Fréttablaðið - 23.09.2021, Side 36

Starri Freyr
Jónsson
starri
@frettabladid.is
Frumlegur fatnaður ein-
kennir meðlimi hljóm-
sveitarinnar Skoffín, sem nú
vinnur að þriðju plötu sinni.
Tveir meðlimir sveitarinnar
sýna lesendum úrval úr
fataskápum sínum, þar sem
notuð föt gegna stóru hlut-
verki.
Hljómsveitin Skoffín byrjaði
sem hugarfóstur söngvarans,
lagasmiðsins og gítarleikarans
Jóhannesar Bjarka, sem gaf út
plötuna Skoffín bjargar heiminum
árið 2019. Fljótlega eftir útgáfu
hennar má segja að verkefnið hafi
breyst í hljómsveit og við bættust
þeir Auðunn Orri, Sævar Andri og
Bjarni Daníel.
Á síðasta ári gaf sveitin út Skoffín
hentar íslenskum aðstæðum, en
segja má að tónlist hennar sé nokk-
urs konar blanda af post-pönki og
indírokki. Meðlimir Skoffíns leggja
mikið upp úr líflegri sviðsfram-
komu og ekki síður frumlegum
fatnaði, sem Jóhannes segir þá ein-
mitt nota til að miðla tónlist þeirra
og framkomu betur. „Það sem er
helst fram undan hjá okkur næstu
mánuði er áframhaldandi vinna
við gerð nýrrar plötu með Árna
Hjörvari Árnasyni, bassaleikara
The Vaccines, en hann tók einmitt
upp síðustu plötu okkar.“
Jóhannes og Bjarni sýna hér les-
endum inn í fataskápa sína og svara
nokkrum spurningum.
Hvernig hefur tískuáhugi þinn
þróast undanfarin ár?
Jóhannes: Ég hef lengi haft áhuga
á tísku en síðustu ár hef ég nýtt til
þess að þróa með mér persónu-
legan stíl. Ég er farinn að hafa meiri
áhuga á betri nýtingu fatnaðar og
sjálfbærri framleiðslu í klæðnaði.
Að sama skapi hef ég reynt að láta
fötin kalla á mig, en ekki öfugt. Mér
finnst mikilvægt að finna flík sem
ég er tilbúinn til að eiga lengi og er
þess virði að viðhalda.
Bjarni: Ég er kannski ekki beint
með brennandi áhuga á tísku
en hef almennt reynt að velja föt
sem hafa tímalaust útlit, þar sem
ég vinn mikið með grunnliti og
jarðtóna. Yfirleitt reyni ég að hafa
þægilegheitin í fyrirrúmi en það
eru 2-3 ár síðan ég áttaði mig á því
hvað það skiptir miklu máli upp
á að líða vel dagsdaglega að vera
í þægilegum fötum. Síðan hef ég
ekki látið mér detta í hug að kaupa
einu sinni smá óþægilega flík.
Vilja láta fötin
kalla á sig
Jóhannes (t.v.) í Levi’s-gallabuxum. Levi’s-gallajakkinn kemur frá bróður hans
og er myndskreyttur af Karan Kandhari. Skyrtan er úr kjallara Jörmundar
gamla. Bjarni er í bol og Lee-gallabuxum úr Rauða krossinum. Blái jakkinn er
eign kærustunnar og Vans-skórnir eru mikið notaðir enda sturlað þægilegir.
Jóhannes (t.v.) er hér í uppáhalds fínu fötunum sínum. Flauelsbuxur og rúllukragabolur eru úr
Kormáki og Skildi. Jakkinn kemur af nytjamarkaði. Bjarni klæðist buxum og bol úr Rauða kross-
inum. Vínrauðu Doc Martens-skórnir voru keyptir á flóamarkaði í Dublin. FRÉTTABLAÐIÐ/VALLI
Jóhannes (t.v.) klæðist Levi’s-gallabuxum og Wrangler-peysu. Úlpan er eldgömul ÍTR-úlpa sem
hann fann í geymslu. Coca-Cola-trefill og Aldrei fór ég suður húfa. Bjarni er í Sketchers-skóm sem
voru keyptir í Verslanahöllinni við Laugaveg. Peysa og Levi’s-buxur voru keypt í Rauða krossinum.
Hvar kaupir þú helst fötin þín?
Jóhannes: Ég kaupi fötin mín
helst notuð. Helstu verslanir sem
ég sæki í eru Rauðakrossbúð-
irnar, Hertex, Fatamarkaðurinn
á Hlemmi og svo kjallarinn hans
Jörmundar.
Bjarni: Ég kaupi bara notuð föt
og versla mest í Rauðakrossbúð-
unum. Annars er ég líka duglegur
að hirða föt af vinum og fjölskyldu-
meðlimum þegar þeir eru að losa
sig við dót. Það er náttúrulega bæði
ódýrasta og umhverfisvænasta
leiðin til að eignast föt.
