnframt að þörf sé á
viðspyrnu strax, en á sama tíma
sjálfbærri uppbyggingu til lengri
tíma litið. „Við höfum verið að leggja
áherslu á samstarf við Vatnajökuls-
þjóðgarð. Við hyggjum loksins á al-
vöruuppbyggingu, sem er eitthvað
sem við höfum verið að bíða eftir
lengi.“
Þorbjörg Gísladóttir, sveitarstjóri
Mýrdalshrepps, tekur í sama streng
og kollegi hennar í Skútustaða-
hreppi, og segir að fólk í og við Vík í
Mýrdal sé reiðubúið að anna eftir-
spurn í sumar og í haust. Áður en
nýjar og hertar sóttvarnaaðgerðir
tóku gildi innanlands sáust gjarnan
Íslendingar í Vík, sér í lagi um helg-
ar. Í þokkabót voru erlendir ferða-
menn farnir að láta sjá sig á svæðinu,
eitthvað sem Þorbjörg segir að sé
gleðiefni.
„Ég held að menn séu alveg til-
búnir í slaginn. Við gerum ráð fyrir
Íslendingum nú í sumar en kannski
fleiri erlendum ferðamönnum í
haust. Annars höfum við verið að sjá
erlenda ferðamenn núna um
páskana, ekkert í líkingu við það sem
var, en samt sem áður eitthvað. Við
höfum verið að sjá bíla niðri við Sól-
heimasand til að mynda,“ segir Þor-
björg.
Hún segir aðspurð að sveitar-
stjórnin hafi ekki verið í miklu sam-
ráði við aðila í ferðaþjónustunni
vegna fyrirhugaðrar viðspyrnu í
geiranum eftir faraldurinn. Að henn-
ar sögn þekkja þeir markaðinn best
sem með honum fylgjast, sem eru
ferðaþjónustuaðilarnir sjálfir.
Fólk í ferðaþjónustu klárt í bátana
- Mögulegri eftirspurn verður annað, segja sveitarstjórar - Erlendir ferðamenn sést víða um páskana
Sveinn
Margeirsson
Þorbjörg
Gísladóttir
„Þetta kom satt að segja alveg
flatt upp á mig,“ segir Hannes
Hólmsteinn Gissurarson prófessor
í samtali við Morgunblaðið eftir
heimsókn á Bessastaði til Guðna
Th. Jóhannessonar, forseta Ís-
lands, á þriðjudag.
„Ég fékk boð um það frá for-
setaskrifstofu að koma til Bessa-
staða og þá pússar maður bara
skóna og hlýðir!“
Erindi forsetans var að ræða við
dr. Hannes um nýútkomnar bækur
hans, þætti um 24 hugsuði, sem
falla að borgaralegum lífsskoð-
unum, bæði íhaldsmenn og frjáls-
hyggjumenn.
„Guðni er fræðimaður í forseta-
stóli, svo við áttum fróðlegt og
skemmtilegt spjall um sögu og
hugmyndir – sögu Íslands jafnt og
mannkyns. Þetta var ákaflega
gaman og forsetinn alúðlegur,
eins og honum er líkt,“ segir dr.
Hannes.
Báru sam-
an bækur
á Bessa-
stöðum
Forseti Íslands bauð dr. Hannesi Hólmsteini til Bessastaða að ræða nýjar bækur hans
Halldór Hreinsson, eigandi Fjalla-
kofans, segir að vikan nú fyrir páska
hafi verið betri en vikan fyrir jól. Í
Fjallakofanum fæst allt til útivistar,
allt frá höfuðljósum til mannbrodda
og útivistarfatnaðar. Lesendur
Morgunblaðsins geta því auðveldlega
gert sér í hugarlund hversu mikið
hefur verið að gera í Fjallakofanum
að undanförnu, enda hafa um 30 þús-
und Íslendingar farið að gosstöðv-
unum í Geldingadölum á þeim tveim-
ur vikum síðan byrjaði að gjósa.
Sá stærsti frá upphafi
„Gos í bakgarðinum er mikill hval-
reki, það er alveg klárt. Þessi vika
fyrir páska var stærri en jólin, það er
að segja stærri en síðustu dagar fyrir
jól. Síðasti þriðjudagur var sá stærsti
frá upphafi,“ segir Halldór við Morg-
unblaðið.
„Fólkið flæðir eins og hraunið
hingað inn,“ bætir hann við.
Halldór segist vera í góðum sam-
skiptum við birgja erlendis og því
hafi tekist ágætlega að halda lag-
ernum frá því að tæmast. Hins vegar
kláruðust höfuðljós síðasta þriðju-
dag, en sending á miðvikudaginn
breytti því þó til hins betra.
Það sem selst hvað mest, að sögn
Halldórs, eru einmitt höfuðljósin og
skóbúnaður. Bæði þá gönguskór og
mannbroddar og keðjur undir þá.
Opið er í Fjallakofanum í dag,
laugardag, og Halldór er bjartsýnn
að ná að anna eftirspurn eftir páska.
Halldór segir einnig að starfsfólk
Fjallakofans hafi átt fullt í fangi með
að sinna öllum viðskiptavinum og
gæta þess að sóttvarnareglum sé
fylgt á sama tíma, svo mikil er eft-
irspurnin.
Meira að gera í vikunni fyrir
páska en í vikunni fyrir jól
- Mannbroddar og höfuðljós rjúka út í Fjallakofanum
Morgunblaðið/Árni Sæberg
Álag Halldór Hreinsson, eigandi Fjallakofans, hefur haft mikið að gera.