Morgunblaðið - 20.05.2021, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 20. MAÍ 2021
Aðalfundur Búmanna hsf.
Aðalfundur Búmanna hsf., verður haldinn þriðjudaginn
15. júní 2021 og hefst hann kl. 14.00 í Gullteig á
Grand Hótel við Sigtún í Reykjavík.
Í samræmi við 13. gr. samþykkta Búmanna verður félagsmönnum
sem búa í meira 200 km. akstursfjarlægð frá tilgreindum
aðalfundarstað gefinn kostur á að mæta og taka þátt í
aðalfundinum í gegnum fjarfundarbúnað á fjarfundarstað.
Fjarfundarstaður verður á Hótel Kea, Hafnarstræti 87-89
á Akureyri. Nánar vísast til reglna um rafræna þátttöku á
félagsfundum Búmanna sem eru aðgengilegar á vef Búmanna
www.bumenn.is.
Innskráning á fundinn á aðalfundarstað og fjarfundarstað hefst
kl. 13.00 og eru félagsmenn hvattir til að mæta tímanlega til
skráningar.
Aðalfundurinn er opinn öllum félagsmönnum Búmanna og hafa
þeir málfrelsi, tillögurétt og atkvæðisrétt á fundinum. Hver
félagsmaður má fara með umboð frá einum öðrum félagsmanni.
Framboðsfrestur til stjórnarkjörs er til þriðjudagsins 1. júní 2021.
Framboðum skal skila á netfangið gunnarkr@bumenn.is.
Dagskrá aðalfundar Búmanna er í samræmi við
samþykktir félagsins sem hér segir:
1. Setning aðalfundar og kosning fundarstjóra og fundarritara.
2. Skýrsla stjórnar fyrir starfsárin 2019 og 2020 og umræður
um hana.
3. Framlagning ársreikninga fyrir starfsárin 2019 og 2020,
umræða og afgreiðsla.
4. Ákvörðun um hvernig ráðstafa skuli rekstrarafgangi eða
bregðast við ef tap verður á rekstri félagsins.
5. Kynning á ákvörðun stjórnar um fjárhæð félagsgjalda,
inntökugjalda, þjónustugjalda og annarra gjalda sem
ákveðin er af stjórn félagsins samkvæmt samþykktum þess.
6. Ákvörðun gjalds í viðhaldssjóð félagsins.
7. Ákvörðun um framlag til varasjóðs félagsins.
8. Tillögur til breytinga á samþykktum félagsins.
9. Kosning formanns til eins árs.
10. Kosning tveggja meðstjórnenda til tveggja ára.
11. Kosning þriggja varamanna í stjórn til eins árs.
12. Ákvörðun um þóknun stjórnarmanna.
13. Kosning löggilts endurskoðanda til eins árs og tveggja
skoðunarmanna og eins til vara, alla til eins árs.
14. Kosning þriggja manna kjörnefndar.
15. Kynning á úttekt á fjárhag, skuldbindingum og starfsemi
Búmanna hsf. sbr. 1. mgr. 6.gr.a. í lögum um
húsnæðissamvinnufélög nr. 66/2003 með síðari breytingum.
16.Önnur mál.
Höskuldur Daði Magnússon
hdm@mbl.is
Bygging nýs knatthúss íþrótta-
félagsins Hauka á Ásvöllum í Hafn-
arfirði mun hafa umtalsverð um-
hverfisáhrif á svæðinu og
nauðsynlegt er að fram fari mat á
umhverfisáhrifum af hennar völdum
sem og annarra framkvæmda á
svæðinu. Þetta er mat sérfræðinga
Umhverfisstofnunar.
Niðurstaða Umhverfisstofnunar
kemur fram í svari við erindi Skipu-
lagsstofnunar. Er það mat sérfræð-
inga að bygging knatthússins muni
hafa talsvert neikvæð sjónræn áhrif
innan friðlandsins að Ástjörn og
hætta sé á að að framkvæmdin hafi
varanleg áhrif á vatnafar Ástjarnar
og lífríki hennar, en að mögulega
megi koma í veg fyrir þau áhrif með
mótvægisaðgerðum.
Geti valdið raski í friðlandi
Rósa Guðbjartsdóttir, bæjarstjóri
Hafnarfjarðar, tók fyrstu skóflu-
stunguna að knatthúsi í fullri stærð í
síðasta mánuði þegar 90 ára afmæli
Knattspyrnufélagsins Hauka var
fagnað. Lítil ánægja virðist vera með
þá athöfn hjá sérfræðingum Um-
hverfisstofnunar og benda þeir á að
niðurstaða umhverfismats þurfi að
liggja fyrir áður en leyfi sé veitt til
nokkurra framkvæmda. Á Ásvöllum
er ráðgert að reisa knatthús, íbúðir,
skrifstofu- og þjónustuhús, púttvöll,
fjölnota velli, æfingavelli og göngu-
stíga að því er fram kemur í fram-
kvæmdalýsingu. Tveir fram-
kvæmdakostir eru bornir saman;
annars vegar án íbúða og með knatt-
húsi um miðja lóð samkvæmt gild-
andi deiliskipulagi og hins vegar
framkvæmd samkvæmt nýrri skipu-
lagstillögu með íbúðum og knatthúsi
á norðausturenda lóðar. Byggingar-
reitur knatthúss í nýju skipulagi
mun liggja meðfram mörkum frið-
landsins við Ástjörn og er hætta á að
framkvæmdin geti valdið raski innan
friðlandsins að mati Umhverfisstofn-
unar.
