Morgunblaðið - 21.04.2021, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 21. APRÍL 2021
Guðni Einarsson
gudni@mbl.is
„Ég kom vegna nýja eldgossins og
held að ég hafi náð einu myndinni
þar sem norðurljósin virðast stíga
upp úr eldfjallinu,“ sagði Max Milli-
gan, ljósmyndari frá Bretlandi.
Hann á að baki sex ferðir í Geldinga-
dali til að taka myndir af eldgosinu.
Þar af gekk hann fimm sinnum og
fór einu sinni með þyrlu Norður-
flugs. Þá ætlar hann líka að fljúga
yfir gosstöðvarnar með Circle Air.
Max gengur með 11 kíló af ljós-
myndabúnaði á bakinu og segir að
hnén og fæturnir séu farin að
kvarta. Í eitt skiptið var hann að
vinna með björgunarsveit og fékk að
vera lengur en til miðnættis.
„Ég var við að leggja af stað en
sneri mér við og þá voru norður-
ljósin komin. Klukkuna vantaði eina
mínútu í þrjú um nóttina. Myndavél-
in var opin í 20 sekúndur. Ég hef séð
myndir af eldlituðum gosmekkinum
og norðurljósum, en ekki eldjallinu
sjálfu og norðurljósum,“ sagði Max.
Litlu munaði að hann næði að taka
myndir af Holuhraunsgosinu 2015.
„Ég ætlaði í þyrlu en það var of
hvasst í bæði skiptin. Ég fór aftur til
Englands í þrjár vikur og kom svo til
að taka myndir af gosinu. En það
hætti að gjósa tveimur dögum áður
en ég kom til baka. Ég er bókstaf-
lega búinn að bíða í sex ár eftir eld-
gosi og í sex vikur eftir norður-
ljósum,“ sagði Milligan.
Hann hefur tekið myndir af fimm
gjósandi eldfjöllum víða um heim
síðustu tuttugu árin. Þeirra á meðal
eru Etna, Vesuvius og Stromboli á
Ítalíu og Bromo í Indónesíu.
„Eldgosið í Geldingadölum er
besta eldgos sem ég hef nokkru
sinni séð. Það slær öllum hinum við.
Ástæðan er hvað það er marg-
breytilegt. Sprungurnar og gígarnir
eru svo fjölbreytt. Maður kemst líka
svo nálægt eldgosinu. Hraunflæðið
er mjög sérstakt og stórkostlegt,
sérstaklega þegar dimmir,“ sagði
Milligan. Hann nefndi að gossvæðið
í Geldingadölum taki sífelldum og
örum breytingum. „Maður kemur
þangað aftur eftir tvo daga og það er
allt gjörbreytt! Stromparnir rísa og
brotna og hraunflæðið breytir um
stefnu. Meira að segja sprungurnar
eru alltaf að breytast. Ég hef aldrei
áður kynnst eldfjalli sem er jafn
ótrúlegt og stórkostlegt að heim-
sækja.“
Max Milligan þekkir Ísland betur
en margir heimamenn. Hann ferðað-
ist um landið þvert og endilangt í
þrjú ár. Til að kynnast landinu sem
best fór hann á togara og í göngur á
hestbaki. Hann tók myndir af Vig-
dísi Finnbogadóttur, fyrrverandi
forseta, og eins af Megasi. Afrakst-
urinn af því má sjá í ljósmyndabók
hans Ísland – Allt sem er (Iceland –
As it is) sem Nýhöfn gaf út 2018. Nú
langar hann að safna myndum í ann-
að bindi og ef til vill einnig sérstaka
bók um Geldingadalagosið.
„Ég hef gert mikið til að kynna Ís-
land á Englandi, haldið fyrirlestra,
áritað bækur og haldið sýningar. Ég
hef ferðast um heiminn og tekið ljós-
myndir í 35 ár. Ég hef gefið út sjö
ljósmyndabækur sem sumar hafa
ratað á metsölulista.
Það var allt lokað á Englandi en
ég var svo heppinn að fá boðsbréf frá
Íslandsstofu. Það að vera innilok-
aður í 15 mánuði var ótrúleg reynsla.
Ísland bókstaflega bjargaði sálarlífi
mínu,“ sagði Milligan.
Ljósmynd/Instagram: Maxmilliganphoto
Geldingadalir Síbreytilegt eldgosið í Fagradalsfjalli slær við öllum öðrum gosum sem Max Milligan hefur séð.
„Besta eldgosið sem ég
hef nokkru sinni séð“
- Max Milligan hefur farið sex sinnum að mynda gosið
Íslandsvinur Max Milligan.
