Morgunblaðið - 21.04.2021, Blaðsíða 4

ÁHRIF KÓRÓNUVEIRUNNAR Á ÍSLANDI4
MORGUNBLAÐIÐ MIÐVIKUDAGUR 21. APRÍL 2021
Um 5.500 manns voru bólusettir hjá
Heilsugæslunni á höfuðborgarsvæð-
inu í gær og 2.100 sýni voru tekin á
Suðurlandsbrautinni. „Þetta var
hörkudagur,“ sagði Óskar Reyk-
dalsson, forstjóri Heilsugæslunnar á
höfuðborgarsvæðinu.
Í gær voru aðallega bólusettir ein-
staklingar 65 ára og eldri með undir-
liggjandi sjúkdóma og í dag eru boð-
aðir í bólusetningu þeir sem eru 65
ára og yngri með undirliggjandi
sjúkdóma. Von er á álíka mörgum í
bólusetningu og í gær. Byrjað er á
þeim sem eru með erfiðustu sjúk-
dómana.
Í vikunni verða yfir 12.000 ein-
staklingar bólusettir við Covid-19.
9.400 þeirra verða bólusettir með
bóluefninu frá Pfizer og 2.600 ein-
staklingar verða bólusettir með
bóluefninu frá Moderna.
Um helgina er svo áætlað að flytja
bólusetningar yfir í stóra salinn í
Laugardalshöll. „Og svo keyrum við
stóran dag á miðvikudaginn, mjög
stóran,“ sagði Óskar. Aðspurður
sagði Óskar að um væri að ræða um
8.000-9.000 skammta. „En svo þarf
náttúrlega allt að ganga upp svo
þetta verði,“ sagði Óskar og bætti
við: „Þetta er mjög spennandi, þetta
er allt að koma.“
gunnhildursif@mbl.is
Miklar annir í sýnatökum og bólusetningu
- Yfir 12.000
einstaklingar
bólusettir í vikunni
Morgunblaðið/Eggert
Bólusetning og sýnataka 5.500 einstaklingar voru bólusettir á höfuðborgarsvæðinu í gær. 2.100 fóru í sýnatöku á Suðurlandsbrautinni.
Veronika Steinunn Magnúsdóttir
veronika@mbl.is
Stjórnvöld áforma að aflétta öllum
takmörkunum vegna faraldursins
fyrir 1. júlí, gangi bólusetningar-
áætlun eftir. Kom þetta fram á
blaðamannafundi ríkisstjórnarinnar
sem haldinn var í Hörpu í gær.
Samkvæmt henni verða allir yfir
70 ára bólusettir fyrir 1. maí, allir yf-
ir 60 ára fyrir 1. júní og loks allir yfir
16 ára fyrir 1. júlí.
Áslaug Arna Sigurbjörnsdóttir
dómsmálaráðherra segir ánægju-
legt að góður gangur bólusetningar
skili sér til landsmanna: „Þetta er
verðskuldað fyrir fólkið hérlendis
sem hefur staðið sig afar vel í bar-
áttunni við faraldurinn hér á landi.
Það er gott að sjá til sólar eftir svona
langt tímabil, þar sem hefur reynt á
marga þætti samfélagsins. Verkefn-
ið framundan er brýnt eftir sem áð-
ur en það er ánægjulegt að lands-
menn geti brátt lifað eðlilegra lífi.“
Búast við stuðningi þingsins
Hefur ríkisstjórnin ákveðið að
ráðast í hertar aðgerðir á landa-
mærunum og leggur heilbrigðisráð-
herra frumvarp þess efnis fyrir
þingið í dag en frumvarpinu var
dreift til þingmanna í gærkvöld. Í
því felst heimild til þess að skikka
ferðamenn frá skilgreindum
áhættusvæðum í sóttvarnahús og
banna ónauðsynlegar ferðir til
landsins frá skilgreindum áhættu-
svæðum.
Svandís Svavarsdóttir heilbrigð-
isráðherra býst við stuðningi þings-
ins við frumvarpið:
„Málið er auðvitað lagt fram í
nafni ríkisstjórnarinnar. Þetta mál
er þess eðlis að við væntum þess að
það fái hraða og góða afgreiðslu í
þinginu,“ segir Svandís. Katrín Jak-
obsdóttir forsætisráðherra tók í
sama streng og sagði frumvarpið
lagt fram að vel ígrunduðu máli.