Knatthúsið verið mjög
áberandi í landslaginu
„Umhverfisstofnun telur útséð að
knatthúsið verði mjög áberandi og
líklega ráðandi einkenni í landslagi
friðlandsins. Framkvæmdin mun lík-
lega hafa veruleg áhrif á upplifun
gesta sem fara um friðlandið og fólk-
vanginn og stunda þar útivist,“ segir
í mati stofnunarinnar.
Þá segir Umhverfisstofnun að
verði farið eftir gildandi deiliskipu-
lagi fylgi því minna rask á nútíma-
hrauni á svæðinu en ef ráðist verði í
að breyta deiliskipulagi til að koma
einnig fyrir íbúðum á svæðinu.
„Ekki eru að mati stofnunarinnar
færð nægilega góð rök í tilkynning-
arskýrslu um nauðsyn breytingar-
innar.“
Knatthús Hauka fari í umhverfismat
- Umhverfisstofnun telur að framkvæmdir á Haukasvæðinu á Ásvöllum í Hafnarfirði muni hafa
umtalsverð umhverfisáhrif - Bæjarstjórinn tók fyrstu skóflustunguna - Raska þarf nútímahrauni
Morgunblaðið/Sigurður Unnar
Framkvæmdir Reisa á nýtt knatthús á Haukasvæðinu á Ásvöllum og frekari uppbygging er fyrirhuguð.
Sigurður Bogi Sævarsson
sbs@mbl.is
Í Grímsey snýst lífið þessa dagana um
að fara á bjarg og síga að syllum eftir
eggjum. Vorið er tími ævintýra og
eggjatakan er eitt þeirra. Fuglalífið í
eynni er mikið og fjölskrúðugt. Lund-
inn, sem fjölgar sér eins og enginn sé
morgundagurinn, grefur holur á bökk-
um og brúnum, þaðan sem er stutt í
æti. Sílin eru sælgæti, eða svo finnst
lundanum rétt eins og langvíunni sem
á sér bústaði í háum björgum á aust-
anverðri eynni. Og það er einmitt á
þeim slóðum sem sigið er í björg þessa
dagana.
Langvían verpir tvisvar
Fyrstu eggjaferðir vorsins í Gríms-
ey voru 9. maí. Þá var talsvert komið af
eggjum í björgin, en langvían verpir
tvisvar sinnum. Úr fyrra varpinu eru
þúsund eggja tekin. Morgunblaðið var
á svæðinu í fyrradag og þá voru menn í
Sjálandsbjargi. Sigurður Bjarnason
lét sig vaða niður í bjargið; vel bundinn
með allan nausynlegan öryggisbúnað.
Honum til halds og trausts voru feðg-
arnir Garðar Ólafsson og Alfreð sonur
hans. Kaðlinum var rúllað niður á kefli
sem fest er á dráttarvél, en afl hennar
nýtist svo til þess að koma manninum
upp aftur. Þá er vélinni ekið áfram
spölkorn og aftast í spottanum er mað-
ur með fjölda eggja í vösum og pokum.
Þegar í hús er komið er þeim raðað í
kassa og alltaf talsvert sent með flug-
vél í land, í kössum sem merkt eru sem
brothættur farmur.
800 egg úr Sjálandsbjargi
„Þetta er skemmtilegur tími ársins.
Á þriðjudaginn var sigið fimm sinnum
í Sjálandsbjargið og eftirtekjan var
nærri 800 egg. Í öðrum björgum hér
veit ég að menn fengu meira. Sjálfur
hef ég aldrei selt egg, þetta fer allt til
heimanota og svo er talsvert líka gefið
til vina og kunningja,“ segir Alfreð
Garðarsson. Þetta var síðasti sigdagur
ársins og nú taka önnur vorverk við.
Margs þarfnast búið við. Eftir fáeina
daga verður svo farið aftur í eggjaleit.
Þá verður gengið eftir hamrabrúnum
og tínd skeglu- og álkuegg sem nóg er
af í Grímsey; matarkistunni miklu við
heimskautsbaug.
Morgunblaðið/Sigurður Bogi
Bjargsig Feðgarnir Alfreð Garðarsson, t.v., og Garðar Ólafsson aðstoða Sigurð Bjarnason við undirbúning sigsins.
Síga eftir langvíueggjum
í háum klettabjörgunum
- Vor í Grímsey - Eggin eru búsílag - Brothættur farmur
Nýmeti Gylfi Gunnarsson útgerðarmaður með egg, góð og fullt hús matar.