Sigurður Pétursson,
lögreglumaður og at-
vinnukylfingur, lést 19.
apríl sl. í golfferð á La
Gomera á Spáni. Sig-
urður fæddist 29. júní
1960 í Reykjavík og var
því sextugur þegar
hann lést. Sigurður var
flestum kunnugur í
golfheiminum og sner-
ist líf hans um golf allt
frá því hann rölti ungur
að aldri úr Árbæjar-
hverfinu, þar sem hann
ólst upp, yfir á Grafar-
holtsvöll.
Aðeins 16 ára gamall var hann
fyrst valinn í landslið Íslands í golfi.
Sigurður varð þrívegis Íslandsmeist-
ari í höggleik en hann sigraði árin
1982, 1984 og 1985. Sigurður á fjöl-
marga aðra titla í golfíþróttinni og
var kosinn Íþróttamaður Reykjavík-
ur 1985. Það ár varð hann í 3. sæti í
kjöri á Íþróttamanni ársins.
Sigurður hóf að kenna golf í
Hvammsvík árið 1990 og starfaði
sem golfkennari Golfklúbbs Reykja-
víkur frá 1991 til ’97 og rak golf-
verslun í Grafarholti á þeim árum.
Samhliða sótti hann nám í
PGA-golfkennaraskólanum í Svíþjóð
og útskrifaðist úr honum 1994. Sig-
urður var brautryðjandi þegar kom
að golfæfingum á veturna og rak æf-
ingaaðstöðu á þremur mismuandi
stöðum í Reykjavík
Sigurður starfaði um tíma með
landsliðum Íslands í
golfi, bæði sem golf-
kennari og liðsstjóri
og einnig sem liðs-
stjóri með keppnis-
liðum Golfklúbbs
Reykjavíkur. Hann
starfaði reglulega sem
fararstjóri í golf-
ferðum og vann sem
slíkur fyrir ferðaskrif-
stofuna Aventura síð-
ustu ár. Hann eign-
aðist sinn fyrsta hest
2010 og var mikill
hestamaður frá þeim
tíma.
Sigurður útskrifaðist úr Verzl-
unarskóla Íslands 1978. Hann hóf
störf fyrir lögregluna í Reykjavík
1986, útskrifaðist úr Lögregluskól-
anum 1988 og starfaði sem lög-
reglumaður til dánardags með hléi
frá 1991 til ’97. Sigurður lærði húsa-
smíði sem ungur maður og starfaði
um tíma við húsasmíði á samningi
hjá Olís.
Foreldrar Sigurðar voru Pétur J.
Pétursson og Ragnheiður Guð-
mundsdóttir og systkini hans eru
Guðmundur, Anna Bára og Ingi-
björg.
Eiginkona Sigurðar er Guðrún
Ólafsdóttir og kynntust þau á Graf-
arholtsvelli 1978. Sigurður lætur eft-
ir sig fimm börn, þau Pétur Óskar,
Hannes Frey, Hönnu Lilju, Ragnar
og Önnu Margréti. Guðrún átti fyrir
Ólaf, sem búsettur er í Svíþjóð.
Sigurður Pétursson
Guðmundur Stein-
grímsson, trommari og
frumkvöðull íslenskrar
jazztónlistar, lést 16.
apríl sl., 91 árs að aldri.
Guðmundur, oft
nefndur Papa Jazz,
fæddist 19. október
1929 í Hafnarfirði og
ólst þar upp. Foreldrar
hans voru hjónin Stein-
grímur Steingrímsson
verkamaður og Hall-
gerður Lára Andrés-
dóttir verkakona.
Guðmundur spilaði
undir á mörgum af
frægustu dægurlagaperlum sjötta
og sjöunda áratugarins og var einn
helsti jazztónlistarmaður landsins.
Guðmundur var einna frægastur
fyrir spilamennsku sína í KK-
sextettinum, sem spilaði undir á
feikimörgum plötum og urðu mörg
laganna á plötunum geysivinsæl.
Einnig var Guðmundur í Tríói
Guðmundar Ingólfs-
sonar, sem lék m.a.
með Björk Guðmunds-
dóttur á plötunni Gling
gló sem er söluhæsta
jazzplatan sem gefin
hefur verið út hér á
landi.
Guðmundur tók þátt
í að móta tónlistarlíf
Íslendinga á ofan-
verðri síðustu öld og
ruddi veginn fyrir
marga stærstu jazz-
tónlistarmenn Íslands.
Ævisaga Guðmundar,
Papa Jazz, kom út árið
2009, sem Árni Matthíasson blaða-
maður skrásetti.
Eftirlifandi eiginkona Guðmundar
er Helga D. Benediktsdóttir. Fyrri
eiginkona var Sesselja Unnur Guð-
mundsdóttir, d. 2018. Guðmundur og
Unnur eignuðust fjögur börn; Kjart-
an, Guðrúnu, Láru, Steingrím og
Helgu.
Guðmundur Steingríms-
son, Papa Jazz
Andlát