Spurð hvort hún telji frumvarpið
renna lagastoð undir aðgerðirnar
sem lagst verður í á landamærunum
sagði hún:
„Ég held að það frumvarp sem við
erum að leggja fram núna sé bara
mjög skýrt. Og taki allan vafa al-
gjörlega af. Ég held að það hafi
stuðning þingsins og hef þar vænt-
ingar um að þetta sé bara algjörlega
vilji löggjafans.“
Þórdís Kolbrún Gylfadóttir Reyk-
fjörð, nýsköpunar- og ferðamálaráð-
herra, segir að ferðaþjónustan muni
geta athafnað sig í sumar innan
þeirra marka sem sóttvarnareglurn-
ar setja. „Framgangur bólusetninga
hér innanlands hefur auðvitað áhrif
á ferðaþjónustuna,“ segir hún í sam-
tali við Morgunblaðið.
„Það er ekki langt síðan markaðir
innan Evrópu fóru að mælast sterk-
ari og fólk vildi fara fyrr af stað í
ferðalög þar heldur en í Bandaríkj-
unum. Það hefur snúist við. Banda-
ríkin eru að taka við sér, ferðaviljinn
er meiri og það hangir auðvitað sam-
an við bólusetningar,“ segir hún.
Icelandair hefur byrjað að sækja
á erlenda markaði þar sem bólusetn-
ing gengur vel, þar á meðal í Banda-
ríkjunum en fyrirtækið hefur þegar
hafið markaðssetningu á eldgosinu í
Geldingadölum, með stórri auglýs-
ingu á Times Square.
Holland, Frakkland, Pólland og
Ungverjaland eru þau fjögur Evr-
ópulönd sem eru með nýgengi smita
yfir 1.000 á hverja 100 þúsund íbúa
og munu því hertar aðgerðir á
landamærum beinast að þeim lönd-
um miðað við smittölur í dag.
Þann 1. júní mun ríkisstjórnin
innleiða svæðisbundið áhættumat
sem byggist á litakóðunarkerfi ESB
en þangað til verða hertar aðgerðir á
landamærunum í gildi, um leið og
frumvarp þess efnis hefur verið
samþykkt á Alþingi.
Stefnt að afléttingu fyrir 1. júlí
- Öllum takmörkunum aflétt um mitt
ár, gangi áætlanir stjórnvalda eftir
Tímabundnar hertar sóttvarnaaðgerðir á landamærunum Heimild:Stjórnarráðið
Dvöl í sóttkvíarhúsi
Heimilt verður á
tímabilinu 22. apríl
til 30. júní að skylda
farþega sem koma frá
löndum þar sem nýgengi
smita er yfir tilteknum
mörkum, þ.e. 1.000
nýsmit/100.000 íbúa,
til að dveljast í sótt-
kvíarhúsi.
Ef nýsmit eru á bilinu
750-1.000 þá verði sótt-
kvíarhús meginreglan en
þó verði heimilt að veita
undanþágu, t.d. ef fyrir
liggja trúverðug áform
um dvöl í fullnægjandi
húsnæði.
Kveðið verður á um
forsendur fyrir dvöl í
sóttvarnahúsi í reglugerð
heilbrigðisráðherra.
Auknar ferðatakmarkanir
Dómsmálaráðherra fær heimild
til þess að leggja bann við
ónauðsynlegum ferðum til og
frá há-áhættusvæðum (nýgengi
yfir 1.000/100.000) samkvæmt
tillögu sóttvarnalæknis.
Óbreyttar reglur um
vottorð og sýnatöku á
landamærum til 1. júní
Reglur um framvísun vottorða
og um sýnatökur á landamærum
verða óbreyttar a.m.k. til 1. júní.
Þeir sem framvísa
vottorði um
bólusetningu eða
fyrri sýkingu skulu
sæta einni sýnatöku
á landamærunum og
sæta reglum um sóttkví meðan
beðið er niðurstöðu.
Aðrir fara í tvöfalda sýnatöku og
fimm daga sóttkví á milli.
Morgunblaðið/Eggert
Í Hörpu Bjarni Benediktsson fjár-
málaráðherra og Katrín Jakobs-
dóttir forsætisráðherra.