Hvaða litir eru í uppáhaldi?
Jóhannes: Rauður er uppáhalds-
liturinn minn, en undanfarið hef ég
frekar klæðst jarðlitum. Svo er fátt
sem jafnast á við bláar gallabuxur.
Bjarni: Allir litir eru bestir! En
ég er búinn að vera að vinna mikið
með bláan og brúnan upp á síð-
kastið.
Áttu minningar um gömul tísku-
slys?
Jóhannes: Ég man eftir að hafa
spilað tónleika í R6013 þar sem við
klæddumst allir svörtum rusla-
pokum. Það var drasl.
Bjarni: Í nokkur ár gekk ég í
þröngum gallabuxum nánast á
hverjum degi. Eftir á að hyggja
var það hálfgert tískuslys, því það
var ekki mjög þægilegt og gengur
eiginlega gegn einu tískureglunni
minni í dag, sem er að ganga bara í
þægilegum fötum.
Hvaða þekktir einstaklingar eru
svalir þegar kemur að tísku?
Jóhannes: Ég ætla að segja Bríet.
Mér finnst stíllinn hennar mjög
metnaðarfullur og flottur. Svo er
það Born in the USA Bruce Springs-
teen. Einfaldur. Geggjaður.
Bjarni: Ágúst Elí vinur minn er
mjög flottur! Mikill töffari og „fel-
low“ Rauðakrossmaður. Svo finnst
mér stelpurnar í Gróu líka vera með
mjög „iconic“ stíl.
Hvaða flíkur hefur þú átt lengst
og notar enn?
Jóhannes: Það er líklegast svört
dressskyrta sem ég erfði frá afa
mínum heitnum.
Bjarni: Ég og systir mín deila
forræði yfir brúnni ullarkápu sem
pabbi okkar átti þegar hann var í
háskólanum í níunni. Hún er allt of
stór en mjög hlý og notaleg. Ég hef
klæðst henni reglulega í nokkur ár.
Áttu eina uppáhaldsflík?
Jóhannes: Flauelsbuxurnar
mínar sem ég fékk í jólagjöf frá
systur minni hreppa heiðurinn.
Bjarni: Ég á eina risastóra svarta
hettupeysu sem mér áskotnaðist
einhvern tímann. Nota hana
nánast daglega sem aukalag yfir
veturinn. Svo eru Vans-striga-
skórnir mínir líka búnir að vera
ákveðinn fasti í nokkur ár.
Bestu og verstu fatakaupin?
Jóhannes: Grænn síðfrakki frá
Jörmundi eru bestu fatakaupin.
Stór og sovéskur jakki sem er full-
kominn á veturna. Verstu fata-
kaupin er allt of stór gallaskyrta
með skallaörnum á öxlunum. Hún
er samt smá geggjuð.
Eyðir þú miklum peningum í föt
miðað við jafnaldra þína?
Jóhannes: Ég er nískupúki og
þarf helst að vera búinn að ákveða
með miklum fyrirvara hvað mig
vantar. Svo er auðvitað miklu hag-
kvæmara að kaupa notað.
Bjarni: Ég eyði alls ekki miklum
pening í föt og kaupi bara notuð
föt, sem er auðvitað miklu ódýrara
en að kaupa ný föt. n
Annars er ég líka
duglegur að hirða
föt af vinum og fjöl-
skyldumeðlimum þegar
þeir eru að losa sig við
dót.
Bjarni Daníel
Síðumúli 31 - 108 Reykjavik - S: 562-9018 / 898-5618
info@arcticstar.is - www.arcticstar.is
SÆBJÚGNAHYLKI +D3 FYRIR HEILSUNA
Arctic Star sæbjúgnahylki+D3 innihalda yfir fimmtíu
tegundir af næringarefnum og eru þekkt fyrir:
• Hátt próteininnihald og lágt fituinnihald
• Að minnka verki í liðum og liðamótum
• Að byggja upp brjósk og draga úr tíðni
liðskemmda
• Að bæta ónæmiskerfið
• Að auka blóðflæði
• Að auka orku líkamans, stuðla að
myndun húð- próteins og insúlíns
• Stuðla að eðlilegri upptöku kalsíums
og fosfórs
• Stuðla að viðhaldi beina, tanna og vöðva
• Stuðla að bættri starfsemi ónæmis-
kerfisins
• D-vítamín hefur hlutverki að gegna við
frumuskiptingu.
ÍSLENSK FRAMLEIÐSLA,
Framleiðandi er Arctic Star ehf.
Allar nánari upplýsingar fast á
www.arcticstar.is
Arctic Star Sæbjúgnahylki +D3
Varan fæst í flestum apótekum, heilsubúðum,
Hagkaupum, og Fjarðakaup.
6 kynningarblað A L LT 23. september 2021 FIMMTUDAGUR